গণাণা 9:22 - Chakma Bible

²² দ্বিদিন ওক্‌ বা এক মাস ওক্‌ অথবা তাত্তুন বেশ্‌ সময় ওক্‌, যেদকবুলোন্‌ মেঘ্‌কান থেবার-তাম্বুলান উগুরে থেদঅ ইস্রায়েলীয়গুনে তাম্বুলান ফেলেইনে সিয়োদোই থেদাক, আঢা ন-মারিদাক্। মাত্তর্‌ মেঘ্‌কান সোরেই গেলে তারা আরঅ আঢানা আরাম্ভ গুরিদাক্।

গণাণা 9:22 Iomraidhean Croise

গীতসংহিতা 107:7

তে উজু পধেন্দি তারারে নেযেল যেনে তারা কনঅ শঅরত্ যেইনে বজত্তি গুরি পারন্।

গীতসংহিতা 143:10

তঅ আওজ্ মজিম কাম গুরিবাত্তে তুই মরে শিগেই দে, কিত্তে তুয়ই মর্ গোজেন; তর্ ভালেদি গরেদে আত্মালোই মরে সং পধেদি চালা।

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গীতসংহিতা 48:14

এ গোজেনেয়ই আমা উমরর্ গোজেন; তে আমারে মরণ সং পথ দেগেইনে যেবঅ।

গীতসংহিতা 73:24

তর্ উগুম্মোই তুই মরে চালেবে, আর যেরেন্দি তর্ মহিমালোই মরে মানি লবে।

গীতসংহিতা 77:20

মোশি আর হারোণরে দিইনে ভেড়া পাল ধোক্ক্যেন গুরি তুই তঅ মানুচ্চুনোরে চোড়েয়োচ্।

যাত্রা 39:42

লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন ইস্রায়েলীয়গুনে বেক্‌ কামানি গুরিলাক্।

যাত্রা 40:16

লগেপ্রভু মোশিরে যেধোক্ক্যেন গুরি উগুম দিয়্যে মোশি সেধোক্ক্যেন বেক্কানি গুরিলো।

গণাণা 1:54

লগেপ্রভু মোশিরে যেধোক্ক্যেন উগুম্‌ গোজ্যে ইস্রায়েলীয়গুনে ঠিগ্ সেধোক্ক্যেন গুরিলাক্।

গণাণা 8:20

লগেপ্রভু লেবীয়গুনো পৌইদ্যেনে মোশিরে যেদক্কানি উগুম্‌ দিয়্যে মোশি, হারোণ আর অন্য বেক্‌ ইস্রায়েলীয়গুনে লেবীয়গুনোরে লোইনে সিয়েনোই গুরিলাক্।

গণাণা 9:17

থেবার-তাম্বুলান উগুরেত্তুন্‌ যেক্কে মেঘ্‌কান সোরেই যেদঅ সেক্কে ইস্রায়েলীয়গুনে আঢা মারিদাক। মাত্তর্‌ যিয়েনত্‌ সেই মেঘ্‌কান্‌ উজু গুরি থিয়েদ সিয়েনত্ তারা তাম্বুলান ফেলেদাক্।

গণাণা 9:21

মাঝে মোধ্যে মেঘ্‌কান বানা সাজোন্যাত্তুন্‌ ধুরি বেন্যেমাদান্ সং থেদঅ। বেন্যে অক্তত্‌ মেঘ্‌কান সোরেই গেলে তারা আরঅ যাহ্ ধুরিদাক। মেঘ্‌কান সোরেই গেলে তারা যাহ্ ধুরিদাক-সিয়েন দিনোত্‌ ওক্‌ বা রেদোত্‌ ওক্‌।

প্রেরিত্‌ 1:4

সেক্কে এক দিনোত্ যীশু যেক্কে শিচ্চ্যগুনো সমারে এলঅ সেক্কে তারারে এ উগুমান দিয়্যে “তুমি যিরূশালেমান ফেলেই ন-যেইয়ো, মাত্তর্ মঅ বাপ্পোর্ এগেম্ গোজ্যে যে দানর্ কধা তুমি মত্তুন্ শুন্ন্য সিয়েনত্যে বাজ্জেই থাগঅ।