গীতসংহিতা 12:2 - Chakma Bible

² মানুচ্ মান্‌জ্য ইদু মিজে কধা কন্; তারা কধা কন্দে ঠোগেয়্যে ঠুট্টোই আর ছলনা-ভরা মন্দোই।

গীতসংহিতা 12:2 Iomraidhean Croise

১ বংশধর 12:33

সবূলূন-গুট্টির পঞ্চাশ আজার্ কাবিদ্যং সৈন্য। তারা নানান্‌ বাবোত্যে আত্যের্‌ লোইনে যুদ্ধো গুরি পারিদাক্‌। তারা গমেডালে বিশ্বেজ্ গুরিনে দায়ূদোরে বল্‌ দুয়োন্‌।

গীতসংহিতা 10:7

তা মুয়োন্ অভিশাবে, ঠোগেয়্যে আর অত্যেচারর্ কধালোই ভরা; তা জিলানত্ রোইয়্যেদে অন্যেয় আর ভান্ন্যেয়র্ কধা।

গীতসংহিতা 116:11

মুই দোরেইনে কোইয়োং, “বেক মানুচ্চুন্ মিজে কধা কন্।”

গীতসংহিতা 144:11

মরে রোক্ক্যে গর্, অন্য জাদর আঢত্তুন্ মরে বাঁজা; তারার মুয়োনি ছলনা কধালোই ভরা; তারা ডেন আঢ্‌তান্ তুলিনে মিজে শমক্ গরন্।

গীতসংহিতা 144:8

তারার মুয়োনি ছলনা কধালোই ভরা; তারা ডেন আঢ্‌তান্ তুলিনে মিজে শমক্ গরন।

গীতসংহিতা 28:3

যিগুনে পাজি, যিগুনে বজং কাম্ গুরি গুরি বেড়ান্, যিগুনে বেক্কুনো সমারে গমেডালে কধা কন্ অদচ ভান্ন্যেয়ানি মনত্ রাগান্, তারা লগে সাজা দিবাত্তে তুই মরে টানি ন-নেযেচ্।

গীতসংহিতা 38:12

মরে যিগুনে মারে ফেলেবাত্তে চান্ তারা মত্তে ফাল্ পাত্যন্; যিগুনে মরে ক্ষেতি গুরিবাত্তে চান তারা মরে ভস্ত অবার্ দর্ দেগান; পুরো দিন্নো তারা বানা মরে ঠোগেবার ফন্দি গরন্।

গীতসংহিতা 41:6

তারাত্তুন্ কনজনে মরে চেবাত্তে এলে মঅ লগে ফক্করর্ কধা কন; মর্ বিরুদ্ধে তারা ইংসে-নিন্দের কধা যোগার্ গরন আর বারেন্দি যেইনে সিয়েনি কোই কোই বেড়ান্।

গীতসংহিতা 5:9

মঅ শত্রুগুনোর কনঅ কধা বিশ্বেজ্ গরা ন-যায়, তারা মনত্ আগেদে ভস্ত অইদে মনভাব, তারা মুয়োনি যেন মেল্যে গোর ধোক্ক্যেন্, জিল্লোই তারা থেঝেরামাজ্যে কধা কন্।

গীতসংহিতা 55:21

তার মুয়ো কধানি মাখনত্তুন বেশ্ নরম, মাত্তর্ তা মনানত্ রোইয়্যেদে যুদ্ধো; তা কধানি কিয়্যেত্ গুল্যে তেলত্তুন বেশ্ আরামর, মাত্তর্ সিয়েনি যেন থৈল্যেত্তুন টানি নিগিল্যেয়ে তলোয়ার।

গীতসংহিতা 59:12

তারার মুয়ো পাপ্পোই আর ঠুদো কধালোই যে অভিশাপ্পান্ আর মিজে কধানি আঘে, সিয়েনত্তে তারার বার্‌বোগানিলোই তারা ধরা পোড়োদোক্।

গীতসংহিতা 62:4

তার দাঙর্ পথ্‌তানত্তুন্ তারে তলেন্দি লামেই দেনা তারার বানা এক্কান ফন্দি; মিজে কধালোই তারার ফুত্তি। মুয়োন্দি তারা বর্ দুয়োন্ মাত্তর্ মনেদি অভিশাব্ দুয়োন।

গম্ উপদেজ্ 20:19

যে ইংসে-নিন্দে গুরিনে বেড়ায় তে গুমর কধানি ফগদাং গুরি দে; সেনত্তে যে বেশ্ কধা কয় তা সমারে ন-মিজেয়ো।

গম্ উপদেজ্ 20:6

বোউত্ মান্‌জ্যে নিজোরে বিশ্বেজি বিলিনে দাবি গরন্, মাত্তর্ বিশ্বেজবলা মানুচ্ কন্না থোগেইনে পায়?

গম্ উপদেজ্ 29:5

যে মানুচ্চো পাড়াল্যেগুনোর চাম্‌‌চাগিরি গরে তে নিজো টেঙত্ তলে জালান্ পাদে।

যিরমিয় 7:28

সেনত্তে তুই তারারে কবে, ‘তুমি সেই জাদ্, যে তার গোজেন লগেপ্রভুর আওজ্ মজিম ন-চলে বা তার সংশোধনত্ ন-শুনোন্। সত্যগান ভস্ত ওই যেইয়্যে; কনজনে সে পৌইদ্যেনে মুয়োদিয়ো ন-আনন্।’ ”

যিরমিয় 9:8

তারার জিলানি দর্‌গরেপারা সেল ধোক্ক্যেন; সিয়েনে ছলনার কধা কয়। পত্তিজনে মুয়োদি পাড়াল্যেগুনো লগে মিদে কধা কন মাত্তর্ মন ভিদিরে সিয়েনর বিরুদ্ধে ফাল্ পাদন। ‌‌‌‌‍

যিহিষ্কেল 12:24

ইস্রায়েল মানুচ্চুনো ভিদিরে মিজে দর্শন আর হুজি গুরিবার্ গণানা-ঝাড়ি দেনা আর ন-থেবঅ।

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

১ থিষলনীকীয় 2:5

তুমি কোই পারঅ আমি কনদিন্অ বিগিদি গুরিনে কধা ন-কোই, আর লুভ্‌পানরে নাঢি থোইনেয়ো যে ছলনা গুরিনে কনঅ কধা আমি ন-কোই, গোজেনে তার্ সাক্ষী।

যাকোব 1:8

তে দ্বি-মনা মানুচ্‌ আর তার বেক্‌ কামানিত্ থির্ নেইয়্যে।