Biblia Todo Logo
Bìoball air-loidhne

- Sanasan -




গণাণা 35:8 - Chakma Bible

8 ইস্রায়েলীয়গুনোর সোম্বোত্তিত্তুন্‌ লেবীয়গুনোর্‌ যেদক্কানি আদাম আর শঅর দিয়্যে অবঅ সিয়েনি পত্তি গুট্টির পেইয়্যে সোম্বোত্তির পরিমাণান বুঝেই দিয়্যে পুরিবো। যে গুট্টিবোর ভাগত্‌ বেশ্‌ আদাম আর শঅর পড়িবো সেই গুট্টিবোত্তুন্‌ বেশ্‌ আর যে গুট্টিবোর ভাগত্‌ কম্‌ আদাম আর শঅর পড়িবো সেই গুট্টিবোত্তুন্‌ কম নিবা।”

Faic an caibideil Dèan lethbhreac




গণাণা 35:8
11 Iomraidhean Croise  

তারার্‌ এ দর্‌গরেপারা রাগ্‌‌কানি, এ চিৎনপুজ্যে রাগ্‌‌কানি অভিশাব্ পোড়োক্‌। মুই তারা গুট্টি যাকোব বংশগুনো ভিদিরে ভাগ গুরি দিম, আর ইস্রায়েলীয়গুনো ভিদিরে তারারে ছিদি দিম্।


লেবীয়গুনে তারার্‌ য়েমান চোড়েবার্‌ মাঠ্‌তুন্‌ আর সোম্বোত্তিগানি ছাড়িনে যিহূদা আর যিরূশালেমত্‌ এলাক্‌, কিত্তে যারবিয়ামে আর তা পুয়োগুনে লগেপ্রভুর ধর্মগুরু পোজিশনানত্তুন্‌ তারারে বাদ দি দিলো।


মাত্তর্‌ ওমর মাবত্‌ দেগা গেলদে, যিগুনে বেশ্‌ কুড়েয়োন্‌ তারার্‌ বেশ্‌ ন-অলঅ‌ আর যিগুনে কম কুরেয়োন্‌ তারার্‌ কম্‌ ন-পড়িলো। পত্তিজনে পরিবারর্‌ দরকার্‌ মজিম্‌ সিয়েনি কুড়েলাক্।


মাত্তর্ সোম্বোত্তি ইজেবে পেইয়ে লেবীয়গুনোর্‌ বেক্‌ আদাম আর শহর আর সিয়েনি ভিদিরে ঘরানি তারার্‌ যে কনঅ সময় ছাড়েই নেযেবার্‌ অধিকারান থেবঅ।


যে গুট্টিবোর্‌ মান্‌জ্যর সোংখ্যে বেশ্‌ সেই গুট্টিবোরে বেশ্‌ আর যে গুট্টিবোর মান্‌জ্যর সোংখ্যে কম সেই গুট্টিবোরে কম্‌ জাগা দিয়া পুরিবো। পত্তি গুট্টিত্তুন্‌ তার্‌ গুণি নেযেয়ে মানুচ্চুনোর সোংখ্যে মজিম জাগানির্‌ গিরোজ অবাক্‌।


তুমি চাম্বা চেইনে নানান্‌ বংশর জাগায়ানি ঠিগ গুরি নিবা। বংশর জনসোংখ্যেগুন বেশ্‌ অলে বেশ্‌ জাগা আর কম অলে কম্‌ জাগা দিয়্যে পুরিবো। চাম্বা চেইনে যে বংশর্‌ জাগায়ানি যিয়েনত্‌ পুরিবো সেই বংশবত্তুন সিয়োদোই জাগা নেযা পুরিবো। গুট্টির নানান্‌ বংশগুনে গুট্টির চাগালা ভিদিরেত্তুনই জাগা পেবাক্।


ইয়েনির পরেদি লগেপ্রভু মোশিরে কলঅ ইস্রায়েলীয়গুনোরে কবাত্তে, যর্দন গাঙান্‌ পার্‌ ওইনে কনান দেজত্‌ যেইনে তুমি নিজোত্তে কদক্কানি জিরেবার-শঅর ঠিগ্ গুরিবা যেনে কেউ কাররে অদাদৎ মারে ফেলেলে সিদু ধেই যেই পারন্‌।


Lean sinn:

Sanasan


Sanasan