ফিলিপীয় 1:21 - Chakma Bible

²¹ কিয়া মর্ পক্ষে জিংকানি অলঅ খ্রীষ্ট আর মরণান্ অলঅ লাভ।

ফিলিপীয় 1:21 Iomraidhean Croise

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ করিন্হীয় 3:22

পৌল, আপল্লো, পিতর, এ জগদ্‌তান, জিংকানি, মরণ, বত্তমান আর ভবিচ্চদর্ বেক্কানি, বেক্কানি তমার;

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

২ করিন্হীয় 5:6

ইয়েনত্যে কনদিন্অ আমার্ সাহজর্ অভাব ন-অয়, আর আমি বুঝি পাজ্জ্যেই যে, যেদক্ দিন আমি এ কিয়্যেগানর্ ঘরত্ বজত্তি গুরিবোং সেদক দিন প্রভুত্তুন্ দূরোত্ থেবং।

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

গালাতীয় 6:14

প্রভু যীশু খ্রীষ্টর্ ক্রুশ বাদে মুই যেন আর কনঅ কিজুত্ দেমাগ্ ন-গরং। এ ক্রুশোর্ মাধ্যমে জগদ্‌তান্ মঅ ইধু মুরি যেইয়্যে আর মুইয়ো জগদ ইধু মুরি যেয়োং।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

ফিলিপীয় 1:22

মাত্তর্ যুনি মুই বাঁজি থাং সালে সিয়েন মত্তে এমন এক্কান কামর্ জু গুরি দিবো যেনে যদেষ্ট ফল অয়। কুবোন্ মুই বেঈ লোম সিয়েন কোই ন-পারং।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

ফিলিপীয় 2:21

অন্য বেক্কুনে যীশু খ্রীষ্ট পৌইদ্যেনে কামত্ ন-থেইনে নিজো পৌইদ্যেনে কামত্ থান্।

কলসীয় 3:4

যিবে তমার্ জিংকানি সেই খ্রীষ্ট যেক্কে ফগদাং অবঅ সেক্কে তুমিয়ো তা সমারে তার্ মহিমার ভাগী ওইনে ফগদাং পেবা।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”