গীতসংহিতা 10:5 - Chakma Bible

⁵ নিত্য তে ফলাইদে পধেদি উজেই যায়; তা চোখকুন্ তর্ শাজন্-বেবস্থাগানরে লাঘ্ ন-পায়, কিয়া সিয়েন্ বোউত্ উগুরে; তার্ বেক্ শত্রুগুনোরে তে ঈচ্ গরে।

গীতসংহিতা 10:5 Iomraidhean Croise

পত্থম 6:12

গোজেনে পিত্‌থীমিয়ান ইন্দি রিনি চেইনে দেগিলোদে, সিয়েন পজাবাজ্ ওই যেইয়্যে, কিত্তে দুনিয়ের মানুচ্চুনো খাচ্চ্যদত্‌ পচা ধোজ্যে।

২ শমূয়েল 5:6

রাজা আর তা সৈন্যগুনে যিবূষীয়গুনোরে আক্রমণ গুরিবাত্তে যিরূশালেম ইন্দি আঢা ধুরিলাক্। যিবূষীয়গুনে যিরূশালেমত্‌ বজত্তি গুরিদাক্। যিবূষীয়গুনে দায়ূদোরে কলাক্, “তুই ইদু সোমেই ন-পারিবে; কানা আর লুলোগুনে তরে ধাবেই দি পারিবাক্।” তারা মনে গোজ্যন্‌ দায়ূদে সিদু সোমেই ন-পারিবো।

১ রাজাবলী 20:13

এ ভিদিরে ইস্রায়েলর রাজা আহাবর ইদু ইক্কো ভাববাদী এইনে এ কধাগান ফগদাঙ্‌ গুরিলো, “লগেপ্রভু কোইয়্যেদে, ‘তুই জদবদে দাঙর্‌ সৈন্যদল্লো দেগর্‌? এচ্ছ্যে মুই তারারে তঅ আঢত্‌ তুলি দিম্‌ আর সেক্কে তুই হবর্ পেবেদে, মুয়ই লগেপ্রভু।’”

ইয়োব 24:23

তে শদানুনোরে গমেডালে জিরেবাত্তে দি পারে, মাত্তর্ তা চোগ্‌‌কুন তান্দে তারার পথ্‌তান ইন্দি।

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 73:3

মুই দেগিলুং, পাজিগুনে বেশ্ সুগে আগন্, সেনত্তে বেক্ বার্‌বো গুরিয়্যেগুনোরে দেগিনে মর্ ইংসে ওইয়্যে;

গম্ উপদেজ্ 1:19

ভান্ন্যেই পধেদি কনঅ কিজু পেবাত্তে যিগুনে যান তারার বেক্কুনোর দজা এবাবোত্যে অয়; তারা যিয়েনি পান সিয়েনিলোই তারা জিংকানিগানি শেজ্ গুরি দুয়োন।

গম্ উপদেজ্ 15:24

বুদ্ধিবলা মান্‌জ্যর জিংকানির পথ্‌তানে তারে উগুরেদি নেযায়, আর সেক্কে তে তলেদি মরণ জাগাত্ যানাত্তুন্ রোক্ষ্যে পায়।

গম্ উপদেজ্ 2:13

যিগুনে আন্ধার পধেদি আঢিবাত্তে উজু পথ্‌তান্ বাদ দুয়োন,

গম্ উপদেজ্ 2:15

আর যিগুনে বেঙা আহ্ বজং পধেদি চলন্।

গম্ উপদেজ্ 24:1

তুই পাজি মানুচ্চুনোরে ইংসে ন-গুরিচ্, তারা লগে থেবাত্তে আওজ্ ন-গুরিচ্;

যিশাইয় 10:1

অভিশাব্ পোড়োক্ সেই মানুচ্চুনোর্, যিগুনে অন্যেয় আইন জারি গরন্ আর মিজে দলিল বানান্ যেনে তারা নাঢা মানুচ্চুনোরে তারার্ অধিকারত্তুন্ সোরেই দি পারন্ আর মর্ অত্যেচার ওইয়্যে মানুচ্চুনোরে ন্যায়বিচের পাদে মানা গুরি পারন্ আর রানিমিলেগুনোর্ আর মা-বাপনেইয়্যেগুনোর্ জিনিস্‌ছানি লুদেই পারন্।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিশাইয় 42:25

সেনত্তে তে তার জোল্‌‌‌‌জোল্যে রাগ্‌কান আর যুদ্ধোর দর্‌‌‌‌গরেপারাগান্ ইস্রায়েল উগুরে ঢালি দিয়্যে। সেক্কে সেই আগুনানে সিয়েনর্ চেরোকিত্তে জ্বুলি উদিলো, তো তে বুঝি ন-পারিলো; আগুনান্ তা কিয়্যেত্ বাঁজিলো, মাত্তর্ সিয়েনত্ তে মনান্ ন-দিলো।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

হোশেয় 9:9

গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।

রোমীয় 3:16

তারার্ পদথ্ ভস্ত অনাগান্ আর দযাগান থায়।

বিচের গুরিয়্যেগুন 9:27

তারা নিজোর্‌ ক্ষেদত্‌ যেইনে আংগুর তুলিনে মাড়িলাক্‌ আর মেইত্‌বান গুরিলাক্‌। তারা তারার্‌ দেবেদার কিয়ঙত্‌ যেইনে খানা-দানা গুরি অবীমেলকরে অভিশাব্ দিলাক্‌।

বিচের গুরিয়্যেগুন 9:38

সেক্কে সবূলে তারে কলঅ্, “ইক্কিনে কুদু গেলঅ তর্‌ সেই দাঙর দাঙর কধানি? তুই কোইয়োছ্‌, ‘অবীমেলকে কন্না, আমি তা তলেন্দি থেবং?’ এই বেক মানুচ্চুনোরে দঅ তুই অলেগন্‌ গোজ্যচ্‌। ইক্কিনে নিগিলি এইনে তারার লগে যুদ্ধো গর্‌।”