গীতসংহিতা 102:2 - Chakma Bible

² মঅ দজাত্ তুই মুয়োন্ ফিরেই ন-রাগেচ্। মঅ কধাগান শুন; মুই ডাগিলে শমক্ দেদে তুই দেরি ন-গুরিচ্।

গীতসংহিতা 102:2 Iomraidhean Croise

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

ইয়োব 7:21

কিত্তে তুই মঅ দুজ্‌ছান আর মঅ পাপ্পানি খেমা ন-গরচ্‌? মত্তুন্‌ দঅ যাদিমাদি মাদিত্‌ ঘুম্‌ যাহ্ পুরিবো; তুই মরে তোগেবে, মাত্তর্‌ মুই ন-থেম্‌।”

গীতসংহিতা 104:29

তুই মুয়োন লুগেলে তারা দরান্; তুই তারার জিংকানি-বোইয়্যেরান্ নেযেলে তারা মুরি যান, আরঅ তারা ধূল্যে ওই যান্।

গীতসংহিতা 13:1

ও লগেপ্রভু, আর কয়দিন? জনমত্তে কি তুই মরে ভুলিনে থেবে? মঅ মুজুঙোত্তুন্ আর কয়দিন তুই তর্ মুয়োন্ ফিরেই রাগেবে?

গীতসংহিতা 143:7

ও লগেপ্রভু, তুই মরে যাদিমাদি জোব্ দে, কিত্তে মঅ পরাণানে যেন নিগিলি যাত্তে ধোক্ক্যেন্; মইদু তঅ মুয়োন ফিরেই ন-রাগেচ্, গোরত্ যিগুনোরে লামাদন্ মুই তারা ধোক্ক্যেন্ যেন ন-অং।

গীতসংহিতা 17:1

ও লগেপ্রভু, তুই ন্যায়র্ কধা শুনোচ্, মঅ কানানিগান কান্ পাত্; মর্ ছলনা নেইয়্যে মুয়োর্ তবনাগান শুন্।

গীতসংহিতা 22:19

মাত্তর্ তুই, ও লগেপ্রভু, দূরোত্ ন-থেচ্; ও মর্ বলান্, মরে বল্ দিবাত্তে যাদিমাদি উজেই আয়।

গীতসংহিতা 27:9

তর্ মুয়োন্ তুই মত্তুন্ ফিরেই ন-রাগেচ্, রাগ্ গুরিনে তুই তঅ চাগর্‌বোরে ফিরেই ন-দিচ্; তুয়ই দঅ মর্ এজাল্ দিয়্যেবো ওইনে এজর্। ও গোজেন, মর্ উদ্ধোর্‌গুরিয়্যে, মরে ফেলেইনে ন-যেচ্, মরে বাদ্ ন-দিচ্।

গীতসংহিতা 31:2

মঅ কধাগান শুন্; মরে উদ্ধোর্ গুরিবাত্তে তুই যাদিমাদি আয়। মরে রোক্ষ্যে গুরিবাত্তে তুই মর্ আশ্রয়-মুড়ো অগি আর মর্ ঘর্ অগি।

গীতসংহিতা 40:13

ও লগেপ্রভু, দোয়্যে গুরিনে মরে বাঁজা; ও লগেপ্রভু, মরে বল্ দিবাত্তে যাদিমাদি আয়।

গীতসংহিতা 69:17

তঅ চাগর্‌বোর ইন্দিত্তুন তর্ মুয়োন তুই ফিরেই ন-রাগেচ্; মুই দযাত্ পোজ্যং, মরে যাদিমাদি জোব্ দে।

গীতসংহিতা 70:1

ও গোজেন, মরে বাঁজা; ও লগেপ্রভু, মরে বল্ দিবাত্যে যাদি আয়।

গীতসংহিতা 71:2

তুই ন্যায়বান বিলিনে মরে বাঁজা, উদ্ধোর গর্; মঅ কধা শুন আর মরে রোক্ষ্যে গর্।

যাত্রা 2:23

ইয়েনর্ বোউত্‌ দিন পরেদি মিসর রাজাবো মুরি গেলঅ। ইন্দি ইস্রায়েলীগুনে তারার্‌ গোলামী খাদদে খাদদে অরান্ ওইনে কানা দোজ্যন্‌। ইয়েনত্তুন্‌ উদ্ধোর্‌ পেবাত্তে তারার্‌ এই কানা-কুদিগানি গোজেন ইধু যেইনে লুমিলো।

যাত্রা 2:24

গোজেনে তারার্‌ কানা-কুদিগানি শুনিলো আর অব্রাহাম, ইসহাক আর যাকোবত্তে যে সুদোমান তে থিদেবর্ গোজ্যে সে কধাগান চিদে গুরিলো।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

১ করিন্হীয় 10:13

মান্‌জ্য জিংকানিত্ যেদক্কানি পোরোক্ষ্যে ওই থায় সিয়েনি বাদে আর অন্য কনঅ পোরোক্ষ্যে দঅ তমা উগুরে ন-অয়। গোজেনে বিশ্বেজবলা; সোজ্জ্যর্ বারেদি পোরোক্ষ্যে তে তমা উগুরে অবাত্তে ন-দিবো, বরং পোরোক্ষ্যের্ লগে লগে সিয়েনত্তুন্ নিগিলি এবার্ এক্কান পধ-অ তে গুরি দিবো যেন তুমি সিয়েন সোজ্জ্য গুরি পারঅ।