গীতসংহিতা 100:3 - Chakma Bible

³ তুমি হরব পঅ লগেপ্রভুই গোজেন। তেয়ই আমারে বানেয়্যে, আমি তার্; আমি তার্ মানুচ্, তার চোরেয়্যে ভেড়া।

গীতসংহিতা 100:3 Iomraidhean Croise

২ রাজাবলী 19:19

ইক্কিনে ও আমা গোজেন লগেপ্রভু, আসিরিয়ার রাজা আঢত্তুন্‌ তুই আমারে রোক্ষ্যে গর্‌ যেনে পিতথিমীর্‌ বেক্‌ রেজ্যগানিয়্যে কোই পারে, তুয়ই, ও লগেপ্রভু, বানা তুয়ই গোজেন।”

১ বংশধর 16:14

তেয়ই আমা গোজেন লগেপ্রভু; পুরো দুনিয়েগান্‌ তা শাজনে চলের্‌।

ইয়োব 10:3

মরে দুঘ্‌ দিইনে তর্‌ কি লাভ? তঅ আদঅ কামান্‌ কি তুই টেঙোই ঠেলর্ আর শদানুনোর্‌ সল্লালোই হুজি অর্‌?

গীতসংহিতা 119:73

তঅ আঢ্‌তানে মরে বানেয়্যে; মরে বুঝোনা খেমতাগান দে যেনে তর্ বেক উগুমানি মুই জানি পারং।

গীতসংহিতা 149:2

ইস্রায়েলে তার সিরিষ্টি গুরিয়্যেবোরে নিইনে ফুত্তি গোরোক্, সিয়োন মানুচ্চুনে তারার রাজাবোরে নিইনে হুজিয়্যে রাজিয়্যে থাদোক্।

গীতসংহিতা 46:10

লগেপ্রভু কয়দে, “তুমি থাম; তুমি এ কধাগান জানি লঅ, মুয়ই গোজেন; বেক্ জাদ্‌তুনে মরে বাঈনী গুরিবাক্, বাঈনী দান গুরিবো পিত্‌থিমীগানে।”

গীতসংহিতা 78:52

সে পরেন্দি তা মানুচ্চুনোরে তে ভেড়া ধোক্ক্যেন গুরি নিগিলেই আনিলো, আর ধূল্যেচর-চাগালার ভিদিরেন্দি ভেড়া পাল ধোক্ক্যেন গুরি তারারে পরিচালনা গুরিলো।

গীতসংহিতা 79:13

সালে আমি, তঅ মানুচ্চুন, যিগুনে তর্ চোরেইয়্যে মাদ ভেড়া, উমর সং তরে ভালেদি জানেবং আর বংশর পর বংশ ধুরি তর্ বাঈনী গুরিবোং।

গীতসংহিতা 95:3

লগেপ্রভুই দাঙর্ গোজেন; বেক দেব-দেবেদাগুনো উগুরে তেয়ই দাঙর্ রাজা।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

উপদেশক 12:1

তঅ গাবুজ্যে জিংকানিত্ তর্ গোজেনরে ইদোত্ তুল্, কিত্তে বুড়ো বয়জর্ দিনুন্ এজের্, অত্তাৎ দুঘো দিনুন্ এজের্ যেক্কেনে তুই কবে, “মর্ এ বুড়ো বয়জত্ মর্ কনঅ রঙ্গ-ফুত্তি নেই।”

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

যিশাইয় 63:19

তুই যিগুনো উগুরে কনদিন্অ সদ্দারি ন-গরচ্, যিগুনোরে কনদিন্অ তঅ নাঙে ডাগায়ো ন-অয়, ইক্কিনে আমি তারার্ সং সং ওইয়্যেই।

যিশাইয় 64:7

কনজনে তরে ন-ডাগন্ বা কোজোলি গুরিবাত্তে কনজনে তইদু ন-এজন্, কিত্তে আমা ইন্দিত্তুন্ তুই তঅ মুয়োন ফিরেই রাগেয়োচ্ আর আমা পাপত্তে আমারে ভস্ত ওই যেবাত্তে দুয়োর্।

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

যিহিষ্কেল 34:11

মুই প্রভু লগেপ্রভু কঙর্, মুই নিজেই মর্ ভেড়াগুনোরে তোগেম্ আর তারার্ দেগাশুনো গুরিম।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।

দ্বি’লম্বর বিররণ 32:6

ও অবুঝ, বুদ্ধিনেইয়্যে জাদ! এবাবোত্যেগুরি কি তুমি লগেপ্রভুরে হেনা উগুরেবা? তে কি তমার বাপ্‌ তে কি সৃট্টি গুরিয়েবো নয়? তেয়ই দঅ তমারে সৃট্টি গোজ্যে; তেয়ই জাদ ইজেবে তমারে থিদেবর্ গোজ্যে।

দ্বি’লম্বর বিররণ 4:35

তুমি যেনে হবর্‌ পঅ, লগেপ্রভুই গোজেন আর তে বাদে আর কনঅ গোজেন নেই, সেনত্যে এ বেক্কানি তমারে দেগা ওইয়্যে।

দ্বি’লম্বর বিররণ 4:39

“এচ্চ্যে তুমি এ কধাগান্‌ জানি রাগেয়ো আর মনত্‌ রাগেয়ো, লগেপ্রভুই উগুরে স্বর্গর আর তলেন্দি পিত্‌থিমীর গোজেন, আর তে বাদে অন্য কনঅ গোজেন নেই।

দ্বি’লম্বর বিররণ 7:9

সেনত্যেই তুমি মনত্‌ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্‌পায় আর তার্‌ উগুমানি পালন্‌ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্‌ আজার বংশ সং রোক্ষ্যে গরে আর তারা উগুরে তার্‌ অমকদ কোচ্‌পানা দেগায়।

১ পিতর 2:25

ভুল পধত্ যেইয়্যে ভেড়া ধোক্ক্যেন তুমিয়ো ভুল পধেদি যর্, মাত্তর্ যে পালক তমা মন ভিদিরে দেগাশুনো গরে তুমি তা ইধু ফিরি এচ্চ্য।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ পিতর 4:19

সালে গোজেনর্ আওজে যিগুনে দুঘ্ পাদন, তারা তারার্ বিশ্বেজ্‌বলা গোজেন আঢত্ নিজোরে তুলি দেদোক্ আর গম কাম গোরোদোক্।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।