গণাণা 35:9 - Chakma Bible

^9-11 ইয়েনির পরেদি লগেপ্রভু মোশিরে কলঅ ইস্রায়েলীয়গুনোরে কবাত্তে, যর্দন গাঙান্‌ পার্‌ ওইনে কনান দেজত্‌ যেইনে তুমি নিজোত্তে কদক্কানি জিরেবার-শঅর ঠিগ্ গুরিবা যেনে কেউ কাররে অদাদৎ মারে ফেলেলে সিদু ধেই যেই পারন্‌।

গণাণা 35:9 Iomraidhean Croise

গণাণা 35:8

ইস্রায়েলীয়গুনোর সোম্বোত্তিত্তুন্‌ লেবীয়গুনোর্‌ যেদক্কানি আদাম আর শঅর দিয়্যে অবঅ সিয়েনি পত্তি গুট্টির পেইয়্যে সোম্বোত্তির পরিমাণান বুঝেই দিয়্যে পুরিবো। যে গুট্টিবোর ভাগত্‌ বেশ্‌ আদাম আর শঅর পড়িবো সেই গুট্টিবোত্তুন্‌ বেশ্‌ আর যে গুট্টিবোর ভাগত্‌ কম্‌ আদাম আর শঅর পড়িবো সেই গুট্টিবোত্তুন্‌ কম নিবা।”

দ্বি’লম্বর বিররণ 19:1

তমার গোজেন লগেপ্রভু যে দেজ্‌ছান তমারে গজক্ গুরিবাত্তে দিবো সিদুগোর্ জাদ্‌তুনোরে যেক্কে তে ভস্ত গুরি ফেলেব আর তুমি তারার বদলে তারার আদামত্‌ বা শঅরত্‌ আর ঘরানিত বজত্তি গুরি পারিবা,

দ্বি’লম্বর বিররণ 19:4

মনত্‌ কনঅ ইংসে ন রাগেইনে যুনি কনজনে আদিক্কেগুরি কাররে মারে ফেলান আর নিজোর পরাণান বাজেবাত্তে তার কায়-কুরে আশ্রয়-শঅরানত্‌ ধেই যায় সালে তা পৌইদ্যেনে ইয়েনই অলঅ সুদোম।

যিহোশূয় 20:1

ইয়েনর্ পরেন্দি লগেপ্রভু যিহোশূয়রে কলঅ‌,