গম্ উপদেজ্ 26:2 - Chakma Bible

² চোড়োই বা খঞ্জন পেগে যেধোক্ক্যেন্ গুরি ইন্দি উন্দি উড়ি উড়ি বেড়ায়, সেধোক্ক্যেন এনেবাদে দিয়্যে অভিশাব্‌অ লামি ন-এজে।

গম্ উপদেজ্ 26:2 Iomraidhean Croise

২ শমূয়েল 16:12

অলে লগেপ্রভু মর্‌ এ দুঃখান্‌ দেগিবো, আর এচ্চ্যে মুই যে অভিশাপ্পান্‌ পাঙর্‌ সিয়েনর বদলে মরে ভালেদি গুরিবো।”

২ শমূয়েল 16:8

তুই যে জাগানত্‌ রাজাগিরি গরর্‌ সেই শৌল গুট্টির্‌ বেক্‌ মানুচ্চুনোর্‌ লো ঝড়ানার্‌ ফল্ লগেপ্রভু তরে দিয়্যে। সে রেজ্যগান লগেপ্রভু তর্ পূঅ অবশালোমরে দিয়্যে। তুই খুনি বিলিনেই তর্‌ দজাগান এধোক্ক্যেন্ ওইয়্যে!”

নহিমিয় 13:2

ইয়েনর্‌ কারনান্‌ অলদে, মোশির সময়োত্‌ তারা হানা আর পানি লোইনে ইস্রায়েলীয়গুনোর্‌ ইদু ন-যান্‌ বরং তারা তারার্‌ অভিশাব্‌পানি দিবাত্তে বিলিয়মরে ভাড়া গোজ্যন্‌। মাত্তর্‌ আমা গোজেনে সে অভিশাবর্‌ বদলে আশিদ্‌বাদ গোজ্যে।

গীতসংহিতা 109:28

তারা অভিশাব্ দেদোক্, মাত্তর্ তুই বর্ দে; তারা মঅ বিরুদ্ধে লাগিলে লাজত্ পড়িবাক্, মাত্তর্ তঅ চাগর্‌বো হুজি অবঅ।

গম্ উপদেজ্ 27:8

পেগো বাহ্ ইরি দিয়্যে ঘুরি বেড়েয়্যে পেক্কো যেধোক্ক্যেন্, ঘর্ ইরি দিয়্যে ঘুরি বেড়েয়্যে মানুচ্চোয়ো সেধোক্ক্যেন্।

যিশাইয় 16:2

পেগো বাহ্‌‌‌ত্তুন ঠিলিনে নিগিলেই দিলে পেগে যেবাবোত্যেগুরি ইন্দি উন্দি ঘুরি বেড়ায় সেবাবোত্যেগুরি মোয়াব মানুচ্চুনে অর্ণোন গাঙান্ আঢিনে পার্ অইদ্যে জাগানত্ ঘুরি বেড়েবাক্।

গণাণা 23:8

গোজেনে যিগুনোরে কনঅ অভিশাব ন-দে, কেন্‌জান্ গুরি মুই তারারে অভিশাব দিম্‌? লগেপ্রভু যিগুনোর বিরুদ্ধে কুমংগলর্‌ কধা ন-কয়, কেন্‌জান্ গুরি মুই তারার্‌ বিরুদ্ধে কুমংগলর্‌ কধা কোম্‌?

১ শমূয়েল 17:43

গলিয়াৎ দায়ূদরে কলঅ, “মুই কি কুগুরো ধোক্ক্যেন, তুই লুদিক্কোই মইন্দি এজর্‌?” তে তার দেব-দেবেদাগুনোর নাঙানি গিনিনে দায়ূদরে অভিশাব দিয়্যে ধুরিলো।