গণাণা 6:19 - Chakma Bible

¹⁹ লগেপ্রভুর্‌ নাঙে রাগেয়্যে চুলানি মুড়ে ফেলানার পরেদি ধর্মগুরুবো ভেড়াছাগল্লোর এক্কান্‌ সিদ্ধো গোজ্যে আঢ রান্‌ আর লেইবোত্তুন্‌ এক্কান সদাছাড়া পিদে আর চাপাটি লোইনে সেই নাসরীয়োবোর্‌ আঢত্‌ দিবো।

গণাণা 6:19 Iomraidhean Croise

লেবীয় 7:28

ইয়েন পরেদি লগেপ্রভু মোশির মাধ্যমে ইস্রায়েলীয়গুনোরে কবাত্তে কলঅ, “যে কনজনে লগেপ্রভুর্ নাঙে উদোলোলি-উৎসর্বর কনঅ য়েমান আনিবো তাত্তুন্‌ তার্ এক্কো ভাগ লগেপ্রভুরে দিয়্যে পুরিবো।”

লেবীয় 7:30

লগেপ্রভুর্ নাঙে আগুন্দোই‌-গোজ্যে উৎসর্বর এ ভাগ্‌কান্‌, অত্তাৎ বুগো য়েরাগান্‌ আর তার্‌ উগুরে তেলান্‌ তে নিজোর্‌ আঢে ধর্মগুরুগুনোরে দিবো। বুগোর্‌ য়েরাগান্‌ ধর্মগুরুবো দোলন-উৎসর্ব ইজেবে লগেপ্রভুর্ মুজুঙোত্ দুলেব আর সিয়েন্‌ হারোণ আর তার্‌ পূঅগুনোর্‌ পাওনা অবঅ, মাত্তর্‌ তেলান্‌ তে পূজোবো উগুরে পুড়ি ফেলেব।

লেবীয় 8:27

সিয়েনি বেক্কানি তে হারোণ আর তার্‌ পূঅগুনোর্‌ আঢত্ দিইনে দোলন-উৎসর্ব ইজেবে সিয়েনি লগেপ্রভুর্ মুজুঙোত্ দুলেল।

লেবীয় 8:31

মোশি যেরেন্দি হারোণ আর তার্‌ পূঅগুনোরে কলঅ, “তুমি মিলন-তাম্বুলোর দোরান ইদু এ য়েরাগান্‌ উজি দুয়ো আর সিয়োদোই অদেঅদে-অনুষ্ঠানর্‌ খাড়াঙোর্‌ পিদেলোই সিয়েন্‌ হেবা, কিত্তেই মুই এ উগুমান্‌ দুয়োং যে, তর্‌ আর তর্‌ পূঅগুনোর্‌ সিয়েন্‌ হা পুরিবো।

গণাণা 6:2

তুই ইস্রায়েলীয়গুনোরে জানেই দে, যুনি কনঅ মরদ বা মিলেমানুচ্‌ নাসরীয় ইজেবে লগেপ্রভুর নাঙে যুদো ওই থেবাত্যে বিশেষ গুরি শমক্‌ খান্‌,

১ শমূয়েল 2:15

সিয়েনি বাদেয়ো, তেলানি আগুনোত্‌ দিবার আগেন্দি ধর্মগুরুবোর্ চাগর্‌‌বো এইনে যে মানুচ্চো য়েমান-উৎসর্গ গোজ্যে তারে কদঅ, “আগুনোত্‌ ভাজেবাত্যেই ধর্মগুরুবোরে য়েরা দে। তে তত্তুন্‌ উজুনো য়েরা ন-নিবো, কাজা য়েরায়ই নিবো।”