16 লগেপ্রভু উমরর্ রাজা; তা দেজ্ছানত্তুন্ অন্য জাদ্তুনে ভস্ত ওই যেবাক্।
ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্, কিত্তে স্বর্গর আর পিত্থিমীর বেক্কানি তর্। ও লগেপ্রভু, তুয়ই বেক্কানি উগুরে রাজাগিরি গরর্; তর্ জাগায়ান্ বেক্কানি উগুরে।
তর্ রেজ্যগান জনমভুরি থিদেবর্ গোজ্যে রেজ্য; তর্ শাজনান্ বংশর পর বংশ ধুরিনে চলিবো।
লগেপ্রভু জনম্ভুরি রাজাগিরি গুরিবো; ও সিয়োন, বংশর পর বংশ ধুরি তঅ গোজেনে রাজাগিরি গুরিবো। লগেপ্রভুরে নাঙ্ গিনে ওক্।
দাঙর্ বান পানিগান লগেপ্রভুর অধীনোত্ এলঅ; তে উমরর্ রাজা, তে সিংহাসনত্ আঘে।
তারা মুজুঙোত্তুন অন্য জাদ্তুনোরে তে ধাবেই দিলো, আর সে জাদ্তুনোর জাগা-জোমিগানি তে জরীপ গুরিনে সোম্বোত্তি ইজেবে তারারে ভাগ গুরি দিলো; তারার ঘরানিত্ ইস্রায়েলর গুট্টিগুনোরে বজত্তি গরা বাজেই দিলো।
অন্য জাদ্তুনে নিজে খুজ্যে গাদত্ পত্তন্দোই; তারার্ লুগেয়্যে জালত্ তারা টেঙানি আক্সো যেইয়্যে।
তুই অন্য জাদ্তুনোরে ওদেই দুয়োচ্ আর পাজিগুনোরে ভস্ত গোজ্যস্; তারার্ নাঙানি তুই উমরত্যে বাদ্ দুয়োচ্।
তে গমেডালে সংসারর্ বিচেরানি গুরিবো, গমেডালে বেক্ জাদ্তুনোরে শাজন্ গুরিবো।
লগেপ্রভু রাজা; তে জোল্জোল্যে রাজ্পোজাক উজ্যে, তে বল্লোই কমর্বো বান্যে; পিত্থিমীগান দরমরগুরি থিদেবর্ ওইয়্যে; সিয়েন কনদিন্অ ন-লুড়িবো।
ও লগেপ্রভু, যুগে যুগে তুয়ই রাজগিরি গুরিবে।”
লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।
মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্থিমীগান গির্গিরেই; জাদ্তুনে তার রাগ্কান সোজ্য গুরি ন-পারন্।
ও লগেপ্রভু, তুই উমরত্যে রাজাগিরি গর্, তর্ সিংহাসনান্ বংশর্ পর বংশ ধুরি থিদেবর্।
সে সময়ান শেজ্ ওই গেলে পরেদি মুই নবূখদ্নিৎসর স্বর্গ ইন্দি রিনি চেলুং আর মর্ মনান্ গম্ পেলুং। সেক্কে মুই মহান গোজেনরে বাঈনী গুরিলুং; যিবে উমরত্যে বাঁজি আঘে মুই তারে সর্মান দেগেলুং আর তারে নাঙ্ গিনিলুং। মুই কলুং, “গোজেনর রেজ্যগান উমরর্ রেজ্য; তাঁর রাজাগিরি যুগে যুগে থিদেবর্ গোজ্যে।
মুই উগুম দুয়োঙর্, মঅ রেজ্যর্ বেক মানুচ্চুন যেন দানিয়েলর গোজেনরে দরান্ আর ভক্তি গরন, কিত্যে তেয়ই জেদা গোজেন আর উমরত্যে থিদেবর্। তার রেজ্যগান ভস্ত ন-অবঅ, তার রাজাগিরি কনদিন্অ থুম্ ন-অবঅ।
লগেপ্রভু তমা মুজুঙোত্ যিদুক্কুন জাদরে ভস্ত গোজ্যে তারা ধোক্ক্যেন তুমিয়ো তমা গোজেন লগেপ্রভুর অবাধ্য অনার্ কারনে ভস্ত ওই যেবা।
যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্। আমেন।