গীতসংহিতা 102:1 - Chakma Bible

¹ ও লগেপ্রভু, তুই মঅ তবনাগান্ শুন; এজাল্ চেইনে মঅ এ কানানিগান্ তইদু লুমোক্কোই।

গীতসংহিতা 102:1 Iomraidhean Croise

২ বংশধর 30:27

যেরেন্দি যে লেবীয়গুনে ধর্মগুরু এলাক্‌ তারা থিয়্যেইনে মানুচ্চুনোরে বর্ দিলাক্‌, আর গোজেনে তারার্‌ তবনাগান শুনিলো, কিত্তে তারার্‌ তবনাগান্‌ স্বর্গত্‌ তার্‌ পবিত্র থেবার্‌ জাগানত্‌ লুম্মেগোই।

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 143:4

সেনত্তে মুই আজা নেইয়্যে ওইয়োং; মঅ মনান্ বাজে ওই যেইয়্যে।

গীতসংহিতা 143:7

ও লগেপ্রভু, তুই মরে যাদিমাদি জোব্ দে, কিত্তে মঅ পরাণানে যেন নিগিলি যাত্তে ধোক্ক্যেন্; মইদু তঅ মুয়োন ফিরেই ন-রাগেচ্, গোরত্ যিগুনোরে লামাদন্ মুই তারা ধোক্ক্যেন্ যেন ন-অং।

গীতসংহিতা 145:19

যিগুনে তারে ভোক্তিগুরিনে দরান্ তারার মন আওজ্‌চানি তে পুরেই দে; সাহায্যত্তে তারার কানানিগানি শুনিনে তে তারারে রোক্ক্যে গরে।

গীতসংহিতা 18:6

মুই এ দজাত্ মর্ গোজেন লগেপ্রভুরে ডাগিলুং আর বল্ পেবাত্তে তাইদু কানাকুদি গুরিলুং। তার্ থেবার ঘরানত্তুন্ তে মর্ রঅবো শুনিলো; মর্ কানানিগান তাইদু লুমিলো আর তা কানত্ গেলঅ।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

গীতসংহিতা 5:2

ও মর্ রাজা, ও মর্ গোজেন, তঅ সাহায্যত্তে মঅ কানানিয়ান্ তুই শুন্, কিয়া মুই তইদু তবনা গরঙর্।

গীতসংহিতা 61:2

মুই যেক্কেনে নিরাজায়্ ভাঙি পড়ং সেক্কেনে পিত্‌থিমীর শেজ্ দুযিত্ থেলেয়ো সিয়োত্তুন্ মুই তরে ডাগিম। মরে তুই এন্ কনঅ অজল্ আশ্রয়-মুড়োত নেযেইনে রাগা যিয়েন মর্ নাগালর বারেন্দি।

গীতসংহিতা 62:8

ও মর্ মানুচ্চুন, গোজেনে আমা আশ্রয়; তুমি নিত্য তা উগুরে নির্ভর গর, তাইদু তমার মনান্ ঢালি দুয়ো।

গীতসংহিতা 77:3

মুই যেক্কেনে গোজেন কধা ইদোত্ তুলিদুং সেক্কে দুঘে ফোবেদুং; চিদে গত্তে গত্তে মুই আজা আরাং।

যাত্রা 2:23

ইয়েনর্ বোউত্‌ দিন পরেদি মিসর রাজাবো মুরি গেলঅ। ইন্দি ইস্রায়েলীগুনে তারার্‌ গোলামী খাদদে খাদদে অরান্ ওইনে কানা দোজ্যন্‌। ইয়েনত্তুন্‌ উদ্ধোর্‌ পেবাত্তে তারার্‌ এই কানা-কুদিগানি গোজেন ইধু যেইনে লুমিলো।

আবিলেচ্ 3:44

তুই মেঘ্‌‌কোই নিজোরে ঢাগি ফেল্যচ্ যেনে কনঅ তবনা তা ভিদিরেদি যেই ন-পারে।

আবিলেচ্ 3:8

যেক্কে মুই ডাগং বা সাহায্যত্তে কানং, সেক্কে মঅ তবনাগান তে ন-শুনে।

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

বিচের গুরিয়্যেগুন 10:16

ইয়েনর্ পরেন্দি তারা ভিদিরে অন্য জাদ্‌‌‌‌তুনোর যিদুক্কুন দেব-দেবেদা এলাক্‌ সিগুনোরে দূর্ গুরি দিইনে তারা লগেপ্রভুরে সেবা গরা ধুরিলাক্‌। ইস্রায়েলীয়গুনোর দুঃখানি দেগিনেই লগেপ্রভুর মনত্‌ বুক্‌ ধিবেদিপ্যে অলঅ।

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”