গীতসংহিতা 109:16 - Chakma Bible

¹⁶ তারা দোয়্যে গুরিবার কধা কনদিন্‌অ মনে ন-গরন্, তো দুঘী, নাঢা আর আজা নেইয়্যে মানুচ্চুনোরে মারে ফেলেবাত্তে অত্যেচার গুরিদাক্।

গীতসংহিতা 109:16 Iomraidhean Croise

পত্থম 42:21

সে পরেদি তারা একজন আরেকজনরে কলাক্, “ঘেচ্চেকগুরি আমা সে ভেইবো উগুরে আমি যিয়েন্‌ গোজ্যেই সিয়েন্দোই আমি দুষি। তে যেক্কে আমা মুজুঙোত্‌ কোজোলী গোজ্যে সেক্কে তা মনর্‌ দুঃখোগান্‌ দেগিনেয়ো আমি তা কধালোই কান ন-পাদিই। সেনত্তে আমা উগুরে এ দুঃখানি এচ্চ্যে।”

গীতসংহিতা 10:14

মাত্তর্ ও গোজেন, দুঘ্-কট্টগানিয়ে তঅ চোগ্‌কুনোরে ফাকি দি নঅ-পারন্; তুই নিজো আঢে ইয়েনর্ বেবস্থা গর্। অসহায়ানে দঅ তঅ আঢত্ নিজোরে তুলি দে; মা-বাপ নেইয়্যেগুনোরে তুই সাহায্য গুরি থাচ্।

গীতসংহিতা 10:2

পাজি মানুচ্চুনে বার্‌‌বো গরানার্ কারনে দুঘি মানুচ্চুনোরে লড়ান্, মাত্তর্ নিজো কুজুরোমিয়ে তে নিজে ধরা পড়ে।

গীতসংহিতা 34:18

যিগুনোর মনানি ভাঙি যেয়েগোই লগেপ্রভু তারা ইদু থায়; যিগুনোর মনানি ভাঙি যেয়েগোই তে তারারে উদ্ধোর্ গরে।

গীতসংহিতা 37:14

দুঘি আর নাদা মানুচ্চুনোরে নাশ গুরিবাত্তে, গম্ পধেদি আঢন্দে মানুচ্চুনোরে মারে ফেলেবাত্তে, পাজিগুনে লাম্বাছুড়ি নিগিলেন আর ধনুলোই মারন্।

গীতসংহিতা 37:32

পাজি মানুচ্চুনে গোজেন ভক্তগুনোত্তে উৎ পাদি থান্, তারারে মারে ফেলেবার চেরেষ্টা গরন।

মথি লেখ্যে গম্ হবর্ 5:7

যিগুনে দোয়্যেলু তারা বর্‍‍‍পেইয়্যে, কিয়া তারা দোয়্যে পেবাক্।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।