গণাণা 8:22 - Chakma Bible

²² ইয়েনর্ পরেদি লেবীয়গুনে হারোণ আর তার্‌ পূঅগুনোর অধীনে মিলন-তাম্বুলোত তারার্‌ কামানি গুরিবাত্তে গেলাক্। লগেপ্রভু মোশিরে যেদক্কানি উগুম্‌ দিয়্যে তারা লেবীয়গুনোরে নেযেইনে ঠিগ্ সিয়েনোই গুরিলাক্।

গণাণা 8:22 Iomraidhean Croise

২ বংশধর 30:27

যেরেন্দি যে লেবীয়গুনে ধর্মগুরু এলাক্‌ তারা থিয়্যেইনে মানুচ্চুনোরে বর্ দিলাক্‌, আর গোজেনে তারার্‌ তবনাগান শুনিলো, কিত্তে তারার্‌ তবনাগান্‌ স্বর্গত্‌ তার্‌ পবিত্র থেবার্‌ জাগানত্‌ লুম্মেগোই।

২ বংশধর 31:2

পূজ্যে-উৎসর্ব আর উদোলোলি-উৎসর্বর পরব্‌পান গুরিবাত্তে, সেবা-কামত্তে আর গোজেনর ঘরত্‌ পাত্তুরু তুরু আর নাঙ্ গিনেদে-গীদ গুরিবাত্তে হিষ্কিয় ধর্মগুরু আর লেবীয়গুনোর্‌ পত্তিজনর্‌ কাম্‌ মজিম তারারে নানান্‌ বাবোত্যে দলরে নেযেল।

যাত্রা 12:50

লগেপ্রভু মোশি আর হারোণরে যে উগুমান্‌ দিয়্যে ইস্রায়েলীয়গুনে ঠিগ সেধোক্ক্যেনই গুরিলাক্‌।

গণাণা 1:50

সাক্ষ্য-তাম্বুলর সাজ-গুজোর জিনিসচানি আর তার্‌ বেক্কানি দেগাশুনোর দায়িত্তো তুই তারা উগুরে দিবে। তারার্‌ কাম অবঅ থেবার-তাম্বুল আর তার্‌ বেক্‌ সাজ-গুজ্‌চানি বুয়োই নেযানা। ইয়েনর দেগাশুনোর্‌ ভারান তারাত্তুনো নেযা পুরিবো আর তারাত্তুনো ইয়েনর চেরোকিত্তে তাম্বুল-বানেইনে থাহ্ পুরিবো।

গণাণা 8:15

“ইঙিরিনে লেবীয়গুনোরে শুদ্ধো-সাংগ গুরি নেযেইনে দোলন-উৎসর্ব ইজেবে উৎসর্ব গুরিবার পরেদি তারা মিলন-তাম্বুলোত কাম্‌ গুরিবাত্তে এবাক্‌।

গণাণা 8:21

লেবীয়গুনে নিজোরে শুদ্ধো-সাংগ গুরিলাক আর কাবড়-চুগোর্‌ ধোই ফেলেলাক্। সে পরেদি হারোণে লগেপ্রভুর নাঙে দোলন-উৎসর্ব ইজেবে তারারে উৎসর্ব গুরিলো আর শুদ্ধো-সাংগ গুরিবাত্তে তারারে পাপ ঢাগি দিবার বেবস্থা গুরিলো।

গণাণা 8:23

পরেদি লগেপ্রভু মোশিরে কলঅ,