গীতসংহিতা 101:2 - Chakma Bible

² দোল্ জিংকানি কাদেবাত্তে মুই মনান্ দিম; কক্ক্যে তুই মইদু এবে? মঅ নিজো ঘরত্ মুই গম মনে থেম্।

গীতসংহিতা 101:2 Iomraidhean Croise

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

২ শমূয়েল 8:15

দায়ূদে গোদা ইস্রায়েল দেজ উগুরে রাজাগিরি গরা ধুরিলো। তার মানুচ্চুনোরে তে গমেডালে বিচের্‌ আর শাজন্ গুরিদো।

১ রাজাবলী 11:4

শলোমনর্ বুড়ো বয়জত্‌ তা মোক্কুনে তা মনান্‌ দেব-দেবেদাগুনোর ইন্দি টানি নেযেয়োন্‌। সিয়েনত্তে তা বাপ্পো দায়ূদো ধোক্কেন্‌ তা মনত্‌ তার গোজেন লগেপ্রভু উগুরে এদক্‌ ভোক্তি ন-এলঅ।

১ রাজাবলী 9:4

আর তুই, তুই যুনি তঅ বাপ্পো দায়ূদো ধোক্ক্যেন্‌ দোল্ মনে, গমেডালে মঅ মুজুঙোত্‌ আদচ্‌ আর মর্‌ বেক্‌ উগুমানি, সুদোমানি আর নিদ্দেশ্‌ছানি পালাচ্‌,

২ বংশধর 15:17

যুনিয়ো পূজোর্‌ অজল্‌ জাগায়ানি তে ইস্রায়েলত্তুন্‌ ভস্ত ন-গরে তো জিংকানিবর্‌ তা মনান্‌ লগেপ্রভু উগুরে ভোক্তিলোই পরিপূরোণ এলঅ।

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

গীতসংহিতা 101:6

দেজর্ বিশ্বেজি মানুচ্চুনো ইন্দি খিয়েল্ থেবঅ যেনে তারা মঅ সমারে বজত্তি গুরি পারন্; যিগুনো জিংকানিগানি দোল্ তারা মঅ কামানি গুরিবাক্।

গীতসংহিতা 119:106

মুই তর্ গম সুদোমানি মানি চলিবাত্তে শমক্ গোজ্যং, আর সে শমক্তানি দরমর গোজ্যং।

গীতসংহিতা 119:115

তুমি যিগুনে বজং কাম গরঅ, তুমি মত্তুন্ সুরিই যঅ, যেনে গোজেনর উগুমান্ মুই পালেই পারং।

গীতসংহিতা 26:11

মাত্তর্ মুই গমেডালে আঢা-উদো গরং; মরে তারার্ আঢত্তুন্ উদ্ধোর্ গর্; আর মঅ উগুরে দোয়্যে গর্।

গীতসংহিতা 40:17

মুই দুঘী আর অভাবী, মাত্তর্ মঅ পৌইদ্যেনে প্রভু চিদে গরে। মর্ গোজেন, তুই দেরি ন-গুরিচ্; তুয়ই দঅ মর্ এযালদিয়্যে আর উদ্ধোরগুরিয়্যে।

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

যিশাইয় 38:3

“ও লগেপ্রভু, তুই ইদোত্ তুলি চাহ্, মুই তঅ মুজুঙোত্ কেধোক্ক্যেন্ গুরি বিশ্বেজি আর বেক্ মনান্ দিইনে আঢাউদো গোজ্যং আর তঅ চোগেদি যিয়েন ঠিগ্ সিয়েন গোজ্যং।” ইয়েন কোইনে হিষ্কিয় অমকদ কানাকুদি গরা ধুরিলো।

দ্বি’লম্বর বিররণ 6:7

তমার ঝি-পূঅগুনোরে তুমি বার্‌ বার্‌ সিয়েনি শিগেবা। ঘরত্‌ বৈ থেবার্‌ অক্তত্‌, পধন্দি যেবার্‌ অক্তত্‌, ঘুমেবার্‌ অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি এ বেপারানিলোই তেম্মাং গুরিবা।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

১ শমূয়েল 22:14

ইয়েনর্ জোবত্‌ অহীমেলকে রাজারে কলঅ, “মহারাজ, তর্‌ বেক্‌ কামগুরিয়্যেগুনো ভিদিরে তর্‌ জামেই দায়ূদো ধোক্ক্যেন বিশ্বেজি কন্না? তে তর্‌ কিয়্যেগানর্ রোক্ষ্যেগুরিয়্যে সৈন্যগুনোর নেতা আর তর্‌ গিরি ভিদিরে এক্কো সর্মানিত মানুচ্‌।