গীতসংহিতা 102:17 - Chakma Bible

¹⁷ তে সর্বহারাগুনোর তবনার জোব্ দিবো; তারার কোজোলিগানি তে ঈচ্ ন-গুরিবো।

গীতসংহিতা 102:17 Iomraidhean Croise

নহিমিয় 1:11

ও প্রভু, কোজোলি গরঙ্‌, তর্‌ এ চাগর্‌বোর তবনালোই আর যিগুনে তর্‌ নাঙান্‌ ভক্তি গুরিনে ইদোত্‌ তুলোন্‌ তর্‌ সে চাগরুনোর্‌ তবনাগানি তুই শুনিচ্‌। তর্‌ চাগর্‌বোরে এচ্ছ্যে ফোলেই দে আর এ রাজাবো ইদু দোয়্যে-মেয়্যের্‌ মানুচ্চো গর্‌।” মুই রাজার আংগুর-রস ভাগগুরি দিয়্যে এলুঙ্‌।

নহিমিয় 1:6

ও লগেপ্রভু, কোজোলি গরঙ্‌, তঅ চাগরুনোত্তেই, অত্তাৎ ইস্রায়েলীয়গুনোত্তে মুই তঅ চাগর্‌ তঅ মুজুঙোত্‌ দিনে রেদে যে তবনা গরঙর্‌ সিয়েনি তুই শুন্‌ আর সিয়েনিত্‌ মনান্‌ দে। আমি ইস্রায়েলীয়গুনে তর্‌ উল্লোমি গুরিনে যে পাপ্পানি গোজ্যেই সিয়েনি মুই স্বীগের্‌ গরঙর্‌। হামাক্কাই মুই আর মঅ্‌ বাবর্‌ বংশর মানুচ্চুনে পাপ গোজ্যেই।

নহিমিয় 2:20

মুই জোবত্‌ তারারে কলুঙ্‌, “স্বর্গর গোজেনে আমারে ফোলেই দিবো। আমি, তার্‌ চাগরুনে, আরঅ দেবাল গাদেবং, মাত্তর্‌ যিরূশালেমত্‌ তমার্‌ কনঅ সোম্পোত্তি, কনঅ্‌ দাবি বা কনঅ অধিকার নেই।”

গীতসংহিতা 147:2

লগেপ্রভু যিরূশালেমানরে গড়েই তুলিবো; দূর্ গুরি দিয়্যে ইস্রায়েলীয়গুনোরে তেয়ই এগত্তর্ গরে।

গীতসংহিতা 22:24

দুখিগুনোর দুখ্ দেগিনে তারে তে তুচ্ছো বা এলাফেলা ন-গরে; তে তাত্তুন্ নিজোর্ মুয়োন্ ন-ফিরেই, বরং বল্ পেবাত্তে তে তার্ কোজোলীগান শুন্যে।

গীতসংহিতা 69:23

তারার চোগ্‌কুন কান্ ওক যেনে তারা ন-দেগন্, আর নিত্য তারার কমরুনোত্ গির্‌গিরেনি ধোরোক্।

গীতসংহিতা 72:12

যিদুক্কুন নাঢা মানুচ্, অত্যেচার ওইয়্যে আর অসহায় মানুচ্ সাহায্যত্তে কানদন্ তারারে তে উদ্ধোর গুরিবো।

গীতসংহিতা 9:18

নাদা মানুচ্চুনোরে উমরত্তে ভুলি গেলে ন-অবঅ; তারার্ আজানি কনদিন্‌‌অ পূরোণ ন-থেবঅ।

যিশাইয় 40:5

সেক্কে লগেপ্রভুর্ বাঈনী ফগদাং গরা অবঅ, আর বেক মানুচ্চুনে সিয়েনি এক সমারে দেগিবাক্; লগেপ্রভু এ কধানি কোইয়্যে।”

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিরমিয় 31:38

লগেপ্রভু কোইয়্যেদে, “সে অক্তবো এজের্ যেক্কে মত্তে হননেল-ঘরানত্তুন্ কোণাবোর গেট্‌‍‍‍‍‍‍‍‍‍‍‍‍টো সং এ শঅরান আরঅ বানা অবঅ।‍

দ্বি’লম্বর বিররণ 32:36

লগেপ্রভু সেক্কে কবঅ, তার মানুচ্চুনোর বল্‌ ফুরেইয়্যে, চাগর বা গিরোজ্ কারর্‌ আর বল্‌ নেই, সেক্কে তে তার মানুচ্চুনোর পক্ষ নেযেব, তার চাগরুনো উগুরে দোয়্যে গুরিবো।

দ্বি’লম্বর বিররণ 4:29

মাত্তর্‌ সিয়েনত্তুন্‌ তুমি তমা গোজেন লগেপ্রভু ইন্দি মন্‌ ফিরেবা আর সেক্কে তুমি তার্‌ কায়-কুরেত্তুন্‌ সাড়া পেবা, হামাক্কায়্‌ যেক্কেনে তুমি তমার্‌ বেক্‌ মন-পরাণানি দিইনে সিয়েনি গুরিবা।