গীতসংহিতা 100:4 - Chakma Bible

⁴ তারে ভালেদি জানাদে জানাদে তা গেট্টোন্দি চোমেয়ো, তার্ বাঈনী গত্তে গত্তে তা উদোনত্ চোমেয়ো; তারে ভালেদি জান, তার বাঈনী গরঅ।

গীতসংহিতা 100:4 Iomraidhean Croise

১ বংশধর 29:13

ইক্কিনে, ও আমার গোজেন্‌, আমি তরে ভালেদি জানেই, তরে বাঈনী গুরিনে নাঙ্ গিনিই।

১ বংশধর 29:20

পরেন্দি দায়ূদে বেক্‌ মানুচ্চুনোরে কলঅ, “তুমি তমা গোজেন লগেপ্রভুরে বাঈনী গরঅ।” সেক্কে তারা বেক্কুনে তারার্‌ পূরোণি মানুচ্চুনোর গোজেন লগেপ্রভুরে বাঈনী গুরিলাক্‌ আর লগেপ্রভু আর রাজার নাঙে মাদা নিগিরিনে জু জু জানেলাক্‌।

গীতসংহিতা 122:2

ও যিরূশালেম, আমি তঅ গেদো ভিদিরে যেইনে থিয়্যেলং।

গীতসংহিতা 122:4

সিয়োদই বেক্ গুট্টিগুনে উদোন্দোই, লগেপ্রভু মানুচ্চুনোর বেক্ গুট্টিগুন; ইস্রায়েলরে দিয়্যে উগুম্ মজিম তারা উদোন্দোই লগেপ্রভুরে ভালেদি জানেবাত্তে।

গীতসংহিতা 65:1

ও গোজেন, সিয়োনত্ অলর্ গুরি তরে নাঙ্ গিনে অর্; আমা বেক্ মানত্‌তানি তঅ নাঙে ছিড়ে অবঅ।

গীতসংহিতা 66:13

মুই তঅ ঘরত্ পুজ্যে-উৎসর্ব আনিম আর তইদু মর্ বেক মান্যেগানি ছিড়েম্।

গীতসংহিতা 95:2

আঢঅ, আমি ভালেদি জানাদে জানাদে তা মুজুঙোত্ যেই, গীদ্ গেইনে তার নাঙে রঙ্গ-ফুত্তি গুরিই।

গীতসংহিতা 96:2

লগেপ্রভুর নাঙে গীদ্ গঅ, তার বাঈনী গরঅ; তার দিয়্যে উদ্ধোরর্ কধা দিন্‌কে দিন ফগদাং গরঅ।

গীতসংহিতা 96:8

তুমি স্বিগের্ গরঅ বেক্ বাঈনী পানাগান্ লগেপ্রভুর; উৎসর্বর পযাপিরালোই তা উদোনত্ এজঅ।

গীতসংহিতা 99:3

সে জাদ্‌তুনে তার বাঈনী গোরোদোক্; তে দাঙর্ আর ভোক্তিবলা দর্‌বুক লাগেয়্যে গোজেন; তে পবিত্র।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।