গণাণা 7:10 - Chakma Bible

¹⁰ অভিষেগ-তেল্লোই পূজোবোর্‌ উৎসর্বর অনুষ্ঠান আরাম্ভ অবার্‌ পরেত্তুন্‌ ধুরি নেতাগুনে তারার্‌ বক্‌শিজ্‌ছানি আনিনে পূজোবোর্‌ মুজুঙোত্‌ রাগা ধুরিলাক।

গণাণা 7:10 Iomraidhean Croise

১ রাজাবলী 8:63

শলোমনে বেইশ আজার গোরু আর এক লাখ্‌ কুড়ি আজার ভেড়ালোই উদোলোলি-উৎসর্বর অনুষ্ঠানান্‌ গুরিলো। এধোক্ক্যেনগুরিনে রাজা আর বেক্‌ ইস্রায়েলীয়গুনে লগেপ্রভুর ঘরান্‌ থিদেবর্ গুরিলাক।

২ বংশধর 7:5

রাজা শলোমনে বেঈশ আজার গোরু আর এক লাখ্‌ কুড়ি আজার ভেড়া ছাগল উৎসর্ব গুরিলো। ইঙিরিনে রাজা আর বেক্‌ মানুচ্চুনে গোজেন ঘরান্‌ থিদেবর্ গুরিলাক্‌।

নহিমিয় 12:27

যিরূশালেমর দেবালান্‌ গোজেনর নাঙে উৎসর্বর পরবোর্‌ সময়োত্‌ লেবীয়গুনে যিয়েনত্‌ বজত্তি গুরিদাক্‌ সিয়েনত্তুন্‌ তারারে যিরূশালেমত্‌ যিরূশালেমত্‌ আনা অলঅ যেনে তারা ঝোন্‌জোনি, বীণা আর হার্‌মোনি বাজেইনে আর ভালেদির্‌ গান্‌ গেইনে হুজিয়্যে রাজিয়্যে সে মেট্‌বানান্‌ পালেই পারন্‌।

নহিমিয় 12:43

গোজেনে তারারে বোউত্‌ হুজি দান গোজ্যে বিলিনে সেদিন্যে মানুচ্চুনে দাঙর্‌ এক্কো উৎসর্বর অনুষ্ঠান গুরিলাক্‌ আর অমকদ ফুুত্তি গুরিলাক্‌। তারার্‌ মিলেগুনে আর ঝি-পূঅগুনে ফুত্তি গুরিলাক্‌। যিরূশালেমর মানুচ্চুনোর এ হুজির্‌ রঅগুন্‌ বোউত্‌ দূরোত্তুন্‌ শুনো গেলঅ।

গীতসংহিতা 30:1

ও লগেপ্রভু, মুই তর্ বাঈনী গুরিম, কিয়া তুয়ই মরে তুলি আন্যচ্; মঅ শত্রুগুনোরে তুই মঅ বিরুদ্ধে ফুত্তি গুরিবাত্তে ন-দুয়োচ্।

গণাণা 7:1

যেদিন্যে থেবার্‌-তাম্বুলান তুলোনা থুম অলঅ সেদিন্যে মোশি সিয়েন উগুরে অভিষেগ-তেল্লোই গোদা তাম্বুলান আর তার্‌ পজা-পিরানি লগেপ্রভুর নাঙে যুদো গুরি নেযেল। তে পূজো আর তার্‌ থাল্‌-বাজোন্‌ উগুরে অভিষেগ তেল্লোই সিগুনোরে যুদো গুরি নেযেল।

গণাণা 7:11

লগেপ্রভু মোশিরে কোইয়েদে, “নিত্য এক একজন গুরিনে নেতাগুনে পূজোবোত্‌-উৎসর্বর নাঙে তারার্‌ বক্‌শিজ্‌ছানি আনিবাক।”

গণাণা 7:84

অভিষেগে-তেল দিইনে ডালি পুজোবোর্‌ অনুষ্ঠানান্‌ আরাম্ভ অবার পরেত্তুন্‌ ধুরি ইস্রায়েলীয় নেতাগুনে যেদক্কানি বক্‌শিজ্‌ আনিলাক সিয়েনি অলদে বারোবো রূবোর বাজোন্, বারোবো রূবোর কদরা আর বারোবো সনার্‌ চিগোন বাজোন্।

গণাণা 7:88

উদোলোলি-উৎসর্বত্তে বেক্কানিত্তুন দিয়্যে ওইয়্যে চোব্বিশ্‌ছুয়ো বলদ গোরু, ষায়েট্টো ভেড়াছাগল, ষায়েট্টো পাঁদাছাগল আর ষায়েট্টো এক বোজোজ্যে ভেড়াছাগলর-ছঅ। পূজোবো অভিষেগর্‌ পরেদি ইবে উৎসর্বত্তে এই বেক্‌ বক্‌শিজ্‌ছানি আনা ওইয়্যে।

দ্বি’লম্বর বিররণ 20:5

সে পরেন্দি তারার নেতাগুনে সৈন্যদলুনোরে কবাক্‌, তমা ভিদিরে যুনি কনজনে নুয়ো ঘর্‌ বানেইনে সিয়েন্‌ ফাং ন গুরিনে থায় সালে তে ঘরত্‌ যোক্‌; সিয়েন্‌ ন অলে তে যুদ্ধোত মুরি গেলে অন্য কনজনে সে ঘরান ফাং গুরিবো।