গণাণা 7:89 - Chakma Bible

⁸⁹ ইয়েনর পরেদি মোশি যেক্কে লগেপ্রভুর লগে কধা কবাত্তে মিলন-তাম্বুলোত্‌ চোমেদ সেক্কে সাক্ষ্য-সিন্দুগো উগুরে ঢাগনিগানর্‌ কাজাকুরেন্দি করূব দ্বিবের্‌ ভিদিরে জাগানত্তুন্‌ তাঁর কধানি শুনিদাক্। এবাবোত্যেগুরি লগেপ্রভু মোশি সমারে কধা কদঅ।

গণাণা 7:89 Iomraidhean Croise

১ রাজাবলী 6:23

তে দাঙর্ পবিত্র জাগান ভিদিরে জলপাই গাজ তক্তার দ্বিবে করূব বানেল। দ্বিবে করূব আরুগে আর গদনে একবাবোত্যে এলঅ। ইগুনোর পত্তিবো দশ আত্‌ গুরিনে অজল এলঅ। পত্তি করূবোর পাচ্ আত্‌ গুরিনে লাম্বা দ্বিয়েন ডুয়ো এলঅ। এক্‌ ডুয়োর্‌ গোড়াত্তুন্‌ অন্য ডুয়োর মাঢাগান সং এলদে দশ আত্‌।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

যাত্রা 40:34

সে পরেদি মেঘচাগ্‌ এইনে মিলন-তাম্বুলান্‌ নাঢি ফেলেল আর লগেপ্রভুর মহিমায় থেবার-তাম্বুলান ভুরি গেলঅ‌।

যাত্রা 40:35

থেবার-তাম্বুলান, অত্তাৎ মিলন-তাম্বুলান্‌ মেঘে ঢাক্ক্যা আর লগেপ্রভুর্‌ মহিমায় ভোজ্যে এলঅ‌ বিলিনে মোশি সিয়োত্‌ চোমেই ন-পারিলো।

লেবীয় 1:1

একদিন্যে মিলন-তাম্বুল ভিদিরেত্তুন্‌ লগেপ্রভু মোশিরে ডাগিলো আর ইস্রায়েলীয়গুনোরে কবাত্তে কলঅ, যুনি তমা ভিদিরেত্তুন্ কনজনে লগেপ্রভুরে উৎসর্ব ইজেবে কিজু দিবাত্তে চায় সালে তে এক্কো য়েমান্‌ লোই‌ এজোক্; সেই য়েমান্নো যেন কনঅ গোরু, ভেড়া বা ছাগল অয়।

গণাণা 1:1

ইস্রায়েলীয়গুনে মিসর দেজত্তুন্‌ নিগিলি এজানার্‌ পরেদি দ্বিবজরর্‌ দ্বিমাজর্‌ পত্তম দিনোত্‌ লগেপ্রভু সিনাই ধূল্যেচর চাগালাত্‌ মিলন-তাম্বুলো ভিদিরে মোশির লগে কধা কোইয়্যে। তে কলদে,

গণাণা 11:17

মুই সিয়েনত্‌ লামি এইনে তঅ সমারে কধা কোম্‌। তঅ উগুরে যে আত্মাগান্‌ আঘে মুই সিয়েনরে তারা উগুরেয়ো দিম্‌। মানুচ্চুনোর্‌ ভারান্‌ বুয়োই নিবাত্তে তারা তরে সাহায্য গুরিবাক। সেক্কে তত্তুন্‌ আর গায়্‌ গায়্‌ দায়িত্বোগান বুয়োই নেযা ন-পুরিবো।

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

গণাণা 8:1

লগেপ্রভু মোশিরে কলঅ,

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।

১ শমূয়েল 4:4

সেনত্যেই তারা শীলোত মানুচ্‌ পাদেইনে দুনিয়ের গিরোজ্‌ লগেপ্রভু, যিবে দ্বিবে করূবোর সংমোধ্যে থায়, তার সাক্ষ্য-সুন্দুক্কো আনিলাক্। গোজেনর সেই সাক্ষ্য-সুন্দুগোর্ লগে এলাক এলির দ্বিবে পূঅ, হফ্‌নি আর পীনহসে।