গণাণা 9:13 - Chakma Bible

¹³ মাত্তর্‌ ফি-বলা নয় বা যাত্রা পদথঅ নয় এধোক্কেন কনঅ মান্‌জ্যে যুনি উদ্ধোর অনার-পরপ্পো পালন্‌ ন-গরে, সালে তে ঠিগ্ সময়োত্‌ লগেপ্রভুর নাঙে উৎসর্ব ন-গরে বিলি তারে তার্‌ জাদ ভিদিরেত্তুন্‌ বাদ দিয়া পুরিবো। তাত্তুন্‌ তার্‌ পাপর ফল ভোগ্‌ গরাই পুরিবো।

গণাণা 9:13 Iomraidhean Croise

পত্থম 17:14

যে মানুচ্চোর চুনুগুলোবোর্ মুজুঙেদি চামান্‌ কাবা নয় তারে তা জাদঅ ভিদিরেত্তুন্‌ তুলি দিয়া পড়িবো, কিত্তে তে মর্‌ সুদোমান অমান্য গোজ্যে।”

যাত্রা 12:15

“তুমি সাত দিন সং সদানেইয়্যে পিদে হেবা। তমা ঘরত্‌ যেদক্কানি সদা আঘে পত্তম দিনোত্‌ তুমি সিয়েনি বেক্কানি সোরেই ফেলেবা। এ সাত দিনো ভিদিরে যুদি কনজনে সদা দিয়্যে পিদে খায় সালে তারে ইস্রায়েলীয়গুনো ভিদিরেত্তুন্ বাদ দিয়া অবঅ।

যাত্রা 12:19

এই সাত দিন সং তমা ঘরত্‌ যেন কনঅ সদা ন-থায়। যুদি কনজনে সদা-মিজেয়্যে কনকিজু খায়, সালে তারে ইস্রায়েলীয় সমাজত্তুন্‌ বাদ্‌ দিয়া পড়িবো, তে তমা জাদর্‌ মানুচ্ ওক্ বা অন্য জাদর্‌ মানুচ্ ওক্।

যাত্রা 12:47

“ইস্রায়েলীয়গুনোর্‌ বেক্কুনোত্তুন এই পরপ্‌পো পালন গরা পড়িবো।

যাত্রা 30:33

যুনি কনজনে এধোক্ক্যেন তুম্বাস্‌ জিনিস বানান্‌ বা ধর্মগুরু বাদে আর কারঅ কিয়্যেত্‌ সিয়েন্‌ দুয়োন্‌ সালে তারে তার্‌ জাদ ভিদিরেত্তুন্‌ বাদ্‌ দিয়্যে পুরিবো।”

যাত্রা 30:38

তুম্বাজ জিনিস ইজেবে বেবহারত্তে যুনি কনজনে সিয়েন্‌ বানান্‌ সালে তারে তার্‌ জাদ ভিদিরেত্তুন্‌ বাদ দিয়্যে পুরিবো।”

যিহিষ্কেল 23:49

তমার্ ভান্ন্যেই কামর্ ফল তমাত্তুন্ ভুগো পুরিবো আর মূত্তিপূজোর্ পাপর ফল ভুগো পুরিবো। সেক্কে তুমি হবর্ পেবা, মুয়ই প্রভু লগেপ্রভু।”

লেবীয় 17:10

কনঅ ইস্রায়েলীয় বা তারা ভিদিরে বজত্তি গোজ্যে অন্য জাদর্‌ কনঅ মানুচ্‌ যুনি লো খায় সালে তা সিত্তুন্‌ মুই মর্‌ মুয়োন্‌ ফিরেই নেযেম আর তা জাদত্তুন্‌ তারে তুলি ফেলেম,

লেবীয় 20:20

যুনি কনজনে কাক্কিরে, জেদেঙা বা মজেঙা সমারে কিয়্যেদি মিজেন্‌ সালে তে তার্‌ কাক্কা, জিদু বা মোল্যেবোরে অসর্মান গরে। ইয়েনত্তে তারারে দ্বিজনরেই দায়ী গরা অবঅ। তারা ঝি-পুঅ নেইদে অবস্থায় মড়িবাক্‌।

লেবীয় 22:9

মুই ধর্মগুরুগুনোরে যেদক্কানি উগুম্‌ দুয়োং সিয়েনি তারাত্তুন পালা পুরিবো। সিয়েনি ন-গুরিলে তারা দুষি অবাক্ আর ফি-বলা অনার্‌ কারনে তারা মুরি যেবাক্। মুই লগেপ্রভু তারারে মর্‌ আওজে যুদো গুরি রাগেয়োং।

লেবীয় 24:15

তুমি ইস্রায়েলীয়গুনোরে জানেই দুয়ো যুনি কনজনে তার গোজেনরে অভিশাব দেয় সালে তারে সিয়েনত্তে দায়ী গরা অবঅ।

গণাণা 19:13

যুনি কনজনে কারঅ মরাকিয়্যেগান্ ধরানার পরেদি নিজোরে সিজি গুরি ন-নেযায় সালে তে লগেপ্রভুর থেবার্‌-তাম্বুলান অসিজি গরে। সেই মানুচ্চোরে ইস্রায়েলীয়গুনো ভিদিরেত্তুন্‌ বাদ দিয়্যে পুরিবো। তার্‌ কিয়্যেত্‌ সিজি গুরিবার্‌ পানি ছিদি দিয়্যে ন-অয় বিলি তে অসিজি থেবঅ আর তার্‌ অসিজিগান্‌ তা উগুরে থেই যেবঅ।

গণাণা 19:20

অসিজি অনার পরেদি যুনি কনজনে নিজোরে সিজি গুরি ন-নেযায় সালে তারে তার্‌ সমাজ ভিদিরেত্তুন্‌ সমাজ বাড়া গরা পুরিবো, কিত্যে নিজোরে সিজি ন-গুরিনে তে লগেপ্রভুর পবিত্র তাম্বুলান অসিজি গোজ্যে। সিজি গুরিবার্‌ পানিগান্‌ তা উগুরে ছিদেনা ন-অয় বিলি তে অসিজি।

গণাণা 5:31

সেক্কে নেক্কো অন্যেয় গুরিবার নালিজোত্তুন্‌ মুক্তো থেবঅ, মাত্তর্‌ অন্যেয়্‌ গুরি থেলে মিলেমানুচ্চো তার্‌ ফল ভোগ্‌ গুরিবো।”

গণাণা 9:7

তারা মোশিরে কলাক্, “এক্কো মরাকিয়্যে ধরানার্‌ কারনে আমি ফি-বলা দজাত্‌ পোজ্যেই। সেনত্তে বিলি অন্য ইস্রায়েলীয়গুনো সমারে আমি ঠিগ্ সময়োত্‌ লগেপ্রভুর নাঙে উৎসর্ব গুরিবাত্তে কিত্তে ন-পারিবোং?”

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ইব্রীয় 6:6

আর সিয়েনর্ পরেদি খ্রীষ্টত্তুন্ ফিরি যেইয়োন, তারারে আরঅ নূয়ো গুরিনে মন ফিরেবার পধত্ আনানা সম্ভব নয়। ইয়েন সম্ভব নয়, কিয়া তারা নিজে গোজেনর্ পুয়োবোরে আরঅ ক্রুশোত্ দেদন্ আর বেক্কুনো মুজুঙোত্ তারে অসম্মান গত্তন্।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।