গীতসংহিতা 10:8 - Chakma Bible

⁸ আদাম ইদু হবর্ ন-পেইয়্যে জাগাত্ তে হাপ্ দি থায়; হবর্ ন-পেইয়্যে জাগাত্ তে নিদ্দুজি মান্‌‌জ্যরে খুন্ গরে আর নাদা মানুচ্চুনো উগুরে ভিদিরে ভিদেরে খিয়েল্ রাগায়।

গীতসংহিতা 10:8 Iomraidhean Croise

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

ইয়োব 24:14

খুন্‌গুরিয়্যেগুনে বেন্যেপোত্যে উদিনে নাঢা আর অভাবীগুনোরে মারে ফেলান্, আর রেদোত্ তে চুর্ ওইনে চুর্ গরে।

গীতসংহিতা 17:11

তারা ইক্কিনে আমারে ঘিরি ফেলেয়োন্, আমার্ কন জাগাত্ যেবার্ পথ নেই। তারা আমা উগুরে কড়া নজর্ রাগেয়োন যেনে মাদিত্ আমারে ফেলেই দি পারন।

গীতসংহিতা 94:6

রানিমিলে আর বিদেশিগুনোরে তারা মারে ফেল্যন্ আর মা-বাপ নেইয়্যে গুনোরে খুন গোজ্যন্।

গম্ উপদেজ্ 24:15

ও পাজি মানুচ্, গোজেন ভক্ত মান্‌‍জ্যর ঘরান বিরুদ্ধে তুই উদ্ পাদি ন-থেচ্, তার থেবার জাগানত্ হানা ন-দিচ্;

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

হবক্‌‌‌‌কূক 3:14

যেক্কে তা যোদ্ধাগুনে আমারে ছিদি দিবাত্তে অমকদ গুরি আক্রমন গুরিলাক্, সেক্কে তারা তারা ধোক্ক্যেন্ ফুত্তি গোজ্যন্ যিগুনে ভিদিরে ভিদিরে দুখী মানুচ্চুনোরে গিলিনে হুজি অন্। মাত্তর্ তুই তারার্ নেতাবোরে তা যাদিবো ফুদেই দিলে।

লূকে লেখ্যে গম্ হবর্ 10:1

ইয়েনর্ পরেদি প্রভু যীশু আরঅ সত্তুর্‌জন শিচ্চ্যরে প্রচারত্ পাধেবাত্তে বেঈ নেযেল। তে নিজে যে আদামত্ আর যে জাগাত্ যেবঅ বিলি ঠিগ্ গোজ্যে সেই বেক্ জাগানিত্ যেবার্ আগেদি শিচ্চ্যগুনোরে দ্বিজন্ দ্বিজন্ গুরি পাধেই দিলো।

লূকে লেখ্যে গম্ হবর্ 8:1

পরেদি যীশু আদামে আদামে আর শঅরে শঅরে ঘুরিনে গোজেন রেজ্যর্ গম্ হবর্ ফগদাং গরা ধুরিলো। তা সমারে তার্ বারজন শিচ্চ্য আর কয়েক্কো মিলেয়ো এলাক্। এ মিলেগুনে ভান্ন্যেই আত্মার্ আঢত্তুন্ রেহাই পেইয়োন আর পীড়েত্তুন্ গম্ ওইয়োন্। ইগুনে অলাক্ মরিয়ম, যিবেরে মগ্‌দলীনী কুয়ো অদঅ আর যিবে ভিদিরেত্তুন্ সাত্তো আত্মা নিগিলি যেইয়োন্;

বিচের গুরিয়্যেগুন 9:25

শিখিমোর মানুচ্চুনে অবীমেলকর বিরুদ্ধে মুড়ো উগুরে কিজু মানুচ্‌ রাগেলাক্‌, আর তারা পোইল্যে থেইনে সেই পদেন্দি যিগুনে যেদাক্‌ তারারে লুদেদাক্‌। কধাগান অবীমেলকরে কুয়া অলঅ।

১ শমূয়েল 22:18

সেক্কে রাজা দোয়েগরে কলঅ, “সালে তুই যেইনে ধর্মগুরুগুনোরে মারে ফেলা।” ইদোমীয় দোয়েগে সেদিন্যে পাচাশিজন ধর্মগুরুরে মারে ফেলেল। ধর্মগুরুগুনোর বেক্কুনোর কিয়্যেত্‌ এলদে মসীনার এফোদ।

১ শমূয়েল 23:23

তার পৌল্যেই থেবার বেক্‌ জাগায়ানি নিগিলেবে। সে পরেন্দি দোল্‌ হবর্‌ লোইনে ফিরি এজানার পরেন্দি মুই তমা লগে যেম্‌। তে যুনি দেজর্‌ ভিদিরে থায় সালে মুই যিহূদার বেক্‌ বংশগুনো ভিদিরেত্তুন তারে তোগেইনে নিগিলেম্‌।”