গীতসংহিতা 127:2 - Chakma Bible

² তুমি মিজে মিজে হানা যোগেবাত্তে কাম্ গুরিবাত্তে বেন্যেপোত্যে উদো আর দেরি গুরি ঘুমেবাত্তে যঅ; মাত্তর্ লগেপ্রভু যিগুনোরে কোচ্‌পায় তারা যেক্কেনে ঘুম্ যান সেক্কেয়ো তে তারার দর্‌কারানি যোগেই দে।

গীতসংহিতা 127:2 Iomraidhean Croise

ইয়োব 11:18

তর্‌ সাহস্‌ থেবঅ, কিত্যে আজা আঘে; চেরোকিত্তে চেইনে তুই গমেডালে জিরেবে;

গীতসংহিতা 3:5

মুই ঘুমোত্ পড়িলুং, আরঅ জাগি উদিলুং, কিয়া লগেপ্রভু মরে ধুরি রাগাই।

গীতসংহিতা 4:8

ও লগেপ্রভু, তুয়ই মরে দর্‌বুগ্ নেইয়্যে গুরি রাগেয়োচ্, সেনত্তে মুই বিচ্ছোনত্ পড়িনে গমেডালে ঘুম্ যেম্।

গীতসংহিতা 60:5

তর্ দরমর আঢ্‌তান বাবেইনে আমারে তুই উদ্ধোর গর্; মঅ ডাগনিলোই শমক্ দে যেনে তুই যিগুনোরে কোচ্‌পাজ্ তারা উদ্ধোর পান।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

উপদেশক 1:14

বেলান তলেদি যিয়েনি গরা অয় সিয়েনি বেক্কানি মুই দেগিলুং, দেগিলুং বেক্কানি বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

উপদেশক 5:12

যে কাম গরে তে কম হোক্ বা বেশ্ হোক্ তা ঘুমান্ গম্ অয়। মাত্তর্ তাগোয়্যে মানুচ্চোর্ বোউত্ ধন-সোম্বোত্তি তারে ঘুম্ যেবাত্তে ন-দে।

উপদেশক 6:7

মান্‌জ্যর বেক্ কাম্ গরানাগানি তারার্ পেদত্তে, তো তার্ পেট্ পুরোনা কনদিন্অ মন্ ন-ভরে।

যিরমিয় 31:26

সেক্কে মুই জাগিনে চেরোকিত্তে রিনি চেলুং। মঅ ঘুমান মইধু আরামর্ এলঅ।

যিহিষ্কেল 34:25

“‘মুই তারাত্তে ভালেদির্ এক্কান বেবস্থা থিদেবর্ গুরিম আর দেজত্তুন্ চিৎনপুজ্যে য়েমানুনোরে শেজ্ গুরিম যেনে তারা গমেডালে ধূল্যেচর-চাগালাত্ বজত্তি গত্তে আর ঝার-জংগলত্ ঘুমেই পারন্।