গণাণা 6:24 - Chakma Bible

²⁴ লগেপ্রভু তরে বর্ দোক্ আরঅ রোক্ষে গোরোক্‌;

গণাণা 6:24 Iomraidhean Croise

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

২ শমূয়েল 7:29

ইক্কিনে তুই হুজি ওইনে তঅ চাগর্‌বোর্ বংশবোরে বর্ দে যেনে সে বংশবো জিংকানিবর্‌ তর্‌ মুজুঙোত্‌ থায়। ও প্রভু লগেপ্রভু, তুই নিজে সে কধানি কোইয়োচ্‌ আর তঅ বর্ দেনায় তর্‌ এ চাগর্‌বোর্‌ বংশবো জিংকানিবর্‌ বর্ থেবঅ।”

গীতসংহিতা 134:3

আগাজ্ আর পিত্‌থিমীগান বানেয়্যে লগেপ্রভু সিয়োনানত্তুন্ তমারে বর্ দোক্।

গীতসংহিতা 17:8

চোগো মানেগ ধোক্ক্যেন গুরি তুই মরে রোক্ষ্যে গর্; যিগুনে মঅ উগুরে অত্যেচার্ গরন্ সে পাজিগুনোত্তুন্, যিগুনে মারে ফেলেবাত্তে মরে ঘিরি আগন্ সে শত্রুগুনোত্তুন্, তুই মরে তর্ ডুয়োগানি ছাবালোই রাগা।

গীতসংহিতা 28:9

ও লগেপ্রভু, তঅ মানুচ্চুনোরে তুই রোক্ষ্যে গর্, তর্ সোম্বোত্তিগানরে তুই আশিদ্‌বাদ গর্; তুই তারার্ পালক অ আর উমরত্যে তারারে বুয়োই নেযা।

গীতসংহিতা 91:11

কিত্তে তে তার দূত্‌তুনোরে তঅ পৌইদ্যেনে উগুম দিবো যেন বেক্কানিত্তুন্ তারা তরে রোক্ষ্যে গরন্।

যিশাইয় 27:3

মুই লগেপ্রভু সিয়েনর্ দেগাশুনো গরং; মুই নিত্য সিয়েনত্ পানি দুয়োং। যেনে কনজনে সিয়েনত্ খেতি গুরি ন-পারন্ সেনত্তে দিনে-রেদে মুই সিয়েনত্ চুগি দুয়োং।

যিশাইয় 42:6

মুই লগেপ্রভু তরে গমেডালে ডাক্যং; মুই তঅ আঢ্‌‌‍‍তান ধুরি রাগেম। মুই তরে রোক্ষ্যে গুরিম আর মঅ মানুচ্চুনোত্তে তরে এক্কান বেবস্থা ধোক্ক্যেন গুরিম আর অন্য জাদ্‌তুনোত্তে পহ্‌‌‍‍‌‍‍‌‌‍‍র ধোক্ক্যেন গুরিম।

দানিয়েল 9:17

“ইক্কিনে, ও আমা গোজেন, তঅ চাগরুনোর তবনা আর কোজোলী শুন। ও প্রভু, তর্ সুনাঙান্ রোক্ষ্যেত্তে ভস্ত ওই যেইয়্যে তর্ ঘর উগুরে তুই দোয়্যের্ চোগেদি রিনি চাহ্।

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

১ করিন্হীয় 14:16

সিয়েন ন-অলে যুনি তুই আত্মালোই ভালেদি জানাচ্ সালে সেই ভাষা বুঝি ন-পারে এন্ কনঅ মানুচ্‌ যুনি সিয়েনত্ থায়, সালে তে কেধোক্ক্যেন গুরি তর্ ভালেদিগান আমেন বিলিনে মানি লবঅ? তে দঅ কোই ন-পারে তুই কি কর্।

ইফিষীয় 6:24

আমা প্রভু যীশু খ্রীষ্ট উগুরে যিগুনোর্ থির্ কোচ্‌পানা আঘে সিগুনোর্ বেক্কুনো উগুরে গোজেনর্ দোয়্যে থোক্।

ফিলিপীয় 4:23

প্রভু যীশু খ্রীষ্টর্ দোয়্যেগান্ তমা রিবেঙত্ থোক্।

ফিলিপীয় 4:7

সিয়েনর কারনে, গোজেনর্ দিয়্যে যে শান্তির কধা মানুচ্ চিন্তে গুরিনেয়ো বুঝি ন-পারন, খ্রীষ্ট যীশুর্ মাধ্যমে সেই শান্তি তমা রিবেঙানিরে আর মনানিরে রোক্ষ্যে গুরিবো।

১ থিষলনীকীয় 5:23

শান্তিদিয়্যে গোজেনে নিজেই তমারে পুরোপুরি গুরিনে পবিত্র গোরোক্, আর আমার প্রভু যীশু খ্রীষ্ট এবার্ সময়োত্ তমার পুরো কিয়্যেগান-আত্মাগান-মনান নিদ্দুজি রাগেয়ো।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

রূত 2:4

এমন্‌ সময়োত্‌ বোয়সে বৈৎলেহমত্তুন এলঅ‌ আর যিগুনে ফসল কাবদন্‌ তারারে কলদে, “লগেপ্রভু তমা লগে থোগ্‌।” তারায়ো ফিরিনে তারে কলাক্‌, “লগেপ্রভু তরে বর্‌ দোক্‌।”

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।