গণাণা 8:21 - Chakma Bible

²¹ লেবীয়গুনে নিজোরে শুদ্ধো-সাংগ গুরিলাক আর কাবড়-চুগোর্‌ ধোই ফেলেলাক্। সে পরেদি হারোণে লগেপ্রভুর নাঙে দোলন-উৎসর্ব ইজেবে তারারে উৎসর্ব গুরিলো আর শুদ্ধো-সাংগ গুরিবাত্তে তারারে পাপ ঢাগি দিবার বেবস্থা গুরিলো।

গণাণা 8:21 Iomraidhean Croise

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

লেবীয় 14:11

যে ধর্মগুরুবো তার্‌ সুদ্ধো-সাংগ অবার্‌ অনুষ্ঠানান্‌ গোজ্যে তে তারে আর উৎসর্বত্তে আন্যে তার্‌ জিনিস্‌চানি মিলন-তাম্বুলো দোরান ইদু লগেপ্রভু মুজুঙোত্ আঝিল্ গুরিবো।

গণাণা 19:12

তিন দিনোত্‌ আর সাত দিনোত্‌ তাত্তুন্‌ সিজি গুরিবার পানিলোই নিজোরে সিজি গরা পুরিবো আর সে পরেদি তে সিজি অবঅ। মাত্তর্‌ যুনি তে তিন দিনোত্‌ আর সাত দিনোত্‌ এধোক্ক্যেনগুরি নিজোরে সিজি গুরি ন-নেযায় সালে তে অসিজি অবস্থায় থেই যেবঅ।

গণাণা 19:19

সিজি অবস্থায় আগেদে মানুচ্চো অসিজি অবস্থায় পোজ্যে মানুচ্চো উগুরে তিন দিনোত্‌ আর সাত দিনোত্‌ সেই পানিগান্‌ ছিদি দিবো আর সাত দিনোত্‌ তে তারে সিজি গুরিবো। যিবেরে সিজি গরা অর্‌ তাত্তুুন্‌ তা কাবড়-চুগোরানি ধোয়্‌ ফেলেইনে পানিলোই গাদা পুরিবো আর্‌ সেদিন্যে তে সাজোন্যাত্তুন্‌ ধুরি সিজি অবঅ।

গণাণা 3:12

“ইস্রায়েলীয় মিলেমানুচ্চুনোর্‌ পত্তম পূঅবোর জাগানত্‌ মুই ইস্রায়েলীয়গুনো ভিদিরেত্তুন্‌ লেবীয়গুনোরে নেযেয়োং। লেবীয়োগুন মর্‌,

গণাণা 8:15

“ইঙিরিনে লেবীয়গুনোরে শুদ্ধো-সাংগ গুরি নেযেইনে দোলন-উৎসর্ব ইজেবে উৎসর্ব গুরিবার পরেদি তারা মিলন-তাম্বুলোত কাম্‌ গুরিবাত্তে এবাক্‌।

গণাণা 8:20

লগেপ্রভু লেবীয়গুনো পৌইদ্যেনে মোশিরে যেদক্কানি উগুম্‌ দিয়্যে মোশি, হারোণ আর অন্য বেক্‌ ইস্রায়েলীয়গুনে লেবীয়গুনোরে লোইনে সিয়েনোই গুরিলাক্।

গণাণা 8:22

ইয়েনর্ পরেদি লেবীয়গুনে হারোণ আর তার্‌ পূঅগুনোর অধীনে মিলন-তাম্বুলোত তারার্‌ কামানি গুরিবাত্তে গেলাক্। লগেপ্রভু মোশিরে যেদক্কানি উগুম্‌ দিয়্যে তারা লেবীয়গুনোরে নেযেইনে ঠিগ্ সিয়েনোই গুরিলাক্।

গণাণা 8:7

ইঙিরিনে তুই তারারে শুদ্ধো-সাংগ গুরিবে: তারা উগুরে শুদ্ধো-সাংগ গুরিবার্‌ পানিগান ছিদি দিবে। সে পরেদি তারার গোদা কিয়্যেগান ধোইনে কাবড়-চুগোরানি ধোইনে নিজোরে শুদ্ধো-সাংগ গুরিবাক্।