গণাণা 5:18 - Chakma Bible

¹⁸ মিলেমানুচ্চোরে লগেপ্রভুর্‌ মুজুঙোত্‌ থিয়্যেই রাগেবার্‌ পরেদি ধর্মগুরুবো তার্‌ চুলান্‌ খুলি দিবো আর অন্যেয়ানি তুলি ধুরিবাত্তে আন্যে উৎসর্বর জিনিস্‌চানি, অত্তাৎ সন্দেহর্‌ কারনে শোজ্য-উৎসর্বর জিনিস্‌চানি তা আদত্‌ দিবাক। ধর্মগুরুবো তার্‌ নিজোর্‌ আদত্‌ রাগেব অভিশাব আন্যে তিদে পানিগান।

গণাণা 5:18 Iomraidhean Croise

গম্ উপদেজ্ 5:4

মাত্তর্ সিয়েনর শেজ্ ফল অয় বিষো ধোক্ক্যেন্ তিদে, দ্বিকিত্তেদি ধার্ দিয়্যে ছুরি ধোক্ক্যেন ধারেয়্যে।

উপদেশক 7:26

মুই চেলুং, মরণত্তুন্ বেশ্ তিদে অলঅ সে মিলেবো, যিবের্ মনান্ এক্কো ফাল্ আর জাল ধোক্ক্যেন্ আর আঢ্ দ্বিয়েন্ শিগোল্লোই বান্যে। যে মানুচ্চো গোজেনরে হুজি গরে তে সিয়েনি আঢত্তুন্ নিজোরে রোক্ষ্যে গুরিবো, মাত্তর্ পাপীবোরে তে ফালত্ ফেলেব।

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

লেবীয় 13:45

এধোক্ক্যেন রোগ্‌ যার্‌ অবঅ তাত্তুন্‌ ফাদা কাবড় উরো পড়িবো। তে চুলান্ খুলি রাগেব। তাত্তুন্‌ তার্‌ মুয়োনর তলেন্দিগান্‌ ঢাগিনে কিযেক্‌ কারিনে কুয়া পুড়িবো, ফিবলা, ফিবলা।

গণাণা 5:17

সে পরেদি তে এক্কো মাদির্‌ পিলেত্‌ কিজু পবিত্র পানি নিবো আর থেবার্‌-তাম্বুলোর্‌ তলাত্তুন্‌ কিজু ধূল্যে তুলি নেযেইনে সেই পানিগান ভিদিরে দিবো।

গণাণা 5:19

পরেদি ধর্মগুরুবো মিলেমানুচ্চোরে শমক্‌ খাবেইনে তারে কবদে, বো যানার্‌ পরেদি কনঅ মানুচ্‌ যুনি তঅ সমারে সিনেলী ন-গুরি থান্‌ আর তুই যুনি ভান্ন্যেই পধেদি যেইনে অসতী ওই থাচ্‌ সালে অভিশাব আন্যে এই তিদে পানিগানে যেন তর্‌ কনঅ ক্ষেতি ন-গরে।

গণাণা 5:22

এই অভিশাবর্‌ পানিগান্‌ তর্‌ কিয়্যেত্‌ চুমিনে যেনে এমন্‌গুরি কাম্‌ গরে যেনে তর্‌ পেট্টো ফুলি উদে আর তর্‌ মোক্কোর্‌-জিনিসচান অকেজো ওই যায়। ইয়েনর জোবত্‌ মিলেমানুচ্চোত্তুন্‌ কুয়ো পুড়িবো, সিয়েনোই ওক।

১ করিন্হীয় 11:15

মাত্তর্ মিলেবো যুনি লাম্বা চুল থয় সালে সিয়েনিলোই তার্ বাঈনী অয়? নিজোরে ঢাগিবাত্যে দঅ মিলেগুনোরে লাম্বা চুল দিয়্যে ওইয়্যে।

১ করিন্হীয় 11:6

যুনি কনঅ মিলে মাঢাবো ন-ঢাগে সালে তে তার্ চুলান্অ কাবি ফেলোক্। মাত্তর্ মিলেবোর্ পক্কে চুল কাবি ফেলানা বা মাঢাবো মুড়েই ফেলানা লাজেবার্ কধা বিলিনে তে তার্ মাঢাবো ঢাঘি থোক্।

দ্বি’লম্বর বিররণ 29:18

তুমি চেই নেযঅ যেনে তমা ভিদিরে এচ্চ্যে এমন্‌ কনঅ মরদ বা মিলে বা কনঅ বংশ বা গুট্টি ন-থান্‌ যিবের্‌ মনান তমার গোজেন লগেপ্রভুরে ফেলেইনে সেই বেক্‌ জাদর দেব-দেবেদাগুনোরে পূজো গুরিবাত্তে আওজী। যুনি সেধোক্ক্যেন কনজন থান্‌ সালে তমা ভিদিরে তে অবদে এমন্‌ এক্কো শিঙর ধোক্ক্যেন যিবে পরেন্দি বিষ ধোক্ক্যেন তিদে গাজ্‌ ওই উদিবো।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

১ শমূয়েল 15:32

পরেন্দি শমূয়েলে কলঅ, “অমালেকীয়গুনোর রাজাবো অগাগরে মইদু আন্।” এই কধাগান শুনিনে অগাগ তার পক্তা-মক্তা কিয়্যেগান্দোই দুলোং-দালংগুরি শমূয়েলর ইদু এলঅ। তে মনে গুরিলো মরণর যন্ত্রণাগান্ ইক্কিনে আর নেই।