গীতসংহিতা 1:3 - Chakma Bible

³ তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 1:3 Iomraidhean Croise

পত্থম 39:23

যোষেফ আদত্‌ যে কাম ভারান এলঅ সিয়েনি জেলখানাত্‌ রাগেয়্যে দাঙর্ নেতাবোর আর দেগাশুনো গরা ন-পুড়িদো, কিত্তে লগেপ্রভু যোষেফ লগে এলঅ, আর ইয়েনত্তে যোষেফে যিয়েনত্‌ আত্‌ দিদো সিয়েনত্‌ লগেপ্রভু দোয়্যে গত্ত।

পত্থম 39:3

লগেপ্রভু যে তা লগে লগে এলঅ আর তা আদে বেক্‌ কামানি গমে-ডালে গরের্ সিয়েন্‌ তা গিরোজ্‌সো দেগিলো।

২ রাজাবলী 18:7

লগেপ্রভু তা সমারে থেদঅ। তে যে কনঅ কাম্‌ গুরিলে ফোলেদ। আসিরিয়ার রাজা বিরুদ্ধে উল্লোমি গুরিনে তে তার তলেন্দি অস্বীগের্‌ গুরিলো।

১ বংশধর 22:11

ইক্কিনে ও মর্‌ পুয়োবো, লগেপ্রভু তঅ লগে থোক্‌; তুই ভালেদি গর্‌ আর লগেপ্রভুর কধামজিম্‌ তর্‌ গোজেন্‌ লগেপ্রভুর ঘরান্‌ বানেই নেযা।

১ বংশধর 22:13

মোশির মাধ্যমে লগেপ্রভু ইস্রায়েলরে যে সুদোমান্‌ আর উগুমান্‌ দিয়্যে সিয়েন্‌ যুনি তুই গমেডালে পালাচ্ সালে তুই ভালেদি গুরি পারিবে। তুই বোলী অ আর মনত্‌ সাহস রাগা। ন-দোরেচ্‌ আজা ন-আরেচ্‌।

২ বংশধর 31:21

গোজেনর আওজ্ মজিম্‌ আদিবাত্তে গোজেনর্‌ ঘরর্‌ কামত্‌ আর রীদি-সুুদোম পালানা পৌইদ্যেনে তে যে কামানি গুরিদো সাৎ সিয়েনি বেক্কানি মন্‌ দিইনে গুরিলো, আর সেনত্তেই তে ফোলেল।

২ বংশধর 32:23

ভালোক্‌জনে যিরূশালেমত্‌ লগেপ্রভুর নাঙে বক্‌শিজ্‌ আনিলাক্‌ আর যিহূদার রাজা হিষ্কিয়োত্তে মংগা বক্‌শিজ্‌ আনিলাক্‌। সেক্কেনে সে অক্তত্তুন্‌ ধুরিনে বেক্‌ জাদর্‌ মানুচ্চুনে তারে ভারী সর্মান গরা ধুরিলাক্‌।

ইয়োব 14:9

তো পানি বাজ্‌ পেলে সিয়েন্‌ আর উদে; নুয়ো চারা ধোক্ক্যেন্ আরঅ সিবের্‌ ডেলাগুন্‌ নিগিলে।

ইয়োব 22:28

তুই যিয়েন্‌ মনত্‌ ঠিগ্‌ গুরিবে সিয়েন্‌ তত্তেই গরা অবঅ, আর তঅ পথ্‌তান উগুরে পহ্‌র্‌ পুরিবো।

গীতসংহিতা 128:2

তঅ নিজো আঢে দুঘ্ গোজ্যে ফল্ তুই ভোগ গুরিবে; তুই সুগি অবে আর তর্ মংগল অবঅ।

গীতসংহিতা 129:8

যিগুনে সে মানুচ্চুনো কায়-কুরেদি যান্ তারা ন-কন্, “তমা উগুরে লগেপ্রভুর আশিদ্‌বাদ থোক্; লগেপ্রভু তমারে ভালেদি গোরোক্।”

গীতসংহিতা 92:14

শেজ্ বয়জত্‌অ তারা ফল দিবাক্; তারা রসিক্ আর ফোত্‌পোত্যে অবাক্।

গীতসংহিতা 92:15

সিয়েন্দোই ফগদাং অবঅ, লগেপ্রভু ন্যায়বলা; তেয়ই মর্ বল্, তাইদু কনঅ অন্যেয় নেই।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

যিশাইয় 44:4

তারা ঘাস উগুরেদি বেঈ যেইয়্যে গঙার পারত্ উইলো গাজ ধোক্ক্যেন ঘাস ভিদিরে গেজেই উদিবাক্।

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিরমিয় 17:8

তে পানি পারত্ লাগেয়্যে গাজ ধোক্ক্যেন অবঅ যিবে গঙার্ পারত্ তা শিঙোরান মিলি দে। গরম এলে তে ন-দরায়; তার্ পাদানি নিত্য য়েল্ থায়। খরান্যেত্ তার কনঅ চিদে চজ্জা ন-অয় আর তে কনদিন্‌‌অ গুলোগুলি নেইয়্যে ন-অয়।

যিহিষ্কেল 17:8

বোউত্ পানি পারত্ গম্ মাদিত্ তারে লাগা ওইয়্যে যেনে তে বোউত্ আগা নিগিলেই পারে, ফল ফোলেই পারে আর দোল্ লুদি ওইনে উদি পারে।

যিহিষ্কেল 19:10

তঅ মাবো পানি পারত্ লাগেয়্যে এক্কো আংগুর গাজ ধোক্ক্যেন; পানি যগাজ্যে গুরি পানার কারনে সিবে এলদে গুলোগুলিয়ে আর ডেলালোই ভর্‌‌পুনং।

যিহিষ্কেল 31:5

এবাবোত্যেগুরি ঝারর্ বেক গাজ্‌চুনোত্তুন্ তে অজল্ ওইনে উদিলো; অমকদ পানি পানার্ কারনে তার বোউত্ ডেলা অলাক্ আর ডেলাগুন লাম্বা লাম্বা ওইনে ছিদি পড়িলাক্।

যিহিষ্কেল 47:12

গাঙর্ দ্বিপারত্ নানান্ বাবোত্যে গুলোগুলি গাজ্ জোর্মেব। সিগুনোর্ পাদানি শুগেই ন-যেবঅ, গুলোগুলি শেজ্ ন-অবঅ। পত্তি মাসত্ সিগুনোত্ গুলোগুলি ধুরিবো, কিত্যে উবোসনা-ঘরত্তুন্ সিয়েনত্ পানি বেঈ এবঅ। সিগুনোর্ গুলোগুলিগুন্ হেবাত্তে আর পাদানি গম্ অবাত্তে বেবহার গরা অবঅ।”

গণাণা 24:6

সিয়েনি পড়ি আঘে কিজিঙো ধোক্ক্যেন, পড়ি আঘে গাঙ পারর্‌ বাগান ধোক্ক্যেন, লগেপ্রভুর্ লাগেয়্যে অগুরু গাজঅ ধোক্ক্যেন, পানি পাড়র্‌ এরস গাজঅ ধোক্ক্যেন।

মথি লেখ্যে গম্ হবর্ 13:6

মাত্তর্ বেলান্ উদোনার পরেদি সিগুন রোদে পুড়ি গেলাক্ আর শিঙোরানি গমেডালে ন-বজে বিলি শুগেই গেলাক্।

মথি লেখ্যে গম্ হবর্ 21:19

পধ পাজারাত্ এক্কো ডোমোর্ গাজ্ দেগিনে তে গাজ্‌সো ইধু গেলঅ, মাত্তর্ সিবেত্ পাদা বাদে আর কিচ্চু ন-দেগিলো। সেক্কে তে গাজ্‌সোরে কলঅ, “আর কনদিন্অ তইধু গুলোগুলি ন-ধোরোদোক্।” আর সেক্কে ডোমোর্ গাজ্‌সো শুগেই গেলঅ।

মথি লেখ্যে গম্ হবর্ 21:34

যেক্কে আংগুরুন পাগিবার্ অক্ত ওই এলঅ সেক্কে তে সেই আংগুরোর্ ভাগ্‌কুন আনিবাত্তে তা চাগরুনোরে সেই চাষাবলাগুনো ইধু পাধেই দিলো।

মথি লেখ্যে গম্ হবর্ 21:41

সেই ধর্ম-নেতাগুনে যীশুরে কলাক্, “তে সেই পাজি মানুচ্চুনোরে এক্কুবারে ভস্ত গুরিবো আর যে চাষাবলাগুনে তারে সময় মজিম্ ফসলর্ ভাগ্ দিবাক্ তারা ইধু সেই আংগুর খেদ্‌তান বাগা দিবো।”

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

দ্বি’লম্বর বিররণ 28:8

তমার গোলাঘর উগুরে লগেপ্রভুর আশিদ্‌বাদ থেবঅ আর যে কামানিত্‌ তুমি আত্ দিবা সিয়োদোই তে আশিদ্‌বাদ গুরিবো। তমার গোজেন লগেপ্রভু তার দিয়্যে দেজত্‌ তমারে আশিদ্‌বাদ গুরিবো।

যিহূদা 1:12

এ মানুচ্চুনে যেক্কে দুঘ্ সাহচ্‌‌সোই তমার কোচ্‌পানার-হানাত মিলোন্ সেক্কে তমার সেই হানা ভিদিরে তারা কাজর ধোক্ক্যেন অন্। ইগুনে বানা নিজো পৌইদ্যেনে চিন্তে গরন্। ইগুনে বৈয়্যেরত্ ভাজেই নেযেইয়্যে পানি-নেইয়্যে মেঘ ধোক্ক্যেন। গুলোগুলি পাড়িবার অক্তত্ গুলোগুলি নেই বিলিনে শিঙোর্ সুদ্ধো উগুরেই ফেল্ল্যে গাজ ধোক্ক্যেন ইগুনে দ্বি'কিত্যেদি মরা।