গণাণা 5:23 - Chakma Bible

²³ ধর্মগুরুবো এই বেক্‌ অভিশাপ্পানি চামান উগুরে লিগিনে পানি ঢালিনে লেগাগান্‌ সেই তিদে পানিগানত্‌ ফেলে দিবো।

গণাণা 5:23 Iomraidhean Croise

ইয়োব 31:35

হায়, মঅ কধানি যুনি কনজনে শুনিদো! মুই সোই দিইনে সাক্ষি দোঙত্তে, মঅ কধাগান সত্য; বেগত্তুন্ খেমতাবলা গোজেনে যেনে মরে জোব্ দে, মঅ বিবাদীবো যেনে মর্ দুষ্‌ছান লিগিনে দেগায়।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

গীতসংহিতা 51:9

তুই মর্ পাপ্পানির ইন্দি ন-চেজ্; মর্ বেক্ অন্যেয়ানি তুই খেমা গর্।

যাত্রা 17:14

ইয়েনর্ পরেদি লগেপ্রভু মোশিরে কলঅ, “এই যুদ্ধোর্‌ কধাগান্‌ ম নত্‌ রাগেবাত্যেই তুই এক্কো বোইয়োত্‌ সিয়েনি লিগি রাগা আর যিহোশূয়রে কোই দে, পিত্‌থিমী উগুরেত্তুন্‌ অমালেকীয়গুনোর্‌ নাঙানি মুই এক্কুবারে ভস্ত গুরি দিম্‌।”

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

গণাণা 5:22

এই অভিশাবর্‌ পানিগান্‌ তর্‌ কিয়্যেত্‌ চুমিনে যেনে এমন্‌গুরি কাম্‌ গরে যেনে তর্‌ পেট্টো ফুলি উদে আর তর্‌ মোক্কোর্‌-জিনিসচান অকেজো ওই যায়। ইয়েনর জোবত্‌ মিলেমানুচ্চোত্তুন্‌ কুয়ো পুড়িবো, সিয়েনোই ওক।

গণাণা 5:24

অভিশাবর্‌ সেই তিদে পানিগান্‌ তে মিলেমানুচ্চোরে হাবানার্‌ পরেদি সেই পানিগান্‌ তার্‌ পেদথ্‌ যেইনে তারে অমহদ দুখ্‌ দিবো।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

দ্বি’লম্বর বিররণ 31:19

“তুমি ইক্কিনে এই গানান্‌ লিগি নেযঅ। ইয়েন ইস্রায়েলীয়গুনোরে শিগেবা আর তারারে গাহ্ বাজে দিবে, যেনে তারা বিরুদ্ধে ইয়েন মর্ পক্ষেন্দি এক্কান সাক্ষী ওই থায়।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।