গণাণা 9:19 - Chakma Bible

¹⁹ থেবার-তাম্বুলান উগুরে মেঘ্‌কান যেক্কে ভালোক্‌ দিন সং থেদঅ ইস্রায়েলীয়গুনে সেক্কে লগেপ্রভুর উগুমানি মানিনে ন-যেদাক্।

গণাণা 9:19 Iomraidhean Croise

যাত্রা 40:37

মাত্তর্‌ মেঘ ন-উদিলে তারা ন-নিগিলিনেই মেঘ উদিবার আজাই বাজ্জেই থেদাক্।

লেবীয় 8:35

তুমি যেন মারা ন-পড় সেনত্তে এচ্চ্যেত্তুন্‌ ধুরি সাত দিন সং তুমি দিন-রেদ্‌ মিলন-তাম্বুলো ভিদিরে থেবা আর লগেপ্রভু চাইদে ধোক্ক্যেন গুরি কাম্‌ গুরিবা। মুই এ উগুমান পেইয়োং।”

সখরিয় 3:7

“বেগত্তুন খেমতাবলা লগেপ্রভু তরে কত্তে, ‘তুই যুনি মঅ পধেদি চলচ্ আর মর্ সেবা-কাম গরচ্ সালে তুই মঅ ঘরর্ বেক্কানি পরিচালনা গুরিবে আর মর্ উদোনর্ চেইচিদিবার ভারান্ পেবে, আর যিগুনে ইয়েনত্ থিয়্যেই আগন্ মুই তারা ধোক্ক্যেন মঅ মুজুঙোত্ এবার অধিকারান্ তরে দিম।

গণাণা 3:8

তারা মিলন-তাম্বুলোর্‌ পজা-পিরানি দেগাশুনো আর থেবার-তাম্বুলর কাম্‌ গুরিনে ইস্রায়েলীয়গুনোর্‌ দায়িত্তো আর কামানি পালেবাক্।

গণাণা 9:18

লগেপ্রভুর উগুমে তারা আঢা মারিদাক আরঅ লগেপ্রভুর উগুমে তাম্বুলান ফেলেদাক্। থেবার-তাম্বুলান উগুরে যেদক্কণ মেঘ্‌কান থেদঅ ইস্রায়েলীয়গুনে সেদক্ষণ তাম্বুলান ফেলেইনে সিয়োদোই থেদাক্।

গণাণা 9:20

মাঝে মোধ্যে মেঘ্‌কান থেবার-তাম্বুলান উগুরে কয়েকদিন থেদঅ। ইস্রায়েলীয়গুনে লগেপ্রভুর উগুমে তাম্বুলান ফেলেদাক আরঅ্‌ তাঁরই উগুমে আঢা মারিদাক্।