গণাণা 6:4 - Chakma Bible

⁴ আজল্‌ কধা, তে যেদকদিন নাসরীয় থেবঅ সেদকদিন সং আংগুর ফলর কনঅ কিজু তে হেই ন-পারিবো, ইবের্‌ বিজিয়ো না বা খোজাগুনঅ না।

গণাণা 6:4 Iomraidhean Croise

গণাণা 6:21

“নাসরীয়বোত্তে ইয়েনোই অলঅ সুদোম। লগেপ্রভুর নাঙে যুদো ওই থেবার্‌ শমক্‌ মজিম তাত্তুন্‌ এদক্কানি উৎসর্বর অনুষ্ঠান গরা পুরিবো। ইয়েনবাদে যুনি তে নিজোর্‌ খেমতা ধোক্ক্যেন আরঅ্‌ কিজু দিবার্‌ শমক্‌ গুরি থায় সালে সিয়েনঅ তাত্তুন্‌ দিয়া পুরিবো। তে যিয়ান্‌ এগেম্ গোজ্যে লগেপ্রভুর নাঙে যুদো ওই থেবার্‌ সুদোম মজিম তাত্তুন্‌ এই বেক্কানি দিয়া পুরিবো।”

গণাণা 6:3

তার্‌ আংগুর-রস বা কনঅ বাবোত্তে মদ হেই ন-পারিবো। তে আংগুর-রস বা মদত্তুন্‌ বানেইয়্যে সিরকায়ো হেই ন-পারিবো। এমন্‌ কি, কাজা আংগুর-রস, আংগুর বা কিশমিশঅ তে হেই ন-পারিবো।

গণাণা 6:5

যেদকদিন সং তে নাসরীয় ইজেবে নিজোরে যুদো গুরি রাগেব বিলি শমক্‌ গোজ্যে সেদকদিন সং তার্‌ মাদাত্‌ ক্ষুর্‌ বাজেই ন-পারিবো। লগেপ্রভুর্‌ নাঙে যুদো ওই থেবার্‌ সময়োত্‌ তাত্তুন্‌ লগেপ্রভুর ওইনে থাহ্ পুরিবো। তার্‌ চুলান্‌ লাম্বা অবাত্তে সুযোগ দিয়া পুরিবো।

বিচের গুরিয়্যেগুন 13:14

আংগুর গাজত্তুন্‌ যিয়েনি অয় সিয়েনি তে কনকিজু খেই পেদ নয়। আংগুর-রস বা কনঅ মদ অথবা অসিজি কিচ্ছু তে খেই ন-পারিবো। মুই তারে যেদক্কানি উগুম দুয়োং সিয়েনি বেক্কানি তাত্তুন পালা পুরিবো।”