গীতসংহিতা 1:5 - Chakma Bible

⁵ ইয়েনিত্তে বিচের দিনোত্ পাজিগুনে ন-টিগিবাক্, পাপীগুনে গোজেন ভক্তগুনোর্ দলত্ টিগি থেই ন-পারিবাক্;

গীতসংহিতা 1:5 Iomraidhean Croise

গীতসংহিতা 24:3

কন্না লগেপ্রভুর মুড়োবোত্ উদিবার যগাজ্যে? তার্ পবিত্র জাগানত্ থিয়্যেবার যগাজ্যে কন্না?

গীতসংহিতা 26:9

পাপিগুনোর দলত্ তুই মরে ন-ফেলেচ্; যিগুনে লো-ঝোরেবাত্তে গম্ পান্ তারা সমারে মরে মারে ন-ফেলেচ্।

গীতসংহিতা 5:5

যিগুনে বার্‌বো গরন্ তারা তঅ মুজুঙোত্ থেই ন-পারন; যিগুনে বজং কাম্ গুরিনে বেড়ান্ তারারে তুই এলাফেলা গরচ্।

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

মথি লেখ্যে গম্ হবর্ 13:49

যুগোর্ থুম্ সময়োত্ এবাবোত্যে অবঅ। স্বর্গদূত্‌তুনে এইনে গোজেনভক্ত মানুচ্চুনো ভিদিরেত্তুন্ পাজিগুনোরে যুদো গুরিবো আর জ্বোল্‌জোল্যে আগুনো ভিদিরে তারারে ফেলে দিবো।

মথি লেখ্যে গম্ হবর্ 25:32

সে অক্তত্ বেক্ জাদর্ মানুচ্চুনোরে তা মুজুঙোত্ এক সমারে এগত্তর্ গরা অবঅ। গরগ্‌কুনে যেবাবোত্যে গুরি ভেড়া আর ছাগলুনোরে ফারগ্ গরন্ সেবাবোত্যেগুরি তে বেক্ মানুচ্চুনোরে দ্বি ভাগে যুদো গুরিবো।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”