ফিলিপীয় 1:17 - Chakma Bible

¹⁷ মাত্তর্ ঐ পত্তম দলর্ মানুচ্চুনে নিজোর স্বার্থত্যে খ্রীষ্ট পৌইদ্যেনে প্রচার গুরি থান্; কনঅ গম উদ্দেচ্চ্যলোই সিয়েন ন-গরন্। সিগুনে মনে গরন্, ইয়েন্দোই মর্ বন্দী অবস্থায় তারা মরে দুঘ্ দি পারিবাক্।

ফিলিপীয় 1:17 Iomraidhean Croise

লূকে লেখ্যে গম্ হবর্ 21:14

তুমি ইক্কিনে মনে মনে ঠিগ্ গুরি ফেলঅ, সেক্কে নিজোর্ পক্ষে কধা কবাত্যে তুমি আগেত্তুন্ ধুরি যুক্কোল্ ন-অবা,

প্রেরিত্‌ 22:1

“ভেইলগ্ আর বাব্‌‌লগ্, ইক্কিনে মুই মঅ নিজোর্ পক্ষে কধা কোম্, শুনো।”

প্রেরিত্‌ 26:1

সেক্কে আগ্রিপ্প পৌলরে কলঅ, “তর্ নিজোর্ পক্ষে কধা কবাত্যে তরে অনুমতি দিয়্যে গেলঅ।” সেক্কে পৌলে আঢ্ বাবেইনে নিজোর্ পক্ষে এ কধাগান্ কলঅ,

প্রেরিত্‌ 26:24

পৌলে এবাবোত্যেগুরি যেক্কে নিজো পক্ষে কধা কর্ সেক্কে ফীষ্ট তারে মানা গুরি রঅ ছাড়িনে কলঅ, “পৌল, তুই পাগল্ ওই যেয়োচ্। তুই বোউত্ পড়াশুনো গোজ্জ্যস্ আর সেই পড়াশুনোগানে তরে পাগল্ বানেয়্যে।”

রোমীয় 2:8

মাত্তর্ যিগুনে নিজো আওজ্ মজিম চলন্ আর সত্যগানরে ন-মানিনে অন্যেয়ানরে মানি চলন্ গোজেনে তারারে জদবদে সাজা দিবো।

ফিলিপীয় 1:18

মাত্তর্ সিয়েন্দোই কি অয়? আজল্ কধাগান অলঅ, ইয়েন্দোই যেবাবোত্যে ওক্‌ খ্রীষ্ট পৌইদ্যেনে প্রচার অর্-সিয়েন ছলনার্ উদ্দেচ্চ্যে ওক্‌ আর গম উদ্দেচ্চ্যে ওক্‌; আর সিয়েন্দোই মুই হুজী। মর্ এই হুজিগান কনদিনঅ থুম্ ন-অবঅ,

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

ফিলিপীয় 2:3

নিজোর্ লাভর্ আজায় বা দেমাগর্ বশত কিচ্চু ন-গোজ্জ্য, বরং নম্র গুরিনে অন্যরে নিজোত্তুন্ সর্মানর্ জাগা দুয়ো।

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।

২ তীমথিয় 4:16

পত্তম্‌বার যেক্কে মর্ বিচের ওইয়্যে সেক্কে কেঅ মরে এজাল ন-দুয়োন্, বরং বেক্কুনে মরে ফেলেই যেইয়োন; মাত্তর্ ইয়েন যেন তারা বিরুদ্ধে ধরা ন-অয়।