গণাণা 8:7 - Chakma Bible

⁷ ইঙিরিনে তুই তারারে শুদ্ধো-সাংগ গুরিবে: তারা উগুরে শুদ্ধো-সাংগ গুরিবার্‌ পানিগান ছিদি দিবে। সে পরেদি তারার গোদা কিয়্যেগান ধোইনে কাবড়-চুগোরানি ধোইনে নিজোরে শুদ্ধো-সাংগ গুরিবাক্।

গণাণা 8:7 Iomraidhean Croise

পত্থম 35:2

সেক্কে যাকোবে তা নিজো মানুচ্চুনোরে আর সমারে অন্য মানুচ্চুনোরে কলঅ, “তমা ইধু যিদুক্কুন্‌ দেবেদামুত্তি আগন্‌ সিগুন্‌ ফেলে দুয়ো আর নিজোরে সিজি গরঅ আর তমা কাবড়-সুগোরানি বুদুলি ফেলঅ।

গীতসংহিতা 51:2

মর্ বেক্ অন্যেয়ানি তুই ধোই ফেলা; মর্ পাপ্পানিত্তুন্ মরে সিজি গর্।

গীতসংহিতা 51:7

এসোব গাজর্ ডাল্লোই তুই মরে সিজি গর্, সিয়েন্দোই মুই সিজি ওম্; মরে ধোই ফেলা, সেক্কে মুই ধোক্ ধোক্যে ধুব্ ওম।

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

যিশাইয় 52:15

মাত্তর্ পরেদি তে ভালোক্ জাদর মান্‌জ্যরে শুজি গুরিবো, আর সেনত্তে রাজাগুনে মুয়োনি নাঢি রাগেবাক্, কিত্তে যিয়েনি তারারে কুয়ো ন-অয় সিয়েনি তারা দেগিবাক্, আর যিয়েনি তারা ন-শুনোন্ সিয়েনি তারা বুঝিবাক্।”

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

লেবীয় 15:27

যে সে বিচ্ছোনান্‌ বা আসনান্‌ ধুরিবো তেয়ো ফি-বলা অবঅ; তাত্তুন্‌ তার কাবড়-চুগোরান্‌ ধোয়নে পানিলোই গাদি ফেলা পুরিবো, আর তে সাজোন্যে সং ফি-বলা অবস্থায় থেবঅ।

লেবীয় 15:6

যে তার্‌ বোস্যে কনঅ জাগানত্‌ বুঝিবো তাত্তুন্‌ তার্‌ কাবড়-চুগোড় ধোয়নে পানিত্‌ গাদি ফেলা পুরিবো, আর তে সাজোন্যে সং ফি-বলা অবস্থায় থেবঅ।

লেবীয় 16:28

যে মানুচ্চো সিয়েনি উরিবাত্তে লোই যেবঅ তাত্তুন্‌ তার্‌ কাবড়-চুগোর্‌ ধোইনে পানিলোই গাদা পুরিবো আর তার্‌ পরেদি তে তাম্বুল ভিদিরে চোমেই পারিবো।

লেবীয় 8:6

এ কধাগান্‌ কোইনে তে হারোণ আর তার্‌ পূঅগুনোরে মুজুঙোত্ নেযেইনে পানিলোই তারারে গাদেল।

গণাণা 19:13

যুনি কনজনে কারঅ মরাকিয়্যেগান্ ধরানার পরেদি নিজোরে সিজি গুরি ন-নেযায় সালে তে লগেপ্রভুর থেবার্‌-তাম্বুলান অসিজি গরে। সেই মানুচ্চোরে ইস্রায়েলীয়গুনো ভিদিরেত্তুন্‌ বাদ দিয়্যে পুরিবো। তার্‌ কিয়্যেত্‌ সিজি গুরিবার্‌ পানি ছিদি দিয়্যে ন-অয় বিলি তে অসিজি থেবঅ আর তার্‌ অসিজিগান্‌ তা উগুরে থেই যেবঅ।

গণাণা 31:20

বেক্‌ কাবড়-চুগোরানি আর চামানি, তক্তা আর ছাগল কেশ্‌চোই বানেয়্যে বেক্‌ পযাপিরানি তুমি সিজি গুরিবা।”

গণাণা 8:21

লেবীয়গুনে নিজোরে শুদ্ধো-সাংগ গুরিলাক আর কাবড়-চুগোর্‌ ধোই ফেলেলাক্। সে পরেদি হারোণে লগেপ্রভুর নাঙে দোলন-উৎসর্ব ইজেবে তারারে উৎসর্ব গুরিলো আর শুদ্ধো-সাংগ গুরিবাত্তে তারারে পাপ ঢাগি দিবার বেবস্থা গুরিলো।

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

ইব্রীয় 9:13

যিগুনে অসিজি অদাক্ সিগুনো উগুরে ছাগল আর বলদর্ লো বা গোরুছ-পুজ্জ্যে ছেই ছিদেনা অদঅ; সিয়েন্দোই তারার্ বারেদি কিয়্যেগান বানা সিজি ওইনে সাব্ অদঅ।

যাকোব 4:8

গোজেন ইধু উজেই যঅ, সালে তেয়ো তমা ইন্দি উজেই এবঅ। পাপীগুন্, তুমি নিজোরে সাব্ গরঅ। দ্বিমনা মানুচ্চুন, তমা মনানি খাটি গরঅ।

১ পিতর 3:21

ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।