গণাণা 6:3 - Chakma Bible

³ তার্‌ আংগুর-রস বা কনঅ বাবোত্তে মদ হেই ন-পারিবো। তে আংগুর-রস বা মদত্তুন্‌ বানেইয়্যে সিরকায়ো হেই ন-পারিবো। এমন্‌ কি, কাজা আংগুর-রস, আংগুর বা কিশমিশঅ তে হেই ন-পারিবো।

গণাণা 6:3 Iomraidhean Croise

লেবীয় 10:9

তুই আর তর্‌ পুয়োগুনে আংগুর্‌-রস বা মদ হেইনে মিলন-তাম্বুলোত্‌ ন-চোমেবা, চোমেলে তুমি মুরি যেবা। বংশর্‌ পর্‌ বংশ ধুরিনে ইয়েন্‌ অবঅ তমার্‌ এক্কান্‌ উমরর্ সুদোম।

আমোষ 2:11

ও ইস্রায়েলর্ মানুচ্চুন, এ কধাগান কি সত্য নয় যে, মুই তমা পুয়োগুনো ভিদিরেত্তুন্ কয়েক জনরে ভাববাদী আর কয়েক জনরে নাসরীয় ইজেবে বেঈ লোইয়োং?

আমোষ 2:12

মাত্তর্ তুমি সেই নাসরীয়গুনোরে আংগুর-রস হাবেইয়ো আর ভাববাদী ইজেবে কধা ন-কবাত্তে ভাববাদিগুনোরে উগুম দুয়ো।

গণাণা 6:4

আজল্‌ কধা, তে যেদকদিন নাসরীয় থেবঅ সেদকদিন সং আংগুর ফলর কনঅ কিজু তে হেই ন-পারিবো, ইবের্‌ বিজিয়ো না বা খোজাগুনঅ না।

লূকে লেখ্যে গম্ হবর্ 1:15

কিয়া প্রভুর্ চোগেদি তে দাঙর্ অবঅ। তে কনদিন্অ আংগুর-রস বা কনঅ বাবোত্যে মদ্ ন-হেবঅ আর মা পেদত্ থাগদে তে পবিত্র আত্মালোই ভর্ পুনোং অবঅ।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

১ থিষলনীকীয় 5:22

আর নানান্ বাবোত্যে ভান্ন্যেয়ত্তুন্ দূরোত্ থেয়ো।

১ তীমথিয় 5:23

তর্ প্রায় অসুগ্ অয় বিলিনে অজম্ অবাত্যে এক্কেনা এক্কেনা গুরি আংগুর-রচ খেচ্; বানা পানি ন-খেচ্।

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

বিচের গুরিয়্যেগুন 13:14

আংগুর গাজত্তুন্‌ যিয়েনি অয় সিয়েনি তে কনকিজু খেই পেদ নয়। আংগুর-রস বা কনঅ মদ অথবা অসিজি কিচ্ছু তে খেই ন-পারিবো। মুই তারে যেদক্কানি উগুম দুয়োং সিয়েনি বেক্কানি তাত্তুন পালা পুরিবো।”

বিচের গুরিয়্যেগুন 13:4

আংগুর-রস বা কনঅ মদ অথবা অসিজি কিজু যেনে তুমি ন-খঅ সেনত্তেই তত্তুন্‌ উঝিয়ার তা পুরিবো।