গীতসংহিতা 112:6 - Chakma Bible

⁶ তে আমিঝে থির্ থেবঅ; গোজেনভক্ত মান্‌জ্যরে উমর সং মনত্ রাগেবাক্।

গীতসংহিতা 112:6 Iomraidhean Croise

নহিমিয় 13:22

সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

গীতসংহিতা 125:1

যিগুনে লগেপ্রভু উগুরে বিশ্বেজ্ গরন তারা সিয়োন মুড়োবো ধোক্ক্যেন দরমর আর উমরত্তে থিদেবর্।

গীতসংহিতা 15:5

সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

গীতসংহিতা 55:22

তর্ বেক্ কামানি তুই লগেপ্রভুর উগুরে ফেলেই দে, তেয়ই তর্ বেবস্থা গুরিবো; তা ভক্তগুনোরে তে কনদিন্‌অ তলে পরিবাত্তে ন দিবো।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 62:2

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই পুরোপুরি গুরিনে উদিই ন-যেম্।

গীতসংহিতা 62:6

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই থির্ থেম।

গম্ উপদেজ্ 10:30

গোজেন ভক্ত মানুচ্চুনে আমিঝে অদে অদে থান্, মাত্তর্ পাজি মানুচ্চুনে দেজত্ বজত্তি গুরি ন-পারিবাক্।

গম্ উপদেজ্ 10:7

গোজেন ভক্তগুনোর্ স্মৃতিগানিয়ে আশিদ্‌বাদ আনে, মাত্তর্ পাজিগুনোর নাঙানি পুযি যায়।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।