গীতসংহিতা 101:6 - Chakma Bible

⁶ দেজর্ বিশ্বেজি মানুচ্চুনো ইন্দি খিয়েল্ থেবঅ যেনে তারা মঅ সমারে বজত্তি গুরি পারন্; যিগুনো জিংকানিগানি দোল্ তারা মঅ কামানি গুরিবাক্।

গীতসংহিতা 101:6 Iomraidhean Croise

গীতসংহিতা 119:63

যিগুনে তরে ভোক্তিগুরি দরান আর তর্ সুদোমানি পালান্ মুই তারার বেক্কুনোর সমাজ্যে।

গীতসংহিতা 15:4

ঘিনাইদে মানুচ্চুনোরে ছাড়িনে যায় আর লগেপ্রভুর্ ভক্তগুনোরে সর্মান গরে, ক্ষেতি অলেয়ো এগেমান্ রোক্ষ্যে গরে,

গীতসংহিতা 34:15

যিগুনে ন্যায়র্ পধেদি চলন্ তারা উগুরে লগেপ্রভুর চোখ্ আঘে; তারার্ ডাগনিগানি শুনিবাত্তে তা কানান্ খুলো আঘে।

গম্ উপদেজ্ 28:28

পাজি মানুচ্চুনো আঢত্ খেমতা গেলে মানুচ্চুনে লুগোন্, মাত্তর্ সেই পাজিগুনে ভস্ত অলে গোজেন ভক্ত মানুচ্চুন্ বাড়িবাক্।

গম্ উপদেজ্ 29:2

গোজেন ভক্ত মানুচ্চুন্ বাড়িলে মান্‌‌জ্যে হুজি অন্, মাত্তর্ পাজি মানুচ্ শাজন্‌গুরিয়্যে অলে মান্‌‌জ্যে ছদ্‌‌ফদান।

লেবীয় 14:42

সে পরেদি যিয়েনত্তুন্‌ পাত্তর্‌ খুলি নেযা ওইয়্যে সিয়েনত্‌ নুয়ো পাত্তর্‌ বোজেনেই নুয়ো মাদি দিইনে লিবি দিয়া পুরিবো।

মথি লেখ্যে গম্ হবর্ 24:45

সেই বিশ্বেজি আর বুদ্ধিবলা চাগর্‌বো কন্না, যিবেরে তা গিরোজ্‌সো তার্ অন্য চাগরুনোরে ঠিগ্ সময়োত্ হানা দিবাত্তে কামর্ ভারান্ দিয়্যে?

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 14:3

মুই যেইনে তমাত্যে জাগা থিক্ গুরিনে আরঅ ফিরি এইম্ আর মঅ ইধু তমারে নেযেম্, যেন মুই যিধু থাং তুমিয়ো সিধু থেই পারঅ।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।