গণাণা 6:25 - Chakma Bible

²⁵ লগেপ্রভুর দোয়্যেগান্ পহ্‌র ধোক্ক্যেন তর্‌ উগুরে পোড়োক্‌; তাঁর্‌ কোচ্‌পানাগান তঅ উগুরে থোক্।

গণাণা 6:25 Iomraidhean Croise

পত্থম 43:29

যোষেফে চেরোকিত্তে রিনি চেইনে তার্‌ নিজোর্‌ ভেই বিন্যামীনরে চেইনে কলঅ, “ইবে কি তমার্‌ সেই চিগোন ভেইবো যিবে কধা তুমি মরে কোইয়ো?” সে পরেদি তে বিন্যামীনরে কলঅ, “গোজেনে তরে দোয়্যে গোরোক্‌!”

গীতসংহিতা 119:135

তর্ দোয়্যে-মেয়্যেগানি পহ্‌র্ গুরি জ্বলেদে ধোক্ক্যেন্ তর্ এ চাগর্‌বো উগুরে পোড়োক্; তর্ বেক সুদোমানি মরে শিক্ষ্যে দে।

গীতসংহিতা 21:6

তুই তারে জিংকানিবর আশিদ্‌বাদ গোজ্যস্; তর্ এজানার হুজিয়ে তারে হুজি গোজ্যস্।

গীতসংহিতা 31:16

তর্ চাগর্‌বো উগুরে তর্ দোয়্যে পহর্ ধোক্ক্যেন গুরি পোড়োক্; তর্ থুম্ ন-ওইয়্যে কোচ্‌পানালোই তুই মরে রোক্ষ্যে গর্।

গীতসংহিতা 4:7

বোউত্ গুলোগুলি আর নুয়ো আংগুর-রস পেলে মানুচ্চুনোর যেধোক্ক্যেন্ মনানি হুজি অয়, তাত্তুনো বেশ্ রঙ্গ-ফুত্তিলোই তুই মঅ মনান্ ভোরেই রাগেয়োচ্।

গীতসংহিতা 67:1

ও গোজেন, তুই আমারে দোয়্যে আর আশিদ্‌বাদ গর্; তর্ দোয়্যে-মেয়্যেগান পহ্‌র ধোক্ক্যেন আমা উগুরে পোড়োক্;

গীতসংহিতা 80:19

ও বেগত্তুন্ খেমতাবলা লগেপ্রভু গোজেন, তুই আগ অবস্তাদ আমারে ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন আমা উগুরে পোড়োক্, আমি সেক্কে উদ্ধোর্ পেবং।

গীতসংহিতা 80:7

ও বেগত্তুন্ খেমতাবলা গোজেন, আমারে তুই আগ অবস্তাদ ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন আমা উগুরে পোড়োক্, আমি সেক্কে উদ্ধোর পেবং।

গীতসংহিতা 86:16

তুই মন্দি ফির্ আর মরে দোয়্যে গর্; তঅ চাগর্‌বোরে তর্ খেমতা দান গর্; তঅ চাগরানিবোর পূয়োবোরে রোক্ষ্যে গর্।

যাত্রা 33:19

লগেপ্রভু কলঅ‌, “মুই মর্‌ বেক্‌ আওজ্‌‌চানি তঅ মুজুঙোত্‌ তুলি ধুরিম। তর্‌ মুজুঙোত্‌ মুই মর্‌ ‘লগেপ্রভু’ নাঙান্‌ ফগদাঙ্‌ গুরিম্‌। মর্‌ যিবে গম্‌‌ লাগে তারে দোয়্যে গুরিম্‌, যিবেরে গম্‌‌ লাগে তারে মেয়্যে গুরিম্‌।

দানিয়েল 9:17

“ইক্কিনে, ও আমা গোজেন, তঅ চাগরুনোর তবনা আর কোজোলী শুন। ও প্রভু, তর্ সুনাঙান্ রোক্ষ্যেত্তে ভস্ত ওই যেইয়্যে তর্ ঘর উগুরে তুই দোয়্যের্ চোগেদি রিনি চাহ্।

মালাখি 1:9

ইক্কিনে গোজেন ইধু দোয়্যে চেইনে কি লাভ? তমা আঢ্‌তানিলোই যেক্কে এবাবোত্যে উৎসর্ব গরা ওইয়্যে, সেক্কে তে কি আমারে গুজি লবঅ? শুনো, বেগত্তুন্ খেমতাবলা লগেপ্রভু কি কোইয়্যে,

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।