গণাণা 4:16 - Chakma Bible

¹⁶ চেরাগর্‌ তেল, তুম্বাজ্ পৌইরেক, সুদোম মজিম্ শোজ্য-উৎসর্ব আর অভিষেগ-তেলর দায়িত্বো থেবঅ ধর্মগুরু্‌ হারোণর পূঅ ইলীয়াসর উগুরে। বেক্‌ থেবার-তাম্বুলান্ আরঅ ‍সিয়েন ভিদিরে বেক্কানি, অত্তাৎ পবিত্র তাম্বুলোর আর সিয়েনর্ পজা-পিরানির দায়িত্বো থেবঅ ইলীয়াসর উগুরে।”

গণাণা 4:16 Iomraidhean Croise

যাত্রা 25:6

পহর্‌ গুরি জুলিবাত্তেই পৌইরেগর্‌ তেল; অভিষেক-তেল আর তুম্বাজ ধূবোত্তে মশলা;

যাত্রা 30:22

সে পরেদি লগেপ্রভু মোশিরে কলঅ‌,

যাত্রা 31:11

অভিষেকর্‌ তেল আর পবিত্র জাগানত্তেই তুম্বাজ ধূপ্অ এই জিনিস্‌ছানি ভিদিরে আঘে। তরে দিয়্যে মর্‌ উগুম্‌ মজিম যেনে তারা সিয়েনি বানান্‌।”

যাত্রা 37:29

ইয়েন্‌বাদে তুম্বাস্‌ জিনিস্‌ বানাইদে ধোক্ক্যেন গুরি খাটি তুম্বাস্‌ ধূপ আর পবিত্র অভিষেক-তেল্‌অ‌ বানা অলঅ‌।

লেবীয় 24:1

লগেপ্রভু মোশিরে কলঅ,

লেবীয় 24:2

তুই ইস্রায়েলীয়গুনোরে উগুম দে যেন তারা চেরাগবদঙত্তে তইদু ছিঁজেয়ে জলপাইয়র্‌ গম্‌ তেল আনন্‌ যেনে চেরাক্কুন্‌ নিত্য জ্বালেই রাগা যায়।

লেবীয় 6:20

“হারোণর্‌ অভিষেগর্ দিনোত্‌ হারোণ আর তার্‌ পূঅগুনে অক্ত মজিম্ শোজ্য-উৎসর্ব ধোক্ক্যেন এক কেজি আস্‌টোশত্ গ্রাম নিগুজ মোয়দে লগেপ্রভুর্ নাঙে আনিবাক্। সিয়েনর্‌ অদ্দেক্‌ বেন্যেমাদান্ আর অদ্দেক্‌ সাজন্যা উৎসর্ব গরা পরিবো।

গণাণা 3:32

লেবীয়গুনোর বেগঅ দাঙর্‌ নেতা এলদে ধর্মগুরু হারোণর পূঅ ইলীয়াসর। পবিত্র তাম্বুলোর দেগাশুনো গুরিবার্‌ ভারান্‌ যিগুনোরে দিয়া ওইয়্যে তারারে দেগাশুনো গুরিবাত্তে ইলীয়াসররে নেযা ওইয়্যে।

গণাণা 4:17

ইয়েনর্ পরেদি লগেপ্রভু মোশি আর হারোণরে কলঅ,

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

১ করিন্হীয় 4:1

মান্‌জ্যে আমারে মনে গত্তোক্ যে, আমি খ্রীষ্টর্ সেবাগুরিয়্যে আর আমা উগুরে গোজেনর্ গুমুরো সত্যগান জানিবার ভারান্ দিয়্যে ওইয়্যে।

১ তীমথিয় 2:5

গোজেন বানা একজন আঘে আর গোজেন আহ্ মান্‌জ্যরে মিলেমিলি গুরি দিবাত্যেয়ো বানা একজন আঘে। সেই মিলেমিলি গুরি দিয়্যেবো অলঅ মানুচ্‌ খ্রীষ্ট যীশু।

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

১ পিতর 2:25

ভুল পধত্ যেইয়্যে ভেড়া ধোক্ক্যেন তুমিয়ো ভুল পধেদি যর্, মাত্তর্ যে পালক তমা মন ভিদিরে দেগাশুনো গরে তুমি তা ইধু ফিরি এচ্চ্য।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;