ফিলিপীয় 2:26 - Chakma Bible

²⁶ তে তমারে বেক্কুনোরে দেগিবাত্যে চায় বিলিনে মুই তারে ফিরেই পাধাঙর্। সিয়েনবাদে তুমি তার্ অসুগোর্ কধা শুন্ন্য বিলিনে তে ভারী চিন্তেত্ আঘে।

ফিলিপীয় 2:26 Iomraidhean Croise

২ শমূয়েল 13:39

তাইদু যেবাত্তে রাজা দায়ূদোর খুব আওজ্‌ অলঅ, কিত্যে অম্নোনর মরাণার পৌইদ্যেনে রাজার্ মনান্ বুঝ্ পেইয়্যে।

২ শমূয়েল 24:17

যে স্বর্গদূত্তো মানুচ্চুনোরে আঘাত্ গোজ্যে দায়ূদে তারে দেগিনে লগেপ্রভুরে কলঅ, “পাপ আর অন্যেয় মুই গোজ্যং। তারা দঅ ভেড়া ধোক্ক্যেন্‌। তারা কি গোজ্যন্? সেনত্তেই মরে আর মঅ বাব বংশবোরে তুই সাজা দিচ্‌।” দায়ূদে এক্কান ডালিপূজো বানেল।

ইয়োব 9:27

যুনি কঙে, মঅ দুখ্‌কান মুই ভুলি যেম্‌, মুয়ো চেঙেরাগান্‌ বুদুলিনে মুই আজিম,

গীতসংহিতা 69:20

ঈচ্ গরানায় মঅ মনান্ ভাঙি যেইয়্যে, সেনে মুই অমকদ অসুখ্ ওইয়োং। মর্ দুঘে যেন অন্য মানুচ্চুনে দুঘ্‌কান বুঝোন সিয়েনই মুই চেইয়োং, মাত্তর্ মুই সিয়েন ন-পাং। সান্তনা দিবাক্ এবাবোত্যে মানুচ্ মুই চেইয়োং, মাত্তর্ সেবাবোত্যে কনজনরে ন-পেলুং।

গম্ উপদেজ্ 12:25

বাজে চিদে-চজ্জালোই মান্‌জ্যর মনানি ভাঙি পড়ে, মাত্তর্ এক্কেনা উচ্চোমির কধাগানে তারে ফুত্তি আনি পারে।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 26:37

ইয়েন্ কোইনে তে পিতর আর সিবদিয়র্ দ্বিবে পুয়োরে সমারে নেযেল। তে মনত্ দুঘ্ আর কষ্ট পেলঅ।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

রোমীয় 1:11

তমারে খেমতাবলা গুরিবাত্তে কনঅ আত্মিক দান যেন তুমি মঅ মাধ্যেমে পেই পার সেনত্তে মুই তমা সমারে দেগা গুরিবাত্তে চাং।

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

১ করিন্হীয় 12:26

যুনি এক্কান ভাগর্ সর্মান অয় সালে বেক্ ভাগ্‌কানই তা সমারে হুজি অয়।

২ করিন্হীয় 9:14

গোজেনত্তুন্ তুমি যে বোউত্ দোয়্যে পেইয়ো সিয়েনত্যে তারা পুরো মনান্দোই তমাত্যে তবনা গুরিবাক্।

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।

ইফিষীয় 3:13

সেনত্যে মুই কোজোলি গরঙত্তে, তমাত্যে মুই দুঘ্-কষ্ট ভুগোঙর্ বিলিনে তুমি সাহচ্‌ ন-আরেয়ো, কিয়া সিয়েনি বেক্কানি তমার্ বাঈনী পেবাত্যে অর্।

ফিলিপীয় 1:3

মুই যেদক্‌‌বার তমা কধা ইদোত্ তুলোং সেদক্‌‌বার মঅ গোজেনরে ভালেদি জানাং।

ফিলিপীয় 1:8

খ্রীষ্ট যীশুর্ কোচ্‌পানা রিবেঙত্ থোইনে মুই যে তমারে কদক্ কোচ্‌পাং সিয়েনর গোজেনে সাক্ষী।

ফিলিপীয় 2:25

মুই ইপাফ্রদীতরে তমা ইধু পাধানা দরকার্ মনে গুরিলুং। তে মর্ বিশ্বেজি ভেই। আমি এক সমারে কাম গুরিই আর খ্রীষ্টত্যে যুদ্ধো গুরিই। সেবাগুরিয়্যে ইজেবে মর্ দর্‌কার কাদেবাত্যে তারে তুমি মঅ ইধু পাধেইয়ো।

ফিলিপীয় 2:27

আর ঘেচ্চ্যেকগুরি তার্ এমন অসুগ্ ওইয়্যে যে, তে মরং মরং ওইয়্যে; মাত্তর্ গোজেনে তা উগুরে দোয়্যে গোজ্জ্যে-বানা যে তা উগুরে দোয়্যে গোজ্জ্যে সিয়েন নয়, মঅ উগুরেয়ো দোয়্যে গোজ্জ্যে যেন মুই দুঘো উগুরে দুঘ্ ন-পাং।

ফিলিপীয় 4:1

মর্ ভেইয়ুন, তমারে মুই কোচ্‌পাং আর তমারে রিনি চেবাত্যে চাং। তুমিই মর্ হুজী, মর্ মকুট। তুমি প্রভুর লগে মিজেইনে থির্ থাগঅ।

১ পিতর 1:6

খালিক্ যুনিয়ো কিজু সময়োত্যে নানান্ পোরোক্ষ্যেলোই অয়ত ইক্কিনে তমার্ দুঘ্ পাহ্ পড়ের, তো উদ্ধোর্ পেবার আজায় তমা মনানি হুজিয়ে ভুরি উঠ্যে।