ফিলিপীয় 2:2 - Chakma Bible

² সেক্কে তুমি এবাবোত্যেগুরি মর্ হুজীগান পূরেই দুয়ো-তমার বেক্কুনোর্ মনানি এক ওক্‌, তুমি একজন আরেকজনরে কোচ্‌পঅ আর মনে-পরাণে এক অ।

ফিলিপীয় 2:2 Iomraidhean Croise

গীতসংহিতা 122:8

মঅ ভেই-সমাজ্যেগুনোর ভালেদি অবাত্তে মুই কোম্, “যিরূশালেম ভিদিরে সুগ-শান্দি থোক্।”

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

প্রেরিত্‌ 1:14

তারা বেক্কুনে বিশ্বেজি মিলেগুনো সমারে আর যীশুর মা মরিয়ম আহ্ তার ভেইউনো সমারে নিত্য এগামনে তবনা গত্তাক্।

প্রেরিত্‌ 2:1

ইয়েনর কয়েক দিন পরে পঞ্চাশত্তমী-পরবর্ দিনোত্ শিচ্চ্যগুনে এক্কান জাগাত্ থুবেলাক্।

প্রেরিত্‌ 2:46

তারা পত্তিদিন উবোসনা ঘরত্ একসমারে থুবেদাক্, আর যুদো যুদো ঘরত্ হুজিয়্যে আর সরল মনে একসমারে হানা-দানা গুরিদাক্।

প্রেরিত্‌ 5:12

প্রচারক্কুনে মানুচ্চুনো ইধু বোউত্ আমক্ অবার কাম আর চিহ্নো-কাম গুরিদাক্; আর বিশ্বেজিগুনে বেক্কুনে উবোসনা-ঘরর্ শলোমন বারান্দাত্ একসমারে এগত্তর্ অদাক্।

রোমীয় 12:16

তমার্ একজন উগুরে অন্যর্ মনভাব্ যেন এক্কুই অয়। দাঙর্ মান্‌জ্যর্ ভাব্ ন-দেগেইনে বরং যিগুনে দাঙর্ মানুচ্‌ নয় তারা সমারে মিজেয়ো। নিজোরে জ্ঞানী মনে ন-গোজ্য।

১ করিন্হীয় 1:10

ভেইলগ্, আমা প্রভু যীশু খ্রীষ্টর্ ওইনে মুই তমারে বিশেজ্ গুরিনে কোজোলি গরঙর্, তুমি বেক্কুনে এক্ অ। তমা ভিদিরে কনঅ দলাদুলি ন-থোক্, মাত্তর্ তুমি একমন আর এককধার মানুচ্ অ।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

২ করিন্হীয় 2:3

যেক্কে মুই যেম্ সেক্কে যিগুনোত্তুন্ মর্ হুজি পেবার্ কধা সিগুনোত্তুন্ মুই যেন দুঘ্ ন-পাং, সেনত্যে মুই এ কধাগান্ লেখ্যং। তমা উগুরে মর্ এ বিশ্বেজ্‌‌‌চান আঘে যে, মুই যিয়েনত্ হুজি পাং তুমিয়ো সিয়েনত্ হুজি পঅ।

২ করিন্হীয় 7:7

বানা সিয়েন নয়, তীতে নিজে তমা মাধ্যমে সান্তনা পেইয়্যে বিলিনে আমিয়ো সান্তনা পেইয়্যেই। তমার্ আওজ্ আর দুঘোর্ কধানি তে আমারে কোইয়্যে আর জানেয়্যেদে যে, তুমি মত্যে খুব্ চিন্তে-ভাবনা গরর্, আর সিয়েন্দোই মুই আরঅ হুজি ওইয়োং।

ফিলিপীয় 1:4

তমাত্যে তবনার্ সময়োত্ মুই নিত্য হুজী ওইনে তবনা গুরি থাং,

ফিলিপীয় 2:20

মঅ লগে এমন্‌ আর কেঅ নেই, যে তীমথিয় ধোক্ক্যেন গুরিনে ঘেচ্চ্যেকগুরি তমাত্যে চিন্তে গরে।

ফিলিপীয় 4:2

উবদিয়া আর সুন্তখী, মুই তমারে বিশেষ গুরিনে এ কোজোলিগান গরঙর্-প্রভুর্ লগে মিজেইয়ো বিলিনে তমা মনানি যেন এক অয়।

কলসীয় 2:5

মুই কিয়্যেগানদি তমা ইধু ন-থেলেয়ো আত্মায় আঝির্ আঘং আর তমার্ গম চালচলন্ আর খ্রীষ্ট উগুরে তমার থির্ বিশ্বেজ্ দেগিনে গম্ পাঙর্।

২ থিষলনীকীয় 2:13

প্রভুর্ কোচ্‌পেইয়্যে মঅ ভেই-বোনলগ্, তমাত্যে নিত্য গোজেনরে আমার ভালেদি জানানা উচিত, কিয়া পাপত্তুন্ উদ্ধোর পেবাত্যে গোজেনে পৌইল্যাত্তুন ধুরি তমারে বেঈ লোইয়্যে। পবিত্র আত্মালোই গোজেনত্যে তমারে ফারগ্ গুরি থনার্ মাধ্যমে আর গম্ হবরর্ সত্যগান তমার বিশ্বেজর্ মাধ্যমে তুমি পাপত্তুন্ উদ্ধোর্ পেইয়ো।

২ তীমথিয় 1:4

তুই যে কান্ন্যচ্ সে কধাগান মনে গুরিনে তরে ভারী চেবাত্যে আওজ্ অর্, যেন মঅ মনান্ হুজিয়ে ভুরি উদে।

ফিলীমন 1:20

ভেই, আমি প্রভুর্ ওইয়্যেই বিলি মুই চাংগে, তুই মর্ এক্কান উপকার গর্। বিশ্বেজি ভেই ইজেবে তুই মঅ মনত্ নূয়ো উচ্চোমি জাগেই তুল্।

২ যোহন 1:4

বাবা আমারে যে উগুমানি দিয়্যে সেই ধগে তর্ কয়েক্কো পুয়ো-ছা গোজেনর্ সত্যর্ পধেদি চলদন্ দেগিনে মুই ভারী হুজি ওইয়োং।

৩ যোহন 1:4

মর্ পুয়ো-ছাগুনে যে গোজেনর্ সত্যর্ পধেদি চলদন্, এ কধাগান শুনোনাত্তুন্ বেশ্ গুরি হুজি অনা আর নেই।