গীতসংহিতা 102:14 - Chakma Bible

¹⁴ তা শীল পাত্তরুন্ তঅ চাগরুনো ইদু কোচ্‌পানার্; তার ধূল্যেকণাগুনো উগুরেয়ো তারার মেয়্যে আঘে।

গীতসংহিতা 102:14 Iomraidhean Croise

ইষ্রা 1:5

ইয়েন্দোই যিহূদা আর বিন্যামীনর বংশ-নেতাগুনোর, ধর্মগুরুগুনোর আর লেবীয়গুনো ভিদিরে যিগুনো মনত্ গোজেনে দেগা দিলো তারা পত্তিজনে যিরূশালেমত্ লগেপ্রভুর ঘর বানেবাত্যে যেবাত্যে যুুক্কোল্ অলাক্ ।

ইষ্রা 7:27

আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

নহিমিয় 1:3

তারা মরে কলাক্‌, “বন্দীদজাত্তুন্‌ যিগুনে দেজত্‌ ফিরি যেইয়োন্‌ তারা অমকদ দুগোত্‌ আর অসর্মানর্‌ ওইনে আগন্‌। যিরূশালেমর দেবালান্‌ ভাঙি যেইয়্যে আর সিয়েনর্‌ গেট্‌টুন আগুন্দোই পুড়ি দিয়্যে ওইয়্যে।”

নহিমিয় 2:17

পরেন্দি মুই সে দাঙর্‌ পোজিশনর্‌ কাম্‌গুরিয়্যেগুনোরে কলুঙ্‌, “আমি যে কেধোক্কেন্‌ দুঘোত্ আগিই সিয়েন্‌ তুমি দেগর্‌। যিরূশালেমান ভস্ত ওই রোইয়্যে আর সিয়েনর্‌ গেট্‌তুন্‌ আগুন্দোই পুড়ো ওইয়্যে। এজঅ, আমি যিরূশালেমর দেবালান্‌ আরঅ গাদেইনে তুলিই। ইয়েন্দোই আর আমি ঘিনাইদে মানুচ্‌ ওই ন-থেবং।”

নহিমিয় 2:3

তো রাজারে কলুং, “মহারাজ জিংকানিবর্‌ বাঁজি থেজ্‌। মর্‌ পূরোণিমানুচ্চুনে যে শঅরত্‌ গোর্‌ পেইয়োন্‌ সে শঅরান্‌ যেক্কে ভস্ত ওই যেইয়্যে আর সিয়েনর গেট্‌টুন আগুন্দোই পুড়িনে বর্‌বাত্‌ লাগা ওইয়্যে সেক্কে মর্‌ মুয়োন্‌ কিত্তেই সুদোমু ন-লাগিবো?”

নহিমিয় 4:10

এ ভিদিরে যিহূদার মানুচ্চুনে কলাক্‌, “কাম্‌গুরিয়্যেগুনে বল্‌পোজ্যে ওই পোজ্যন্‌ আর পড়ি থেইয়্যে পাত্তরর্‌ কট্টাগুন্‌ এদক্‌ বেশ্‌ ওইয়োন্দে, আমি দেবালান্‌ আর তুলি ন-পারিবোং।”

নহিমিয় 4:2

তা লগে মানুচ্চুনোর্‌ মুজুঙোত্‌ আর শমরিয়ার সৈন্যদলুনোর্‌ মুজুঙোত্‌ তে কলঅ, “এ বল্‌পোজ্যে যিহূদীগুনে কি গত্তন্‌? তারা কি নিজেই এ কামান গুরিবাক্‌? গোজেনর্‌ বল্‌ পেবাত্তে তারা কি এ্যমান্‌ উৎসর্ব গুরিবাক্‌? এক দিনে কি দেবালান্‌ বানানা থুম্‌ গুরিবা? কট্টা কট্টা ওই পড়ি থেইয়্যে পাত্তরর্‌ কুড়োত্তুন্‌ কি তারা পাত্তরুনোরে দরমর গুরি তুলি পারিবাক্‌? সিগুন্‌ দঅ পুড়ি যেইয়োন।”

নহিমিয় 4:6

দেবালান্‌ যেদক্‌ অজল্‌ অবঅ সিয়েনর্‌ অদ্দেকান্‌ সং এধোক্কেন্‌ গুরিনে আমি তুলিলোং, কিত্যে মানুচ্চুনে তারার্‌ বেক্‌ মনান্‌-পরাণান দিইনে কাম্‌ গোজ্যন্‌।

গীতসংহিতা 119:126

ও লগেপ্রভু, ইক্কিনে তর্ কামত্ লামিবার সময় ওইয়্যে; মান্‌জ্যে দঅ তঅ উগুমান্ অমান্য গোজ্যন্।

গীতসংহিতা 79:1

ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিরমিয় 29:10

“বাবিল পৌইদ্যেনে যে সত্তুর বজর কধা কুয়ো ওইয়্যে সিয়েন পূরোণ অলে পরেদি মুই তমা ইন্দি মনান্ দিম; মুই যে ভালেদি গুরিবার এগেম্ গোজ্যং সিয়েন পূরোণ গুরিম, অত্তাৎ তমারে এ জাগানত্ ফিরেই আনিম।

যিরমিয় 30:18

লগেপ্রভু কোইয়্যেদে, “মুই যাকোব বংশর মানুচ্চুনোর অবস্থা ফিরেম আর তারা উগুরে মেয়্যে গুরিম। শঅরানরে সিয়েনর ভস্ত ওইয়্যে জাগান উগুরে আরঅ তুলো অবঅ আর রাজঘরান্ থিয়্যেই থেবঅ তা আগ জাগানত্।

দানিয়েল 9:16

ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্‌‌‌‌কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।

রূত 1:6

মোয়াব দেজত্‌ থাগদে নয়মী শুনিলোদে, লগেপ্রভু তা মানুচ্চুনোরে হানার যুক্কোল্‌ গুরিনে তারা ইন্দি মনান্‌ দিয়্যে। সেনত্তেই তে তার দ্বিবে পূদবোরে নেযেইনে মোয়াব দেজত্তুন ঘরত্‌ ফিরি যেবাত্তে যুক্কোল্‌ অলঅ‌।