গীতসংহিতা 101:5 - Chakma Bible

⁵ যিগুনে ভিদিরে ভিদিরে অন্য মান্‌জ্যরে ঈচ্ গরন তারারে মুই শেজ্ গুরিম; যিগুনো চোগ্‌কুনোত্ আর মনানিত্ বাড়্‌বোগান্ রোয়্যে তারারে মুই সোজ্য ন-গুরিম।

গীতসংহিতা 101:5 Iomraidhean Croise

গীতসংহিতা 138:6

যুনিয়ো লগেপ্রভু বেক্কানি উগুরে আঘে তো তে তলে পোজ্যে মানুচ্চুনো ইন্দি খিয়েল্ রাগায়, মাত্তর্ বাড়্‌বো গুরিয়্যেগুনোরে তে দূরোত্তুন্ হবর্ পায়।

গীতসংহিতা 15:3

পররে নিন্দে ন-গরে, সমাজ্যেরে ক্ষেতি ন-গরে, পাড়াল্যেগুনোর্ সর্মানান্ বর্‌‌বাদ্ ন-গরে,

গীতসংহিতা 18:27

তুই দুখিগুনোরে রোক্ষ্যে গুরি থাচ্ আর বার্‌বোগুনোরে তলে লামাচ্।

গীতসংহিতা 50:20

তুই বোইদ্যে বোইদ্যে তর্ নিজো ভেইয়োর্ বিরুদ্ধে কধা কোই কোই থাচ্ আর তারে ইংসে গরচ্।

যাত্রা 20:16

কারঅ বিরুদ্ধে মিজে সাক্ষী ন-দুয়ো।

যাত্রা 23:1

মিজে কধানি ন-বাড়েবা। সিয়েনি গুরিনে অন্যেয়র্ পক্ষ ওইনে পাজি মান্‌জ্যরে এজাল্ ন-দিবা।

গম্ উপদেজ্ 10:18

যে মানুচ্চো তা মন ভিদিরে ঈচ্ গরেদে কধা গুমরত্ রাগায় তে মিজে কধা কয়;

গম্ উপদেজ্ 20:19

যে ইংসে-নিন্দে গুরিনে বেড়ায় তে গুমর কধানি ফগদাং গুরি দে; সেনত্তে যে বেশ্ কধা কয় তা সমারে ন-মিজেয়ো।

গম্ উপদেজ্ 21:4

পাজিগুনোর চোগো ইজিরে বাড়্‌বো আর মনানি অহংকারে ভরা; তারার জিংকানি-চেরাগ্‌কো পাপে ভরা।

গম্ উপদেজ্ 25:23

উত্তেরেদি বোইয়্যেরানে যেধোক্ক্যেন্ ঝড় আনে, সেধোক্ক্যেন্ নিন্দেগুরিয়্যেবোর কধালোই অন্যগুনোর মুয়োত্ রাগর্ ভাব দেগা যায়।

গম্ উপদেজ্ 30:13

তারার চোগ্‌কুন বাড়্‌‌বো, তারার রিনি চানাগান্অ বেদোক্ক্যেন্,

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিহিষ্কেল 22:9

তঅ ভিদিরে এমন এমন মানুচ্ আগন্ যিগুনে অন্যগুনোরে বদ্‌‌‌‌‌‌‌‌‌‌‌নাং গুরিনে তারার্ লো ঝরান্, মুড়ো উগুরে পূজোর্ জাগানত্ হানা-দানা গরন আর ভান্ন্যেই ভান্ন্যেই কাম গরন।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

লেবীয় 19:16

কাররে ইংসে-নিন্দে গুরি বেড়ানা ন-চলিবো। কনঅ মান্‌জ্যর্‌ পরাণানর্‌ ক্ষোতি ওই পারে এধোক্ক্যেন কিজু গরানা ন-চলিবো। মুই লগেপ্রভু।

লূকে লেখ্যে গম্ হবর্ 18:14

“মুই তমারে কঙর্, সেই খাজানা-তুলিয়্যেবোরে গোজেনে নিদ্দুজি বিলি মানি লল আর তে ঘরত্ ফিরি গেলঅ। মাত্তর্ সেই ফরীশীবোরে তে নিদ্দুজি বিলি মানি ন-লল। যে কেঅ নিজোরে অজল্ গরে তারে তলে গরা অবঅ আর যে নিজোরে তলে গরে তারে অজল্ গরা অবঅ।”

১ করিন্হীয় 5:11

আসলে মুই যিয়েন লেক্ক্যং সিয়েনর অত্তগান ইয়েন-যুনি কেঅ নিজোরে বিশ্বেজি ভেই কয় অদচ তে বজং খাচ্চ্যদর্ মানুচ্‌ বা লুভী অয়, মূত্তি পূজো গরে, অন্যরে নিন্দে গরে, মাত্তল্ বা দেঙ্‌বাঁজি অয়, মাত্তর্ তা সমারে মিলেমিলি ন-গোজ্জ্য। এমন কি, তা সমারে হানা-দানায়ো ন-গোজ্জ্য।

১ তীমথিয় 3:11

ঠিগ্ সেবাবোত্যেগুরি তারার্ মোগ্‌কুনেয়ো যেন সর্মানর্ যগাজ্জ্যে অন্। তারা যেন অন্যরে বদ্‌নাঙ্ গুরিনে ন-বেড়ান্ আর নিজোরে দোঙেই রাগান্। বেক্কানি পৌইদ্যেনে যেন তারারে বিশ্বেজ্ গরা যায়।

তীত 2:3

সেবাবোত্যেগুরি বুড়ো মিলেগুনোরে কবে, তারার্ চাল্‌চলনত যেন গোজেন উগুরে ভোক্তি থায় আর তারা যেন গম শিক্ষ্যে দুয়োন। পররে নিন্দে গরানা বা মাত্তল্ অনা তারার্ উচিত নয়।

১ শমূয়েল 2:3

তুমি আর বার্‌বো কধা ন-কোইয়ো, অহংকারর্ কধা তমা মুয়োত্তুন্ ন নিগিলোক্; কিত্যে লগেপ্রভু এধোক্ক্যেন গোজেন যে বেক্কানি হবর্ পাই, আর তেয়ই কামানি মাবি চাই।