ফিলিপীয় 3:12 - Chakma Bible

¹² মুই যিয়েনত্যে চেষ্টা গরঙর্ সিয়েন ইক্কিনে যে পেইয়োং বা পুরণ ওইয়্যে এমন্‌ নয়। মাত্তর্ যিয়েনত্যে খ্রীষ্ট যীশু মরে ধোজ্জ্যে সিয়েন ধুরিবাত্যে মুই ধাবা দোঙর্।

ফিলিপীয় 3:12 Iomraidhean Croise

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

গীতসংহিতা 119:5

আহ্! তঅ সুদোম্ মজিম চলিবাত্তে যেন মঅ মনান্ থির্ থায়।

গীতসংহিতা 138:8

লগেপ্রভু মত্তে যিয়েন ঠিগ্ গুরি রাগেয়্যে সিয়েন পূরোণ গুরিবো। ও লগেপ্রভু, তর্ কোচ্‌পানাগান জনমত্তে থিদেবর্ গোজ্যে; তুই নিজো আঢে যে কামানি গোজ্যস্ সিয়েনি থুম্ গর্।

গীতসংহিতা 42:1

উরিঙে যেধোক্ক্যেন আওজ্ গুরিনে পানি নালর্ তিরেচ্ গরন, সেধোক্ক্যেন গুরিনে ও গোজেন, মর্ পরাণান্ তত্তেই আগল্-পাগল্ ওই আঘে।

গীতসংহিতা 63:8

মর্ পরাণানে তরে আজাবোদে ধোজ্যে; তর্ ডেন আঢ্‌তানে মরে ধুরি রাগেয়্যে।

গীতসংহিতা 84:2

মঅ পরাণানে লগেপ্রভুর ঘরর উদোনানি চেবাত্যে অমকদ ধারস্ গরের্, আর সেনত্যে মঅ পরাণানে যেন নিগিলি যার্; জেদা গোজেনত্যে মঅ কিয়্যেগান আর মনান্ হুজিয়্যে রঅ ছাড়ের্।

গীতসংহিতা 94:15

বিচেরর্ রায়য়ানি আরঅ ন্যায়বলা ওই উদিবো; যিগুনোর মনান্ দোল তারা বেক্কুনে সিয়েন মানি চলিবাক্।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

যিশাইয় 51:1

লগেপ্রভু কত্তে, তুমি যিগুনে গমেডালে চলিবাত্তে চঅ আর মঅ আওজ্‌মজিম চলিবার চেট্ট্যা গরর্, তুমি শুনো। যে পাত্তর্‌বোত্তুন্ তমারে কাবি নেযা ওইয়্যে আর যে গাদ্‌তোত্তুন্ তমারে খুড়িনে তুলো ওইয়্যে সিবে ইন্দি রিনি চঅ।‍‌‌‍‌‍‌‌‍‌‍‌

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

মথি লেখ্যে গম্ হবর্ 5:48

ইয়েনত্তে কং, তমা স্বর্গর্ বাপ্পো যেবাবোত্যে খাটি তুমিয়ো সেবাবোত্যে খাটি অ।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 8:39

বা আগাজ উগুরে বা পিত্‌থিমী তলেদি কনঅ কিজু, এন্‌ কি, গোদা সৃট্টিগুনো ভিদিরে কনঅ পৌইদ্যেনে গোজেনর্ কোচ্‌পানাত্তুন্ আমারে দূরোত্ সোরেই দি ন-পারিবো। গোজেনর্ এই কোচ্‌পানা আমা প্রভু যীশু খ্রীষ্ট ভিদিরে আঘে।

১ করিন্হীয় 13:10

মাত্তর্ যিয়েন ফেলেং ফেলেং সিয়েন যেক্কে এবঅ সেক্কে সিয়েন ফেলেং ফেলেং নয় সিয়েন থুম্ ওই যেবঅ।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

১ করিন্হীয় 9:24

তুমি কি হবর্ ন-পঅ ধাবা দোন্দে খারাত্ বেক্কুনে ধাবা দুয়োন্, মাত্তর্ বানা একজনে বক্‌শিজ্ পায়? তুমি এমন্‌ গুরি ধাবা দুয়ো যেন বক্‌শিজ্ পেই পারঅ।

২ করিন্হীয় 13:9

যেক্কে আমি মেরা মেরা ওই আর তুমি বোলী অ সেক্কে আমি হুজী ওই। আর আমি তবনা গুরিই যেন তুমি বেক্কানি ঠিগ্ ওইনে খাটি অ।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

গালাতীয় 5:17

পাপ-খাচ্চ্যত্‌তানে যিয়েন চায় সিয়েন পবিত্র আত্মার্ বিরুদ্ধে আর পবিত্র আত্মাগানে যিয়েন চায় সিয়েন পাপ-খাচ্চ্যদর্ বিরুদ্ধে। পাপ-খাচ্চ্যত্‌তানে আর পবিত্র আত্মাগানে একজন আরেকজন বিরুদ্ধে কোইনে তুমি যিয়েন গুরিবাত্যে চঅ সিয়েন ন-গোজ্জ্য।

ইফিষীয় 1:4

আমি যেনে গোজেন চোগেদি পবিত্র আর গম্ ওই পারিই সেনত্যে গোজেনে জগদ্‌‌‌তান বানেবার্ আগেদি খ্রীষ্টর্ মাধ্যমে আমারে বেঈ লোইয়্যে। তার্ কোচ্‌পানাত্যে তে হুজী ওইনে নিজোর্ আয়োজে আগে ধুরি ঠিগ গোজ্জ্যেদে, যীশু খ্রীষ্টর্ মাধ্যমে তার্ পুয়ো ইজেবে তে আমারে মানি লবঅ।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

ফিলিপীয় 3:16

যিয়েন ওক্‌, আমি যেবাবোত্যে অবস্থানত্ লুম্মেয়ি সেই মজিম চলানা উচিত।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

১ থিষলনীকীয় 5:15

চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

২ থিষলনীকীয় 2:13

প্রভুর্ কোচ্‌পেইয়্যে মঅ ভেই-বোনলগ্, তমাত্যে নিত্য গোজেনরে আমার ভালেদি জানানা উচিত, কিয়া পাপত্তুন্ উদ্ধোর পেবাত্যে গোজেনে পৌইল্যাত্তুন ধুরি তমারে বেঈ লোইয়্যে। পবিত্র আত্মালোই গোজেনত্যে তমারে ফারগ্ গুরি থনার্ মাধ্যমে আর গম্ হবরর্ সত্যগান তমার বিশ্বেজর্ মাধ্যমে তুমি পাপত্তুন্ উদ্ধোর্ পেইয়ো।

১ তীমথিয় 5:10

ইয়েনিবাদে গম কামত্যে তার্ সুনাঙ্ থাহ্ পরিবো। এ গম কামানির্ ভিদিরে আঘেদে-পুয়ো-ছা মানুচ্‌ গরানা, গর্‌‌বা লবিয়োত্ গরানা, গোজেন মানুচ্চুনোরে টেং ধোই দেনা, যিগুনে দুঘোত্ পোজ্জ্যন তারারে এজাল্ দেনা, আর অন্য গম কামত্ মিজেনা।

১ তীমথিয় 6:19

ইয়েনিলোই তারা নিজোত্যে এমন্‌ ধন থুবেবাক্ যিয়েনি ভবিচ্চদে তারার পক্ষে এক্কান দরমর শিঙোর ধোক্ক্যেন অবঅ, যেন সত্যিকারর্ যে জিংকানি সিয়েন তারা দরমর গুরিনে ধুরি রাগেই পারন।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

ইব্রীয় 12:23

পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

যাকোব 3:2

আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।