গীতসংহিতা 100:5 - Chakma Bible

⁵ লগেপ্রভু মংগলময়, তার কোচ্‌পানা উমরত্যে থিদেবর্; তার বিশ্বেজ্‌ছান বংশর পর বংশ ধুরি চলে।

গীতসংহিতা 100:5 Iomraidhean Croise

১ বংশধর 16:34

তুমি লগেপ্রভুরে ভালেদি জানঅ, কিত্তে তে ভালেদিগান চায়; তার্‌ জদবদে কোচ্‌পানাগান উমরত্যে থিদেবর্‌।

২ বংশধর 5:13

ধর্মগুরুগুনে যেক্কে বারেন্দি এলাক্‌ সেক্কে তূরী বাজেয়্যেগুনে আর গানগেইয়্যেগুনে একলগে এক সুরে লগেপ্রভুর বাঈনী গুরিলাক্‌ আর তারে ভালেদি জানেলাক্‌। তূরী, জোরি আর অন্য বাজানার লগে তারা দাঙর্‌ দাঙর্‌ গুরিনে লগেপ্রভুর নাঙে এ গান্নো গেলাক্‌, “তে মংগলময়, তার্‌ কোচ্‌পানা উমরত্তে।” সে সময়োত্‌ লগেপ্রভুর ঘরান্‌ মেঘে ঢাগি গেলঅ।

ইষ্রা 3:11

লগেপ্রভুরে বাঈনী আর ভালেদির্ গীত্ গাদে গাদে তারা গেলাক্, তে ভালেদিগুরিয়্যে, ইস্রায়েল উগুরে তার্ কোচ্‌‌‌পানাগান্ উমরত্যে থিদেবর্ গোজ্যে। লগেপ্রভুর ঘরর গড়াগান্ থিদেবর্ গরা ওইয়্যে বিলিনে বেক্ মানুচ্চুনে অমকদ রঅ ছাড়িনে লগেপ্রভুরে বাঈনী গুরিলাক্।

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 106:1

লগেপ্রভুরে নাঙ্ গিনে ওক্। তুমি লগেপ্রভুরে ভালেদি জানঅ, কিত্তে তে ভালেদি গরে; তার কোচ্‌পানাগান উমরত্তে।

গীতসংহিতা 107:1

“তুমি লগেপ্রভুরে ভালেদি জানঅ, কিত্তে তে অমকদ গম; তার অমকদ কোচ্‌পানাগান জিংকানিবর্ থিদেবর্ গোজ্যে।”-

গীতসংহিতা 107:15

মান্‌জ্য ইদু লগেপ্রভুর আমক্ অবার্ কামানিত্তে আহ্ তার অমকদ কোচ্‌পানার কারনে তারা তারে ভালেদি জানাদোক্।

গীতসংহিতা 107:22

তারা ভালেদি জানেবার-উৎসর্ব গোরোদোক্, রঙ্গ-ফুত্তির্ গীদ্ গেইনে তার বেক কামানির কধা কোদোক্।

গীতসংহিতা 107:8

মান্‌জ্য উগুরে লগেপ্রভুর আমক্ অবার কামানিত্তে আর তার গভীন্ কোচ্‌পানার কারনে তারা তারে ভালেদি জানাদোক্।

গীতসংহিতা 119:68

তুই গম্ আর ভালেদি গুরি থাচ্; তর্ সুদোমানি মরে শিগেই দে।

গীতসংহিতা 138:8

লগেপ্রভু মত্তে যিয়েন ঠিগ্ গুরি রাগেয়্যে সিয়েন পূরোণ গুরিবো। ও লগেপ্রভু, তর্ কোচ্‌পানাগান জনমত্তে থিদেবর্ গোজ্যে; তুই নিজো আঢে যে কামানি গোজ্যস্ সিয়েনি থুম্ গর্।

গীতসংহিতা 146:6

লগেপ্রভু আগাজ্ আর পিত্‌থিমীগান, সাগর আর তা ভিদিরে বেক্কানি বানেয়্যে; তে উমরত্যে বিশ্বেজি থায়।

গীতসংহিতা 25:8

লগেপ্রভু মংগলময় আর গম্, সেনত্তেই তার্ পথ্‌তানি পৌইদ্যেনে তে পাপীগুনোরে শিক্ষ্যে দি থায়।

গীতসংহিতা 36:5

ও লগেপ্রভু, তর্ অমকদ কোচ্‌পানা আগাজত্ লুমেগোই; তর্ বিশ্বেজ্‌ছান্ যেনে আগাজত্ লুমেগোই।

গীতসংহিতা 52:1

ও বোলীবন্ধ যোদ্ধা, কিত্তেই তুই ভান্ন্যেই বেপারানিলোই বার্‌বো গরর্? গোজেনর অমকদ কোচ্‌পানার দঅ শেজ্ নেই।

গীতসংহিতা 85:10

অমকদ কোচ্‌পানা আর বিশ্বেজর এগত্তর্ ঘুদিবো; ন্যায় আর ভালেদিগানে এক্কান আরেক্কানরে চুমিবো।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

নহূম 1:7

লগেপ্রভু মংগলময়, দুঘোত্ জিরেবার জাগা। যিগুনে তাইদু আশ্রয় নেযান্ তে তারারে দেগাশুনো গরে।

লূকে লেখ্যে গম্ হবর্ 1:50

যিগুনে তারে ভোক্তি গরন্ তারা উগুরে তে দোয়্যে গরে, গুট্টির্ পর্ গুট্টি ধুরি গরে।

দ্বি’লম্বর বিররণ 7:9

সেনত্যেই তুমি মনত্‌ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্‌পায় আর তার্‌ উগুমানি পালন্‌ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্‌ আজার বংশ সং রোক্ষ্যে গরে আর তারা উগুরে তার্‌ অমকদ কোচ্‌পানা দেগায়।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।