গীতসংহিতা 102:4 - Chakma Bible

⁴ রোদ তেজে শুগে যেইয়্যে ঘাস ধোক্ক্যেন্ মঅ মনান্ শুগেই যেইয়্যে; মুই হেবাত্তেয়ো ভুলি যাঙ্।

গীতসংহিতা 102:4 Iomraidhean Croise

২ শমূয়েল 12:17

রাজঘরর্‌ দাঙর্ নেতাগুনে তারে মাদিত্তুন তুলিবাত্তে তাইদু গেলাক্, মাত্তর্‌ তে রাজি ন-অলঅ আর তারা সমারে হানা-দানায়ো ন-গুরিলো।

ইষ্রা 10:6

সে পরেদি ইষ্রা গোজেনর্ ঘর মুজুঙোত্তুন্ ইলীয়াশীবর পুয়ো যিহোহাননর ঘুদিবোত্ গেলঅ। তে সিয়েনত্ হানা বা পানি কিচ্ছু ন হেলঅ, কিত্যে বন্দীদযাত্তুন্ ফিরি এচ্চ্যে মানুচ্চুনোর অবিশ্বেজত্যে তে আবিলেচ্ গুরিলো।

ইয়োব 10:1

মর্‌ বাঁজি থানাগানই মুই ঘিনাং, সেনত্তে মঅ দুঘোর্‌ কধানি মুই আভাংপাদারি কোম্‌ আর মঅ পরাণর্‌ তিদে অবস্থাত্তুন্‌ কধা কোম্‌।

ইয়োব 30:30

মঅ চামানি কালা ওইনে উদি যার্; জ্বরে মঅ কিয়্যেগান পুড়ি যার্।

ইয়োব 33:20

ইয়োত্ হানা-দানাত্ তার কাঙেলেত্যে লাগে, তে বেগত্তুন গম্ হানাগানঅ ঘিনেই।

ইয়োব 6:4

বেগত্তুন্‌ খেমতাবলা গোজেনর সেল্‌লো মইদু ফুট্যে, মঅ পরাণানে সিবের্‌ বিষছান্‌ খার্‌; গোজেনর দর্‌গরেপারা কামানিয়ে মঅ বিরুদ্ধে সুর্‌ বুদিনে থিয়্যেইয়্যে।

গীতসংহিতা 102:11

মঅ দিনুন্ বেল্যেমাদান ছাবা ধোক্ক্যেন ওই যেয়োন্; ঘাস ধোক্ক্যেন মুই শুগেই যাঙর্।

গীতসংহিতা 102:9

তুই মরে লুঙি মারি ফেলেই দুয়োচ্; তর্ লবাদোস্যে আর রাগত্তে দুঘে যেন ছেই হেইনে মঅ দিনুন্ কাদের্; মঅ চোগো পানিগান হেবার পানি লগে মিজে যার্।

গীতসংহিতা 37:2

কিয়া ঘাস ধোক্ক্যেন্ তারা যাদিমাদি শুগেই যেবাক্ আর য়েল্ পাদা-গাজ ধোক্ক্যেন্ বেশ্ ন-টিগিবাক্।

গীতসংহিতা 42:6

ও মর্ গোজেন, মর্ পরাণান আজা নেইয়্যে ওইনে পোজ্যে; সেনত্তে দঅ মুই যর্দন গাঙর্ গড়াগানত্ থিয়্যেইনে, হর্মোণ মুড়োবোর মাঢাত্ আর মিৎসিয়র মুরোবোত্ থিয়্যেইনে তর্ কধাগান ভাবঙর্।

গীতসংহিতা 69:20

ঈচ্ গরানায় মঅ মনান্ ভাঙি যেইয়্যে, সেনে মুই অমকদ অসুখ্ ওইয়োং। মর্ দুঘে যেন অন্য মানুচ্চুনে দুঘ্‌কান বুঝোন সিয়েনই মুই চেইয়োং, মাত্তর্ মুই সিয়েন ন-পাং। সান্তনা দিবাক্ এবাবোত্যে মানুচ্ মুই চেইয়োং, মাত্তর্ সেবাবোত্যে কনজনরে ন-পেলুং।

গীতসংহিতা 77:3

মুই যেক্কেনে গোজেন কধা ইদোত্ তুলিদুং সেক্কে দুঘে ফোবেদুং; চিদে গত্তে গত্তে মুই আজা আরাং।

যিশাইয় 40:7

ঘাস শুগেই যায় আর ফুলঅ ছিনি পড়ে, কিত্তে লগেপ্রভুর নিজেস্‌ছো সিগুনো উগুরেদি বেই যায়। ঘেচ্চেক্‌গুরি মানুচ্ দঅ ঘাস ধোক্ক্যেন্।

আবিলেচ্ 3:13

তা বাক্‌সুবোত্তুন্ সেল্ লোইনে তে মঅ মনান্ কানা গুরি দিয়্যে।

আবিলেচ্ 3:20

সিয়েন নিত্য মর্ ইদোত্ আঘে, আর মঅ পরাণানে মন ভিদিরে দুগ্ পেই পেই আঘে।

প্রেরিত্‌ 9:9

তিন দিন সং শৌলে চোগেদি ন-দেগিলো আর কিচ্চু ন-হেলঅ।