গণাণা 5:9 - Chakma Bible

⁹ যেদক্কানি পবিত্র পজা-পিরা ইস্রায়েলীয়গুনে ধর্মগুরুগুনো ইদু আনিবাক্‌ সিয়েনি বেক্কানি ধর্মগুরুগুনোর্‌ অবঅ।

গণাণা 5:9 Iomraidhean Croise

যাত্রা 29:28

এধোক্ক্যেনগুরি ইস্রায়েলীয়গুনে গোজ্যে বেক্‌ উদোলোলি-উৎসর্বর্‌ এই জিনিসছানি আমিঝে হারোণ আর তার্‌ পূঅগুনোরে দিয়্যে অবঅ। এই জিনিসছানি অবঅ‌ লগেপ্রভুর্‌ নাঙে ইস্রায়েলীয়গুনোর্‌ দান।

লেবীয় 10:13

ইয়েন তুমি পবিত্র-তাম্বুল ঘরর্ চাগালাত্ নেযেইনে হেবা; লগেপ্রভুর্ নাঙে আগুন্দোই গোজ্যে উৎসর্বর এ ভাগ্‌কান্‌ তর্‌ আর তর্‌ পূঅগুনোর্‌ পাওনা; মুই এ উগুমান্‌ পেইয়োং।

লেবীয় 10:14

মাত্তর্ লগেপ্রভুর্ নাঙে দুলেই রাগেয়্যে বুগোর্ য়েরাগান আর উলুহুল্লো তুই আর তর্‌ পূঅ-ঝিগুনে বেক্কুনে হেই পারিবাক্। ইয়েনি তুমি কনঅ শুদ্ধ-সাংগ জাগাত হেবা। ইস্রায়েলীয়গুনোর বেক উদোলোলি-উৎসর্বর্ এ ভাগত্তুন তরে আর তর্‌ পূঅ-ঝিগুনোরে দিয়্যে ওইয়্যে।

লেবীয় 10:15

আগুন্দোই গোজ্যে উৎসর্বত্তে যেক্কে তেল আনা অবঅ সেক্কে লগেপ্রভুর্ মুজুঙোত্ দোলন-উৎসর্ব ইজেবে দুলেবাত্তে উলুহুল্লো আর বুগোর য়েরানিও আনা পুরিবো। লগেপ্রভুর্ উগুম মজিম্ এ উলুহুল্লো আর বুগোর য়েরাগান তর্‌ আর তর্‌ পূঅ-ঝিগুনোর অক্ত মজিম্ পাওনা।”

লেবীয় 6:26

যে ধর্মগুরুবো এই উৎসর্ববোর্ অনুষ্ঠানান্‌ গুরিবো তে এ য়েরাগান্‌ হেবঅ। কনঅ পবিত্র জাগাত্‌, অত্তাৎ মিলন-তাম্বুলর্‌ উদোনত্‌ সিয়েন্‌ হা পুরিবো।

লেবীয় 7:32

উদোলোলি-উৎসর্বর্ য়েমান ডেন্‌ ডাগর্‌ উলুহুলো য়েরাগান্‌ ধর্মগুরুবোরে দিয়্যে পুরিবো।

লেবীয় 7:34

ইস্রায়েলীয়গুনোর্‌ বেক্‌ উদোলোলি-উৎসর্বত্তুন্‌ মর্‌ নাঙে দুলেই রাগেয়্যে বুগোর্‌ য়েরাগান আর উৎসর্ব গোজ্যে উলুহুলো য়েরাগান মুই ধর্মগুরু হারোণ আর তার্‌ পূঅগুনোরে দিলুং। ইবে ইস্রায়েলীয়গুনোত্তুন্‌ তারার্‌ অক্ত মজিম্ পাওনা ভাগ অবঅ।

গণাণা 18:19

লগেপ্রভুর নাঙে ইস্রায়েলীয়গুনোর উৎসর্ব গোজ্যে বেক্‌ সুদ্ধো-সাংগ জিনিস্‌-পাদিনি মুই তরে আর তর্‌ ঝি-পূঅগুনোরে নিত্য পাওনা ইজেবে দিলুং। ইয়েনি লগেপ্রভুর চোগোত্‌ তর্‌ আর তর্‌ বংশর বেক্কুনোত্তে এক্কান উমরত্যে ঠিগেদে সুদোম্।”

গণাণা 31:41

লগেপ্রভু মোশিরে যে উগুমান্‌ দিয়্যে সেধোক্ক্যেন তে লগেপ্রভুর এই পাওনা খাজানা নেযেইনে ধর্মগুরু ইলিয়াসর আঢত্‌ দিলো।

গণাণা 5:8

ক্ষেতিপূরোণ নিবাত্তে যুনি সেই মানুচ্চোর্‌ কনঅ সদর্‌ কুদুম্মো ন-থায় সালে সিয়েন্‌ লগেপ্রভুর্‌ পাওনা অবঅ। সেই ক্ষেতিপূরোণ আর তার্‌ পাপ্পানি নাঢি দিবার্‌ ভেড়াছাগল্লো ধর্মগুরুগুনোরে দিয়া পুরিবো।

দ্বি’লম্বর বিররণ 12:26

লগেপ্রভুর বেঈ নেযেয়্যে জাগানত্‌ তমার সুদ্ধো-সাংগ জিনিস্‌ছানি আর মান্যা জিনিস্‌ছানি নেযা পুরিবো।