গণাণা 9:6 - Chakma Bible6 সেই সময়োত্ তারা ভিদিরে কয়েকজন মান্জ্যে এক্কো মরাকিয়্যে ধরানার্ কারনে ফি-বলা দজাত্ পুরিনে সেদিন্যে উদ্ধোর্ অনার-পরপ্পো পালন গুরি ন-পারিলাক্। তারা সেদিন্যে মোশি আর হারোণ ইদু গেলাক্। Faic an caibideil |
গণাণা 9:6
16 Iomraidhean Croise
মরা কিয়্যে রোইয়্যে এবাবোত্যে কনঅ জাগাত্ তার্ যানা ন-চলিবো। কনঅ মরা মান্জ্যর্ কারনে, এন্ কি, বাপ্-মার্ মরাণার্ কারনেয়ো তার্ নিজোরে ফি-বলা গরানা ন- চলিবো বা তার্ গোজেনর্ পবিত্র তাম্বুলান ফেলেইনে আর কনজাগাত্ যানা ন-চলিবো বা তার্ পবিত্রতাগান্ বর্বাদ্ গরানা ন-চলিবো, কিত্যে গোজেনর্ অভিষেগ-তেল্লোই তারে যুদো গুরি রাগা ওইয়্যে। মুই লগেপ্রভু।
সেক্কে সেই ইস্রায়েলীয় মিলেবোর্ পূঅবো এক্কান ভান্ন্যেই নাঙে লগেপ্রভুর্ নাঙ্ নিইনে অভিশাব্ দিলো। সিয়েন্ শুনিনে মানুচ্চুনে তারে মোশি ইদু নেযেলাক্। পূঅবোর মাবো নাঙান্ এলঅ শালোমীৎ। তে দান-গুট্টির দিব্রির ঝি। ইয়েন পৌইদ্যেনে লগেপ্রভুর আওজচান্ কি সিয়েন্ তাত্তুন্ জানিবাত্তেই ইস্রায়েলীয়গুনে সে মানুচ্চোরে আক্সো রাগেলাক্।
সে পরেদি সিজি অবস্থায় আঘে এধোক্ক্যেন এক্কো মানুচ্ এসোবর্ কয়েক্কো ডেলা সেই পানিগানত্ ভুরেইনে সেই তাম্বুলোত্, সে ভিদিরে পজাপিরানিত্ আর মানুচ্চুনো উগুরে সিয়েন্ ছিদি দিবো। মান্জ্যর হাড়্ বা গোর্ বা মারে ফেলেয়্যে বা মুরি যেইয়্যে মান্জ্যরে ধোজ্যে এধোক্ক্যেন মান্জ্য উগুরেয়ো সেই পানিগান্ ছিদি দিয়্যে পুরিবো।
Sanasan