গীতসংহিতা 10:12 - Chakma Bible

¹² ও লগেপ্রভু, উঠ্; ও গোজেন, তঅ আঢ্‌তান বাবেই দে, দুঘি মানুচ্চুনোরে ভুলি ন-যেচ্।

গীতসংহিতা 10:12 Iomraidhean Croise

গীতসংহিতা 13:1

ও লগেপ্রভু, আর কয়দিন? জনমত্তে কি তুই মরে ভুলিনে থেবে? মঅ মুজুঙোত্তুন্ আর কয়দিন তুই তর্ মুয়োন্ ফিরেই রাগেবে?

গীতসংহিতা 17:13

ও লগেপ্রভু, তুই উঠ্, তারারে থামা, তারারে মাদিত্ ফেলেেই দে। তর্ লাম্বা ছুড়িলোই পাজিগুনোর্ আঢত্তুন মরে উদ্ধোর্ গর্।

গীতসংহিতা 17:7

তর্ অমকদ কোচ্‌‌পানাগান আমক্ অইদে ধোক্ক্যেন গুরি ফগদাং গর্; শত্রুগুনো আঢত্তুন রোক্ষ্যে পেবাত্তে যিগুনে তইদু আশ্রয় নেযান, তুই ডেন্ আঢ্‌‌তোই তারারে রোক্ষ্যে গুরি থাচ্।

গীতসংহিতা 3:7

ও লগেপ্রভু, আয়; ও মর্ গোজেন, মরে উদ্ধোর্ গর্। তুই মঅ শত্রুগুনোর দাদ মাড়িগানিত্ চুয়োড়্ মারিনে সেই পাজি মানুচ্চুনোর্ দাদ্‌তুন্ ভাঙি দুয়োচ্।

গীতসংহিতা 7:6

ও লগেপ্রভু, অমকদ রাগ্ গুরিনে তুই উদিনে থিয়্যে, মঅ শত্রুগুনোর্ রাগর বিরুদ্ধে আত্ তুল্। মত্তেই তুই উঠ্, কিত্যে তর্ ন্যায়বিচেরর্ কধা তুই ফগদাং গোজ্যস্।

গীতসংহিতা 74:19

তর্ এ কোচ্‌পানার কঅবোরে তুই ঝাড়্‌বো য়েমান আঢত্ তুলি ন-দিচ্; তর্ অত্যেচার ওইয়্যে মানুচ্চুনোর জিংকানির কধানি তুই কনদিন্ ভুলি ন-যেচ্।

গীতসংহিতা 77:9

গোজেনে কি মেয়্যে গুরিবাত্যে ভুলি যেইয়্যে? তে কি রাগে তার্ দোয়্যে-মেয়্যেগান বন্ধ গুরি দিলো?

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

গীতসংহিতা 9:13

ও লগেপ্রভু, মঅ উগুরে দোয়্যে গর্; চাহ্, মঅ শত্রুগুনে কিবাবোত্যে গুরিনে মরে অত্যেচার গত্তন্। মরণর্ দোরোত্তুন্ তুই মরে তুলি আন্,

গীতসংহিতা 9:19

ও লগেপ্রভু, তুই উঠ্, মান্‌‌জ্যরে তঅ উগুরে জিদিবাত্তে ন-দিচ্; তঅ মুজুঙোত্ অন্য জাদ্‌‌তুনোর্ বিচের্ ওক্।

গীতসংহিতা 94:2

ও দুনিয়ের বিচেরগুরিয়্যে, তুই উঠ্; বাড়্‌বো গুরিয়্যেগুনোর যিয়েন পাওনা সিয়েন তুই তারারে দে।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 33:10

লগেপ্রভু কোইয়্যেদে, “এবেরা মুই উদিম্, এবার্ মুই সর্মানিত্ ওম্, এবেরা মর্ বাঈনীগান ফগদাং অবঅ।

মীখা 5:9

যাকোব মানুচ্চুনে শত্রুগুনো উগুরে জিদিবাক্ আর তারার্ বেক শত্রুগুন ভস্ত ওই যেবাক্।

বিচের গুরিয়্যেগুন 16:28

সেক্কে শিম্‌শোনে লগেপ্রভুর্‌ ইদু তবনা গুরিনে কলদে, “ও প্রভু লগেপ্রভু, মঅ কধানি একবার ইদোত্‌ তুল্। ও গোজেন, দোয়্যে গুরিনে আর একপল্লা বানা মরে খেমতাগান্ দে যেনে মর্‌ দ্বিবে চোগোত্তেই এক্কুবারেই মুই পলেষ্টীয়গুনো উগুরে হেনা সুজি পারং।”