গীতসংহিতা 12:3 - Chakma Bible

^3-4 যিগুনে কন্, “জিলানিলোই আমি জিদিবোং; আমা ঠুট্টুন্ আমা পক্ষেদি আগন্, কন্না আমার্ মুরুব্বি অবঅ”? তারার্ ঠোগেয়্যে ঠুট্টুন্ আর বার্‌বোলোই-ভরা জিলান্ যেন লগেপ্রভু কাবি ফেলায়।

গীতসংহিতা 12:3 Iomraidhean Croise

ইয়োব 32:22

মুই বিগিদি গুরিবাত্তে ন-জানং; যুনি সিয়েন গরং সালে মঅ গোজেনে মরে যাদিমাদি তুলি নেযেব।

গীতসংহিতা 116:11

মুই দোরেইনে কোইয়োং, “বেক মানুচ্চুন্ মিজে কধা কন্।”

গীতসংহিতা 140:12

মুই হবর্ পাং লগেপ্রভু দুঘিমানুচ্চুনোর্ তপ্পে রায় দিবো আর নাঢা মানুচ্চুনোত্তে দোল্ বিচের গুরিবো।

গীতসংহিতা 17:10

তারার বাজে মনর্ দুয়োরান তারা নাঢি রাগেয়োন; তারার্ মুয়োদি বার্বো কধা নিগিলে।

গীতসংহিতা 55:22

তর্ বেক্ কামানি তুই লগেপ্রভুর উগুরে ফেলেই দে, তেয়ই তর্ বেবস্থা গুরিবো; তা ভক্তগুনোরে তে কনদিন্‌অ তলে পরিবাত্তে ন দিবো।

যাত্রা 15:9

শত্রুবো কলঅ‌, মুই তারারে লোড়েম্‌, ধুরি ফেলেম আর তারার্ পযাপিরানি ভাগ গুরি নেযেম্‌; মুই নিজোরে ফেলেং ফেলেং গুরিম সেই বেক্‌ পযাপিরানিলোই। মুই লাম্বা ছুড়িলোই তারারে লোড়েম।

গম্ উপদেজ্ 18:21

মুয়ো কধানি উগুরে নির্ভর গরে জিংকানি আর মরণান; যিগুনে যগাজ্যে কধা কবাত্তে গম্ পান তারা সিয়েনর ফল পেবাক্।

গম্ উপদেজ্ 26:24

ঈচ্ গুরিয়্যেবো মুয়োদি ভান্ গরে, মাত্তর্ মন ভিদিরে ছলনা।

যিশাইয় 10:10

সেই মূত্তিলোই ভরা রেজ্যগানি মঅ আঢত্ পোজ্যে; তারার্ মূত্তিগুন্ যিরূশালেম আর শমরিয়া মূত্তিগুনোত্তুন্ বেশ্ বোউত গম্।

যিশাইয় 59:4

কনজনে গমেডালে মগদ্দমা ন-গরন্, কনজনে ঠিগ্ মজিম মগদ্দমানর উকিলগিরি ন-গরন্। তারা বাজে যুক্তি উগুরে বিশ্বেজ্ গরন আর মিজে কধা কন্; তারা পাজিগানি পেদত্ রাগান আর ভান্ন্যেয়ানি জর্ম দুয়োন।

যিরমিয় 12:6

তঅ ভেইয়ুনে, অত্তাৎ তঅ বংশর নিজো মানুচ্চুনে তল্লোই বেঈমানী গোজ্যন; তারায়ো তঅ পিজেদি লাক্যন্। তঅ পৌইদ্যেনে গম্ কধা কলেয়ো তারারে বিশ্বেজ্ ন-গুরিচ্।

যিরমিয় 9:8

তারার জিলানি দর্‌গরেপারা সেল ধোক্ক্যেন; সিয়েনে ছলনার কধা কয়। পত্তিজনে মুয়োদি পাড়াল্যেগুনো লগে মিদে কধা কন মাত্তর্ মন ভিদিরে সিয়েনর বিরুদ্ধে ফাল্ পাদন। ‌‌‌‌‍

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

দানিয়েল 7:8

মুই যেক্কে সেই শিঙুনোরে রিনি চাঙর্ সেক্কে আর এক্কো চিগোন্ শিং সিগুনোর সংমোধ্যে উদিলো; তা মুজুঙোত্ আগ শিঙুনো ভিদিরেত্তুন্ তিন্নো উগুরে ফেলা অলঅ। এ শিঙোর্ মান্‌‌‌‌জ্য চোগো ধোক্ক্যেন চোগ এলাক্ আর এক্কান মু এলঅ যিয়েনে বাড়্‌‌‌‌বো গুরি কধা কর্।

মালাখি 3:13

লগেপ্রভু আরঅ কত্তে, “তুমি মঅ বিরুদ্ধে দর দর কধা কোইয়ো, মাত্তর্ তুমি কত্তে, ‘তঅ বিরুদ্ধে আমি কি কোইয়্যেই?’

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।

ফগদাং পেইয়্যে 13:5

বাড়্‌বো গুরিবাত্যে আর গোজেনরে অগমান গুরিবাত্যে সেই য়েমান্নোরে কধা কবার্ খেমতা দিয়্যে অলঅ। সেই য়েমান্নো যেন বিয়াল্লিশ মাস ধুরিনে তা অধিকারান্ খাদেই পারে সেনত্যে তারে অনুমতি দিয়্যে অলঅ।

১ শমূয়েল 2:3

তুমি আর বার্‌বো কধা ন-কোইয়ো, অহংকারর্ কধা তমা মুয়োত্তুন্ ন নিগিলোক্; কিত্যে লগেপ্রভু এধোক্ক্যেন গোজেন যে বেক্কানি হবর্ পাই, আর তেয়ই কামানি মাবি চাই।