গণাণা 4:32 - Chakma Bible

³² ইয়েন্‌বাদে, চেরোকিত্তে উদোনর্‌ বেক্‌ টেং-টক্কুন্ সহ খুঁদো, তাম্বুলোর খুঁদো, উদোন পর্দাগানর্‌ দুড়িগান্‌ আর সিয়েনির বেক্‌ মেশিনানি আর সিয়েনি কামত্‌ লাগেবার্‌ বেক্‌ লাগেদে পজা-পিরানিয়ো তারাত্তুন বুয়োই নেযা পুরিবো। কন্না কি বুয়োই নেযেব সিয়েনি তুমিই তারারে ঠিগ্ গুরি দিবে।

গণাণা 4:32 Iomraidhean Croise

১ বংশধর 9:29

অন্যগুনো উগুরে এলঅ তবনা-ঘর খাট-পালঙানি আর বেক্‌ পিলেগুন, মোয়দে আর আংগুর-রস, তেল, লোবান আর বেক্‌ তুম্বাজ্ মজলানি চুগি দিবার্‌ ভারান্‌।

যাত্রা 25:9

যে চিহ্নোগান্‌ মুই তরে দেগেবাত্তে যাঙর্‌ ঠিগ্ সেধোক্ক্যেন গুরিই তুই মর্‌ এ থেবার-তাম্বুল আর বেক্‌ সরঞ্জামানি বানেই লবে।

যাত্রা 27:9

থেবার-তাম্বুলানর্‌ চেরোকিত্তেদি এক্কান উদোন্‌ থেবঅ‌। ইয়েনর্‌ দোগিণেদি অবঅ‌ একশত আত্‌। সিন্দি থেবঅ‌ পাগেয়্যে মসীনা সুদোলোই পর্দা।

যাত্রা 38:17

খুদোগুন বোজেবার্‌ টেং-বদঙুন্‌ পিদোল্লোই বানা অলঅ‌। খুদোগুনোর লগে লাগেবার্‌ হুক্ আর বাঁনেদে-পাত্‌ রূবোলোই বানা অলঅ। খুঁদোগুনোর্‌ মাদাগুনো রূবোলোই বেড়েই দিয়্যে অলঅ‌। উদোনর্‌ বেক্‌ খুদোগুনত্‌ রূবোর্‌ বানেদে-পাত লাগা অলঅ‌।

যাত্রা 38:21

থেবার্‌-তাম্বুল, অত্তাৎ সাক্ষ্য-তাম্বুলান বানাদে যেদক্কানি পযাপিরা লাক্ক্যে মোশির্‌ উগুম মজিম্ পোইল্যেত্তুন্‌ ধুরি ধর্মগুরু হারোণর্‌ পূঅ ঈথামরর্‌ পরিচালনায়্‌ লেবীয়োগুনে সিয়েনর্‌ ইজেপ্পান্‌ রাগেয়োন্‌।

গণাণা 3:36

মরারীয়গুনোর্‌ দায়িত্বো এলদে থেবার-তাম্বুলোর ফ্রেমানি, তার হুক্, খুদো, টেঙানি আর তার্‌ বেক্‌ পযাপিরানি,

গণাণা 3:8

তারা মিলন-তাম্বুলোর্‌ পজা-পিরানি দেগাশুনো আর থেবার-তাম্বুলর কাম্‌ গুরিনে ইস্রায়েলীয়গুনোর্‌ দায়িত্তো আর কামানি পালেবাক্।

গণাণা 4:31

মিলন-তাম্বুলো কামত্‌ মরারীয়গুনোর্‌ দায়িত্বো অলঅ থেবার-তাম্বুলোর বেক্‌ ফ্রেমানি, হুককুন্, খুঁদো আর টেং-টক্কুন্‌ বুয়োই নেযানা।

গণাণা 4:33

ইয়েনই অলঅ মিলন-তাম্বুলোর কামত্‌ মরারীয় বংশগুনোর দায়িত্বো। তারার্‌ কামানি দেগাশুনো গুরিবার্‌ দায়িত্বো থেবঅ ধর্মগুরু হারোণর পূঅ ঈথামর উগুরে।”

গণাণা 4:49

মোশিরে দিইনে লগেপ্রভুর্‌ দিয়া উগুম্‌ মজিম বেক্কুনেই তার্‌ কাম্‌ আর কিঙিরিনে বুয়োই নেযা পুরিবো সিয়েন্‌ ঠিগ্ গুরি দিয়া ওইয়্যে। মোশিরে লগেপ্রভু যে উগুমান দিয়্যে সেই মজিম এবাবোত্যেগুরি লেবীয়গুনোর্‌ মান্‌জ্যর সোংখ্যেগুন গণা ওইয়্যে।

গণাণা 7:1

যেদিন্যে থেবার্‌-তাম্বুলান তুলোনা থুম অলঅ সেদিন্যে মোশি সিয়েন উগুরে অভিষেগ-তেল্লোই গোদা তাম্বুলান আর তার্‌ পজা-পিরানি লগেপ্রভুর নাঙে যুদো গুরি নেযেল। তে পূজো আর তার্‌ থাল্‌-বাজোন্‌ উগুরে অভিষেগ তেল্লোই সিগুনোরে যুদো গুরি নেযেল।

গণাণা 7:8

আর মরারীয়গুনোর্‌ কাম্‌ মজিম তে তারারে চেরান্‌ গাড়ি আর আস্‌তোবুয়ো বলদ গোরু দিলো। ইয়েনি বেক্কুনোর্‌ দেগাশুনোর্‌ ভারান্ এলঅ ধর্মগুরু্‌ হারোণর্‌ পূঅ ঈথামর উগুরে।