গীতসংহিতা 124:3 - Chakma Bible

³ সালে সিগুনে আমা বিরুদ্ধে রাগে ফুলি উদিদাক্ আমারে জেদাবাদে গিলিদাক্,

গীতসংহিতা 124:3 Iomraidhean Croise

ইষ্টের 3:6

মাত্তর্‌ মর্দখয়র জাদ পৌইদ্যেনে হবর্‌ পেইনে বানা মর্দখয়রে মারে ফেলেবাত্তে এক্কান্‌ মামুলি বেপার্‌ বিলিনে তে মনে গুরিলো। সিয়েনর বদলে তে এক্কান্‌ পধ তোগা ধুরিলো যেনে অহশ্বেরশর পুরো রেজ্যগান ভিদিরেত্তুন্‌ মর্দখয়র মানুচ্চুনোরে, অত্তাৎ যিহূদীগুনোরে ভস্ত গুরি ফেলেই পারে।

গীতসংহিতা 27:2

পাজি মানুচ্চুনে মরে গিলি হেবাত্তে যেক্কেনে উজেই এজন্ সেক্কে মর্ সেই শত্রু আর বিপক্ষগুনে উজোত্ হেইনে পড়ন্।

গীতসংহিতা 35:25

মনে মনে তারারে কবাত্তে ন-দিচ্, “গম ওইয়্যে! যিয়েন মুই চেইয়োং সিয়েনোই ওইয়্যে।” তারারে কবাত্তে ন-দিচ্, “আমি তারে শেজ্ গুরি দিয়্যেই।”

গীতসংহিতা 57:3

স্বর্গত্তুন তার বলান্ লামি এবঅ; যিগুনে মরে লড়ান্ তারার দুজ্‌ছানির কধা কবাত্তে তে ন-ছাড়িবো। গোজেনর ইত্তুন তার অমকদ কোচ্‌পানা আরি বিশ্বেজ্‌ছান লামি এবঅ।

গীতসংহিতা 74:8

তারা মনে মনে কোইয়োন্, “আমি তারারে পুরোপুরি গুরিনে দোঙেই রাগেবং।” গোজেন সমারে মিজেবার বেক্ জাগায়ানি তারা পুড়ি ফেলেই দুয়োন্।

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

গীতসংহিতা 83:4

তারা কদন্, “আদঅ, আমি জাদ্ ইজেবে তারারে শেজ্ গুরি দিই, যেন ইস্রায়েলর নাঙান্ আর কারঅ মনত্ ন-থায়।”

গীতসংহিতা 83:5

তারা এক্ মনা ওইনে কুজুরোমি গোজ্যন্; যিগুনে তমা বিরুদ্ধে চুক্তি গোজ্যন্ তারা অলাক্-

গম্ উপদেজ্ 1:12

তারা যেবাবোত্যেগুরি পুরো কিয়্যেগান্দোই জেদাবাদে মরণ জাগাত, অত্তাৎ সে গাত্তোত্ লামন্দোই, সেবাবোত্যেগুরি এজঅ, আমি তারারে জেদাবাদে পুরো গিলি ফেলেই;

যিরমিয় 51:34

যিরূশালেমর মানুচ্চুনে কদন্, “বাবিল রাজা নবূখদ্‌নিৎসরে আমারে গিলি ফেল্যে, আমারে চুরমার গোজ্যে, আমারে সুদো কুমো ধোক্ক্যেন গোজ্যে। দানব ধোক্ক্যেন্ তে আমারে গিলি ফেল্যে আর আমারে গম্ গম্ হানা দিইনে তা পেট্‌‌‌‌তো ভোরেয়্যে, আর সে পরেদি আমারে এঁটোকাঁটা ধোক্ক্যেন দূর্ গুরি দিয়্যে।”

দানিয়েল 3:19

সেক্কে শদ্রক, মৈশক আর অবেদ্-নগো উগুরে নবূখদ্‌‌‌‌‌‌‌‌‌‌নিৎসরে অমকদ রাগ অলঅ আর তার্ মুয়োদি রাগর্ ভাব ফুদি উদিলো। চুলোবো যেবাবোত্যে গরম্ থায় তে সিবে সিয়োত্তুন্‌অ সাতগুন বেশ্ গরম গুরিবাত্তে কলঅ।

যোনা 1:17

ইন্দি যোনারে গিলি ফেলেবাত্তে লগেপ্রভু এক্কো দাঙর্ মাছ ঠিগ্ গুরি রাগেয়্যে। যোনা সেই মাছ পেদত্ তিন দিন তিন রেত্ রলঅ।

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।